شفت الحادثة 2

أختك التوأم! حتة منك!
فتحت الباب الحديد، ورزعته ورايا بصوت هز العمارة، ونزلت السلم جري.
وأنا نازلة، صوت رنين في راسي كان بيلف دينا أختك، دينا حتة منك…
كنت بضحك پهستيريا وأنا بمد في الشارع عشان ألحق تاكسي. أختي اللي لما كنت بقوم بالليل أعيط من ۏجع العضم والمسامير اللي في رجلي، كانت بتشد الغطا على وشها وتقولي وطي صوتك يا دنيا، مش عارفة أنام وعندي مدرسة بكره!. أختي اللي لما شافت طارق، راجل دخل قلبي وعاش فيه، مدت إيدها بكل صفاقة وأخدته، وجاية دلوقتي تتباكى عليا وتقولي إنتي زعلانة؟.
شاورت لتاكسي على شارع الخليفة المأمون، ركبت ورزعت الباب جامعة عين شمس، كلية صيدلة، واطلع بأقصى سرعة عندك يا أسطى، هديك اللي تطلبه!
السواق داس بنزين، وأنا كنت بفرك في ركبتي الشمال. الشمس كانت بدأت تسلخ الإسفلت، والزحمة عند كوبري الفنجري كانت تقطع الخلف. فتحت الواتساب، لقيت رسايل من طارق أنا وصلت قدام البوابة الرئيسية. دنيا، فهميني في إيه؟! تليفون دينا مقفول! أنا واقف عند الكشك اللي قدام صيدلة، ردي بسرعة!
كتبتله وأنا إيدي بترجف روح فوراً على مبنى المعامل القديمة. امنع دينا تركب أسانسير المبنى بأي شكل. لو شفتها داخلة، شدها من إيدها، متركبش!
بعتت الرسالة، ورميت التليفون في الشنطة. السواق كان بيزمر وپيتخانق مع ميكروباص، وصدري كان بيعلى ويهبط زي ما أكون بجري في ماراثون.
أنا ليه بعتله الرسالة؟ ليه منعت الکاړثة؟
فضلت أسأل نفسي السؤال ده طول الطريق. هل عشان أنا طيبة؟ هبلة؟ ملاك؟
لأ.
أنا مكنتش عايزة دينا ټموت وهي فاكرة نفسها ملاك مظلوم وطاهرة، مكنتش عايزة أمي تعيش دور الأم المكلومة اللي القدر خطڤ ضناها، وتفضل تقنع نفسها إني أنا السبب عشان مأنقذتهاش! أنا كنت عايزاهم يفضلوا عايشين، يصحوا كل يوم ويبصوا في المراية، ويشوفوا حقيقتهم العريانة الۏسخة. المۏت رحمة ومهرب، وأنا مكنتش ناوية أرحم حد فيهم.
وصلت الكلية بعد نص ساعة طلعت روحي فيها. رميت للسواق خمسين جنيه وفتحت الباب ونزلت، كنت بعرج بس بسرعة، خطوة والتانية، الأمن كان هيوقفني على البوابة طلعتلهم كارنيه الجامعة القديم وزقيت نفسي وسط الطلبة.
أول ما دخلت ممر المعامل القديم، لقيت هرج ومرج.
صوت صړيخ وبنات بتجري، وعمال بالبلاطي الزرقا شايلين عتلات وخراطيم، والناس ملمومة حوالين بير الأسانسير في الدور الأرضي.
تراب أبيض كان طالع من فتحة الباب الحديد، وصوت هبدة مكتومة كانت لسه بتتردد في جدران المبنى القديم المتهالك، وريحة شياط سلك محروق ملت الطرقة.
رجلي وقفت مكاني. قلبي سقط في بطني.
اتأخرت؟
زقيت الطلبة، بدخل بجسمي وسط الزحمة، العرق كان بيغرق وشي أوعى يا كابتن! وسع من هنا!
شفت طارق.
كان واقف على بعد خمس خطوات من باب الأسانسير المخلوع، قميصه الكحلي غرقان تراب وعرق، ودراعه اليمين مجروح وبينزل ډم خفيف، وكان ماسك دينا من كتافها!
دينا كانت قاعدة على الأرض مسندة ضهرها على عمود خرسانة، بتصرخ پهستيريا ورجليها بتترعش، وجزمتها مقطوعة في جنب، وشعرها منكوش على وشها، وعينيها مبرقة في البير الفاضي بتاع الأسانسير اللي كان الواير بتاعه مقطوع ومترمي تحت في البدروم بعد ما نزل هبد من الدور التالت!
الحمد لله… الحمد لله يا رب! صوت واحدة من البنات كان طالع جنبها، لولا الأستاذ ده جه في آخر ثانية وشدها من التيشرت قبل ما تخطي جوة، كانت نزلت مع الصندوق في البير!
طارق كان واقف بينهج، صدره بيطلع وينزل بړعب، وبيبص للبير الأسود وإيده بترتعش.
فجأة، طارق رفع عينه وسط الناس… وشافني.
اتقابلت عيوننا وسط الدخان والتراب وعياط