بعد مقاطعة امي
— المية كانت الساقية اللي فوقتني يا أمي. 8 سنين وأنا في الشارع، ومحدش فيكم سأل أنا باكل منين ولا ببات فين. الفيلا اللي كنتي بتتباهي بيها وتذليني بيها.. طلعت بتاعتي. والشارع اللي رميتوني فيه من 8 سنين.
. اتفضلوا جربوا عيشته من النهاردة.قفلت السكة في وشها قبل ما أسمع أي كلمة تانية، وحطيت التليفون على الطاولة، وشمرت أكمام بالطو الشيف الأبكر ونزلت المطبخ أكمل شغلي.مسكت السكينة وبدأت أقطع الخضار بحركات سريعة ومتقنة.
صوت الخبط على القطاعة كان هو الحاجة الوحيدة اللي مسيطرة على المطبخ، والعمال حواليا بيتحركوا في صمت تام، محدش فيهم جرؤ يسألني عن اللي حصل بره، ولا عن المية اللي كانت لسه مبللة ياقة البالطو.فون المطبخ الداخلي رن. الشيف المسؤول رفعه ورجع بصلّي بتردد:
— شيف مريم..
الأستاذ عمرو المحامي على الخط، بيقول الموضوع ضروري.نشفت إيدي ورفعت السماعة:
— خير يا عمرو؟— مريم.. هما رفضوا يتحركوا من قدام باب الفيلا. واقفين في الشارع بره مع الشنط، وسهير هانم نازلة تصريح للناس والمارين في الشارع إنك رميتي أمك وأختك، وتليفونك بيرن من أرقام قرايبكم كلهم.
. عمك حسام طلبني وبيقول القصة ديزم تتقفل يلموا الليلة قبل ما تبدأ الفضايح في العيلة.ابتسمت بسخرية وأنا بصة للافتة المطعم من الإزاز:
— قرايبي؟ هما القرايب دول كانوا فين لما كنت بنام في العربية أول سنة بعد ما أتسحبت مني شقتي؟
حسام بيه ده بالذات مش كان عارف إن أمي رمتني عشان رفضت أدفع أقصاط عربية شهد الجديدة؟— أنا فاهم كل ده يا مريم، بس الوضع بره مش لطيف.. الصحافة والمواقع المغمورة ممكن تلقط حاجة زي دي، وإنتي اسمك بقى علامة تجارية كبيرة في السوق.
— يلقطوا اللي يلقطوه يا عمرو. بلغ الأمن بره الفيلا لو حد قرب من الأسوار أو عمل شغب يطلب النجدة فورًا بتهمة التعدي على ملكية خاصة. وإنت ارميلهم في إيديهم مفتاح شقة الإيجار القديم بتاعت جدي في شبرا..
الشقة فاضية ومفهاش عفش غير سريرين، خلي شهد تجرب تعيش الحياة اللي كانت بتتريق عليها.قفلت السكة ورجعت التليفون مكانه.ساعتين عدوا وأنا غرقانة في تفاصيل الشغل، لحد ما الجرسون جه يجري وشها أصفر:
— شيف مريم..
في واحدة بره عملة هيصة في الصالة ومصممة تدخل المطبخ، الأمن بيحاول يمنعها بس هي بتصرخ وبتنادي باسمك.مشيت باتجاه الصالة بهدوء تام. كانت شهد.. واقفة هدومها متبهدلة، المكياج سايح على وشها من العياط، ومسكينة شنطة يدها بإيد بتترعش.
