اسكربت عاد لينتقم مروة حمدي / منى عبد العزيز
التليفون رن فى ايدها، فتحت المكالمة وحطته على ودنها وعينه عليها وبتحدى: ايوه يا حبيبى.
_…
انت خلاص جاى؟
_…
_توتو لا مش عايزة حاجه غير انك ترجعلى بالسلامه ياقلبى.
_…
ههههههه يا بكاش بس بقى بلاش شقاوة.
وطت صوتها وبهمس مسموع للى واقف هيطرشق: اصل خطيب اختك هنا فتعالي بسرعه بقا.
_….
_لا على مهلك وحياتى اوعى تسوق بسرعه.
_…
_لا خلاص انا هنزل استقبلك من تحت.
….
_يالا سلام مؤقت.
قفلت ولسه نظرتها عليه علت صوتها..
_ماما انا نازلة استقبل مروان تحت.
لسه هتتحرك مسكها من ايدها بغل: انتى عايزة توصلى لايه باللى بتعمليه ده؟ ايه فاكرة انى هغير مثلا يبقى بتحلمى علشان عارف ان كل ده لعب عيال.
زاحت ايده بقرف: لو فى لعب عيال هيبقى ال انت بتعمله.
_عندك حق لحد دلوقت انا بلعب بس وحياتك لادخل فى الجد واخليه يطلقك ويرميكى طالما انتى مش ناوية تعمليها.
تليفونها رن فضحك باستهزاء: انزلى استقبلى العريس جالك تحت اهو يالا انزلى.
بصت ليه وللتليفون ونزلت بسرعه وقلبها بيدق بخوف لو فعلا نفذ تهديده والأهم سألت نفسها: يا ترى ناوى على ايه يا معتز.
وحماتها فى المطبخ طلعت جرى بتكلم نفسها: حبكت يعنى ايه التقليع دى بقى تسيب الضيف لوحده كده ! هى مالها انهاردة زى ما تكون بطفشه.
لقته واقف قدام الباب: فى حاجه يا معتز يابنى. واقف عندك كده ليه.
معتز وهو حاطط ايده فى جيبه: قولت استقبل ابنك انا كمان.
بحرج: اتفضل اقعد يا حبيبى ما تاخدش فى بالك حركات عرايس فرحانين ببعض عقبالك انت ونور يا رب.
دخل مروان وهى معاه وصوت ضحكتهم الهادية وهمسهم بيخلوا النار تزيد فى معتز سلم عليه مروان سلام بارد رده التانى بنفس الطريقة
مروان: يعنى ما قولتش انك جاى على الاقل يكون فى راجل فى البيت يستقبلك ويقعد معاك
امه بحرج وهى بتبص لهايدى بضيق فاكرة انها هى ال اشتكت ليه: الرجل حب يعملها مفاجأة لاختك ويفرحها، وبعدين غريب ايه ده بقا واحد مننا خلاص.
معتز بابتسامه مستفزة لمروان: تسلميلي يا طنط.
رجعت هى للمطبخ وقعد معتز ومروان وجه بباه وجات نور ال فرحت اول ماشافته وفرحت اكتر بالهدية.
بس هو كان واضح عليه الضيق.
نور: مالك يا معتز فى ايه؟
معتز بتمثيل: انا بقول اخدها من قصيرها وامشى.
نور بلهفة: ليه كده؟ والعشاء ال ماما بتحضره.
معتز: اعذريني اصل حاسس حاسس انى مش مرغوب بوجودى.
نور: لا طبعا مين قالك كده؟
معتز وهو بيشاور برأسه على هايدى: مش شايفه مرات اخوكى قاعدة ازاى ولا بتردى ترد حتى عليا غير بالقطارة ده غير انها شبه طردتنى ومكنتش عايزة تدخلني لولا والدتك وغير انها استغلت دخول والدتك المطبخ واصرت تعرف الهدية فيها ايه وفتحتها قبل ما انتى تفتحيها.
نور: انا خدت لبالى ان العلبة مفتوحه بس انكسفت اسأل.
معتز بتنهيدة : انا ال اتحرجت منها فعلشان كده انا همشى.
_لا هو انا مش غالية عندك.
_انتى لسه هتسالى.
نور بابتسامه؛ يبقى تتغشى معايا وهايدي انا ليا معاها كلام تانى.
قامت من مكانها وبصت على هايدى ال بتلعب فى تليفونها وحاطه رجل على رجل ومش معاهم خالص.
وكملت بصوت مسموع: هروح اساعد ماما ال واقفة فى المطبخ لوحدها من بدرى.
اتحركت بعصبيه نادت ماما.
