المعلم منى ومروة كان ماشى وسايق عربيته ركن على جنب ورفع النضارة من على عينه وعنيه على. اللي ماشي قدامه على الكبري ضحك بفرحة واخد نفسه: والله وكبرت يا داد يامهران يا صغير. برق بعيونه وهو شايف مهران بيدى للي واقف معه هدية ومعها وردة. ضحك وقال: الواد من بكرة لازم يذيد مصروفة ياترى جيبلها ايه!؟ حرك العربية ومشي ناحيته واول ما بقي جنبه ضغط على الكلاكس وغمز له وسرع بعربيته وعيون على المرايا اللي قدامه باصص على مهران اللي شاور له وهو بيضحك. هده العربية اول ما شاف مهران حفيدة جاي عليه وقف بعربيته ومهران الصغير جري عليه وببتسامة قاله: مش عاوزني اوصلك انت والقمر اللي معاك يا واد. مهران الصغير: لسه وصلين حالاً ملحقتش اققعد معها. مهران الجد مد ايده فى جيبه وخرج فلوس مدها لمهران الصغير من غير ما حد ياخد باله وقاله: وقفه الشارع متصحش خدها دخلها اي كافتريا من على النيل دول انت حفيد مهران الخشاب. مهران الحفيد: متحرمش منك يا جدي معايا خير سابق عليا وهى اللي مرضتش نقعد فى كافتريا وقالت نتقابل على الكبري قدام الرايح والجاي . الجد بعتاب: هى تقول لكن كلمتك اللي تمشي معجبهاش السكة تفوت جمال ويجى بدلها الف. مهران الحفيد: اصلها خايفه حد يشفنا مع بعض فى كافتريا. الجد: والشارع عادى بالنسبة لها، كلمتين ورد غطاهم وفقت تقعد كمل موفقتش تبقي دماغها فى العلبه وتخدها وتقولك اهلى والناس جرب وشوف كلام جدك صح ولا غلطت. وبغمزة جبتلها الفانوس. مهران بضحكة:هههههه ايوا جبته. الجد: يلا سلام مش هعطلك عن المزة بس متتأخرش عشان هندبح ونفرق حاجه رمضان وانت اللي عارف الناس المخصوصة . مهران الحفيد: نصاية وهتلاقيني وراك. مشى بعربيته ومهران وقف دقيقه باصص عليه ادير على ايد اتحطت على كتفه من وراء ابتسم لصاحبه الايد وقال: اتاخرت عليكي. هزت راسها بفضول: مين اللى كان فى العربية بيكلمك ده. مهران بفخر وابتسامة مالية وشه: جدى مهران. بتقليل وشهقه: معقولة بقي دا مهران عتمان اكبر تاجر فى السوق. مهران بفخر نفخ صدره: ايوا جدى مهران. البنت وهى بتشاور على اثر العربية اللي بعدت شوية عنهم: بقي تاجر من أكبر تجار، السوق يركب عربية بالشكل يع، دا شكلو بخيل اوى اوى. مهران ابتسامته اختفت وبحدة قال: شروق اخرسي العربية اللي مش عجباكي دى تمنها يعيشك انتي وعيلتك كلها مية سنة انتي ايه فهمك في العربيات. شروق بتوتر: مهران انا انا مش قصدي انا بس مستغربة شكل العربية، صغير وكمان متربه مش نضيفة يبين ان صاحبها بخيل جلدة. مهران بعصبية شاور عليها من فوق لتخت: وقال جدي تاجر كبير وعنده بدل العربية اسطول. شروق: متنكرش يا مهران ان مودلها قديم اوي. مهران بضيق: بصي يا شروق انا سكتلك مرة واتنين لكن التالته لاء جدى مهران خط احمر ولو حرف واحد معجبنيش فى طريقة كلامك تبقي كلك على بعضك متلزمنيش، جدى اللي بتقولى عليه بخيل اداني دول عشان اقعدك فى