اسكربت عاد لينتقم مروة حمدي / منى عبد العزيز
حماتها: انت ازاي تكلمني بالشكل دا وتقعدى في بيتي دقيقه وحده بعد ما حققتك اتكشفت.
من وراهم اديرت حماتها على صوت جوزها وهو بيقول.
ـ عشان هي صاحبة حق لو، وحده تانيه كانت قومت الدنيا ماقعدتهاش من كلامك واتهامك ليه على الاقل كانت ردت عليكي رد مكنش هيعجبك ولا يعجبني لكن هي بنت اصول واستحملت كلامك واهانتك ليها وهي مظلومه.
نور ببكاء: مظلومة يابابا دى حيوانه شف بنفسك صورها وكلامها اللي بعتاه لمعتز.
ابوها: سامحني يانور عيني ظلمتك بخطبتك وكتب كتابك على انسان مريض نفسي خدعني بكلامه وجميل كان مخطط ليه بحرفنه ودقة محدش يقدر يكشفها لولي هايدي كنا لسه على عمانا ومبهورين بيه.
نور وامها بصوا لبعض وقالوا: انت بتصدق الالعوبان دى اكيد دي كذبة منها بعد ما هددها انه هيقولنا حقيقتها ويكشفها قدمنا.
الاب: بالعكس هايدى مقلتليش اي حاجه كل اللي قالته ليا من كام يوم اني اقف تحت السلم وقت ما معتز ما يجي البيت لان في حاجه غريبه بتحصل وقت ما يكون موجود وطلبت مني معرفش خد واعمل شوشرة وتكون هي بيتهيقلها وبالصدفة كنت راجع من الشغل وقتها سمعته بنفسي وهو بيوقف هايدي وهي طالعة شقتها جريت و واقفت تحت السلم وللاسف سمعته وهو بيهددها لو مطلبتش الطلاق من مروان هيبعت صورها ورسايلها قبل ما تجوز مروان على اساس انها بعتتها ليه بعد ماخطب نور.
يومها سبحان من صبرني لحد ما يخرج من البيت واخدت هايدى ورحنا قعدنا في حته بعيد عن البيت يومها قالت.
ـ عمي انا اسفه اني خليت حضرتك تسمع الكلام دا بس انا ملقتش قدامي غير الحل دا بعد اسابيع قضتها وانا بفكر ازاي احل المشكلة من غير ما اجرح نور وقبل ما حضرتك تسال عن اي حاجه احب اعرفك ان مروان عارف اصل الموضوع من يوم ما وافقت ارتبط بيه حكتله كل حاجه الحاجه الوحيدة اللي ما يعرفهاش ان الشخص دا هو معتز، خطيب نور.
ـ ممكن تحكيلي كل حاجه واي حكاية الصور اللي بيهددك بيها.
هايدي بحزن: الصور دي اكتر غلطه عملتها في حياتي بس قبل حضرتك دا تفتكر انها صور مش كويسه دى كلها صور كان بيخدها من مكلمتنا فيديوا اللي كانت معظمها في اماكن عامه هتشفها بنفسك وباقي الصور هي صورحفل تخرجي ومعظمها نازل على صفحتي مفهاش حاجه مخجله.
ودا تليفوني اقسملك ياعمو ماحزفت رساله ولا حرف واحد من سبع سنين للحظة اللي انا قعده فيها مع حضرتك وسامع صوت الرسايل بنفسك.
اتنهد وبحسره: ليه سكتي اول ما شفتيه وبعت ليكي يهددك، ما نبهتناش ليه.
ـ هايدى حاولت كتير وقلت ممكن يبعد من نفسه عني لما يقرب من نور ويعرف قمتها وانها انسانه محترمه وطيبه والكل بيحلف باخلقها وجمالها قلت بلاش اكون سبب زعل نور وخصوصا اني شيفاها متعلقه بيه ومنبهرة بشخصيته يوم وراء يوم كل ما احاول الفت نظر طنط ونور القيهم بيخدوا كلامي ويفهموه غلط ملقتش حل قدامي غير ان حضرتك تسمع بنفسك كلامه وبعدها اقدر احكيلك الحقيقة كلها.
ـ انا مصدقك يابنتي انا سالت عليكي كتير في شغلك وجرانك حتى زميلاتك في الجامعة لما لقيت ابني متمسك بيكي ومصمم عليكي وعرفت اصلك الطيب واخلقك العاليه ومتعرفيش دلوقتي كبرتي في عيني قد اي، بس ليا طلب عندك صغير.
ـ حضرتك تؤمر ياعمو.
ـ عاوزك تعرفي منه ليه نور دخلها في اللعبه بتاعته وازاي وصلها وكان ناوي يعمل فيها اي لو وفقتي على طلبه.
رجع من شروده وقرب من نور بنته واتنهد بحزن وخرج تليفون هايدى وفتح تسجيل بصوت.معتز،وهو بيكلم هايدي اللي استدرجته بالكلام
معتز بضحكة خبثه طلبت من كريم اخويا يراقب بيتك ويعرف عنوان خطيبك وكل حاجه عنه وعرف وقتها انه ليه اخت بعد تفكير طويل ودراسه كل كلمة عرفتها ملقتش حل غير اخته طلبت من اخويا يرقبها ويعرف خطواتها حفظت كل تفصيله في يومها ونفذت الخطة اللي رسمتها ونجحت بامتياز وبقيت الشهم الشجاع اللي انقذ ربة الصون والعفاف وقتها ابوها اللي هو حماكي المحترم حب يشكرني عزمني على العشاء في بيته وطول القعدة بيكلمني على مروان ابنه الدكتور وفرحه المهول اللي عمله للبنت اللي بيحبها وقتها انا كل اللي كنت مخطط ليه اني ادخل البيت ورجلي تكون رايحه جايه عليه، لكن بعد كلام اهله عنك وعن حبك لمروان في الفترة الصغيرة اللي قضتيها معه وبالصدفة سمعت اتصال مع نور وسمعت ضحكتك اللي طلعه من قلبك يومها طلبت ايد نور من ابوها وهو كأنه ما صدق ما الراجل عاوز يرد الجميل، طبعا الهبله كانت فكراني بحبها وهي غبيه مش بتفهم اي كلمة واسئلتي الكتير عنك انتي ومروان وهي من هبلها كانت بتحكيلي تفاصيل يومكم حتى اللبس اللي بتلبسوه.
نور بانهيار: يعني كل الفترة دى بيكذب عليا بيخدعني وخدني وسيله ينتقم مني.
ابوها: وحياتك انتي يانور عيني حقك اخدته من حبابي عنيه ودلوقتي هو في الطريق مع اخوكي سندك وعزوتك ومعهم المأذون.
