بعد مقاطعة امي
الزبائن كانوا بيبصوا لي بشفقة، بس أنا اديت إشارة للويترز إن كل حاجة تمام والخدمة ترجع طبيعي. الحركة رجعت، بس عقلي كان في مكان تاني خالص.. في التجمع الخامس، قدام باب الفيلا.بعد ساعة وربع، في الفيلا..
سهير كانت قاعدة في الجاردن بتشرب القهوة مع شهد، وبيضحكوا على اللي حصل في المطعم.— شفتيها يا ماما؟ فاكرة نفسها بقت حاجة عشان فتحت مطعم! والله المية الثلج دي كانت شوية عليها.— سيبك منها يا شهد، بكرة تزحف تحت رجلينا لما تعرف إننا مش محتاجين لها، ومردودة لها قسوة قلبها عليكي.
فجأة، صوت الباب الخارجي للفيلا بيتفتح بقوة، وصوت جرس الباب بيض. رب باستمرار وبشكل متواصل ير. عب.شهد قامت بسرعة وهي متضايقة:
— إيه الجنان ده! مين الأغبياء اللي على الباب دول؟فتحت الباب، ووجها اتخ.
طف لما لقت ضابط شرطة واقف ومعاه اتنين محضرين وعساكر، ووراه عمرو المحامي ماسك حافظة مستندات زرقا.— المحضر إخلاء إداري للفيلا رقم 412.سهير قامت تجري من الجاردن بصدمة:
— إيه الكلام الفارغ ده؟ إنتوا تعرفوا الفيلا دي ملك مين؟ الفيلا دي ملك صاحب شركة العقارات اللي مأجرين منه!
عمرو خطى خطوة لقدام، وطلع ورقة رسمية مختومة بختم النسر ورفعها قدام عيونهم:
— الشركة دي مباعة بالكامل بكافة أصولها وعقاراتها لشركة “أورا” للاستثمار، والمالك الجديد للفيلا وللشركة بالكامل هي الأستاذة مريم.. وصدر قرار بفسخ كافة العقود والإخلاء الفوري لعدم سداد الإيجار المتأخر واسترداد العين.
قدامكم نص ساعة تلموا فيها هدومكم الشخصية فقط، وأي حاجة تانية جوة الفيلا حرز تحت تصرف المالك.شهد بدأت تصرخ وتض. رب برجليها على الأرض:
— ده افترى! دي مجنونة! مش هنطلع من هنا، اطلبوا البوليس!الضابط اتكلم بصوت صارم ومفيش فيه هزار:
— البوليس واقف قدامك يا أنسة.
لو سمحتي اتفضلي لمي حاجتك بالهدوء وإلا هتنقلي للقسم بتهمة تعطيل تنفيذ حكم قضائي.خلال نص ساعة، كانت الشنط المرمية على باب الفيلا الخارجي هي كل اللي حيلتهم. سهير واقفة في الشارع بالشبشب الحريمي وشال خفيف على كتفها، وشهد ماسكة شنطة هدومها وبتعيط بانهيار وهي بتبص للفيلا اللي المقابض بتاعتها بتتغير في نفس اللحظة برجالة أمن تبع شركتي.
الموبايل في إيد سهير رن. كانت ماسكاه بإيد بتترعش، ولما شافت الرقم ردت بصريخ:
— يا حسرة قلبي عليكي يا مريم! بتطردي أمك في الشارع؟ بتعملي فينا كده عشان كاس مية؟رديت عليها بصوت هادي، هادي لدرجة يرعب، وأنا واقفة ورا إزاز مكتبي في الشيخ زايد بتفرج على النيل البعيد:
