خبر وفاة
رفعت موبايلها وقالت بصوت ثابت
كل اللي بتقوله متسجل يا شريف والشرطة عارفة إني هنا
شريف اتجمد مكانه للحظة وبعدين ضحك بسخرية
إنتي فاكرة إن تسجيل صغير هيقدر يثبت حاجة؟
ندى بصت له وقالت
مش التسجيل لوحده يا شريف فيه كمان اعترافات رنا والمستندات الأصلية اللي أبويا سابها وفيه شهود على التحويلات اللي عملتها باسم الشركة
وشه اتغير أول ما سمع اسم رنا
رنا ما كانتش المفروض تتكلم في أي حاجة كانت مجرد موظفة ومحدش هيصدق كلامها
ندى ردت عليه
رنا كانت إنسانة زيي وزي أي حد اتخدع فيك وهي قبل ما تموت حاولت تصلح غلطتها وتكشف الحقيقة
شريف صرخ
هي اللي جابت لنفسها المشاكل دي!
لكن الجملة دي كانت آخر غلطة عملها
لأن أصوات عربيات الشرطة ظهرت بره المخزن وبعد ثواني دخل الضباط من كل ناحية وطلبوا من شريف والراجلين اللي معاه يحطوا إيديهم فوق راسهم
شريف حاول يجري ناحية الباب الخلفي لكن الضباط قبضوا عليه قبل ما يوصل
الضابط قرب من ندى وقال
إنتي بخير يا مدام ندى؟
ندى هزت راسها وهي مش قادرة تتكلم
وبعدين بصت لشريف وهو بيتقيد وبتسأله للمرة الأخيرة
قولي حاجة واحدة بس إنت كنت هتعمل إيه لو عرفت إني حامل منك؟
شريف وقف مكانه وبص لها بصدمة
حامل؟ إنتي بتقولي إيه؟
ندى ردت عليه وهي بتمسح دموعها
أنا اكتشفت إني حامل قبل ما أسيب البيت بيومين وكنت ناوية أفاجئك بالخبر لكن لما عرفت إنك بتخوني وبتستخدم اسمي في جرايمك قررت أمشي من غير ما أقولك
شريف وشه اصفر وقال
ندى أنا ما كنتش أعرف والله ما كنتش أعرف
ندى بصت له نظرة أخيرة وقالت
وده كان أحسن قرار أخدته في حياتي إني ما قلتلكش لأن ابني مش هيكبر وسط الكدب والخوف اللي أنا عشت فيهم
الضباط أخدوا شريف على القسم واتفتحت تحقيقات موسعة في ق\ضية التلاعب المالي والقتل والتزوير وبعد فحص التسجيلات والمستندات اتضح إن فؤاد كان شريك في الجري\مة القديمة وإن شريف ساعده في إخفاء الأدلة لسنين طويلة
أما حادثة رنا فكانت نهايتها أصعب مما تخيل الجميع
التحقيقات كشفت إن رنا كانت بتحاول تهرب من شريف بعد ما هددها بسبب معرفتها بحقيقة التحويلات وإنها في ليلة الحادثة كانت لابسة فستان ندى بعد ما بدلت هدومها معاها في لقاء أخير كان هدفه إنها تساعدها تختفي عن الأنظار