مكان محترم. قالها وهو بيفتح كف ايده اللي فيها الفلوس. : بس انا بقي اللي بقول انتي والشارع كتير عليكي. نهى كلامه ومشي بسرعة من قدمها وهى بحرج اتلفت حوليها وبصوت مسموع: مهران اسفه مكنش قصدي. مهران: مهران مهران اقف يا مهران. ادير لها بنرفزة خفيفه... بقولك اي جو تجري ورايا فى الشارع تنادى عليا ما بيكولش معايا ولا ببلعه. شروق برقة وهى بتحط اديها على كتفه: مبحبش ازعلك يا مهورى. مهران وهو بيشيل ايديها بقرف: تصوري لحد مهوري انا كنت ممكن اتراجع لكن دلوقتي قرفت. بصتله بذهول وبستغراب: قرفت قصدك. مهران: اممم اجبهالك ازاي بصي يا بنت الناس، انا ابن تاجر ابن تاجر عندنا فى البيت البضاعة الغاليه اللي فيها قيمتها هى اللي بنجري وراها، لكن البضاعة اللي مترميه وصاحبها بيجري ورانا عشانها بتبقي رخيصة وانا مبحبش البنت اللي تجري ور ايا مزاجي الف انا وراهم، سلام يا قطة. وقفت مذهولة وهى شيفاه ماشي بغرور وبصوت مهزوز: اي الكلام اللي قاله دا دا حفي عشان بس ابصله يقوم اول ما يشفوف نفسه يشفها عليا انا عضت شفايفها وقالت: بس انا اللي استاهل كل صحابي قالوا انه بيجري ورا اللي عوزة ووقت ما يطوله بيمل ويزهق وانا اللي كنت فاكرة ان جمالي ورقتي استوليت عليه وهمشيه على كيفي بس طلع زباله واخره بنت بواب. مهران وصل البيت دخل واول ما قال... السلام عليكم. رد جده بستغراب: رجعت بدري يعني يا سيد الرجاله. مهران الصغير بضيق: قالت لي يا مهوري. الجد بضحكة عالية: الله يقرفها اي مهوري دى، دى ما تتقلش في الشارع مدام جيت غير وتعالي على ما تخلص يكون الجزار جه. عتمان ابو مهران وهو شرقان من كلمة ابوه: اي الكلام ده ياباه متفتحش عيون الواد على دا. الجد بضحكة: مفتحش عين مين يا حبيب ابوك خليه يفتح كفاية ابوه فضل مغمض لحد ما البيت فاضي مفهوش غير ك انت وهو. عتمان: يووه يابه هتفلت الواد الحيله كفايه عليك اخواتي مشين على طريقك وكل واحد فى ديله مره واتنين وتلاته غير الاستبن الرابعة. الجد بحسرة: متفكرنيش بهمهم يا عثمان يا بني على جوزتهم دى كلها ولا واحد طلع زيي الا انهم كلهم خلفتهم بنات. عتمان بحنان: فى احلى واحن من البنات يابه دول فرحة البيت. الجد بتنهيدة: مقولتش حاجه يا عتمان هم صحيح زينة البيت وفرحة الدنيا ورزقهم فى رجليهم ومش هنكر الرزق اللي بيفتح لاخواتك مع كل بنت بتجيله بس البنت مربطها خالي وهى ورعها لغيرك تكبر اسم غيرك وعيالها لغيرك تجارتك تبور من بعدك ما انت ملكش واد يشيلك فى كبرك ولا يكبر تجارتك. عتمان: يابه ما السوق مليان حريم بتاجر وعندك ام بسمة شايفها وكله السوق ازاي. الجد: اكيد يا بني كل شغلانه هتلاقي ستات فيها احسن من الراجل بس دول ستات يا اما الدنيا جات عليهم بزيادة ونزلوا وأتمرمتوا زى ام بسمة وغيرها، واللي حبت تبني نفسها وكبرت واللي اهلها علموها لكن بنات اخواتك دول مترفين لابتوع بهدله ولا مرمته عايشين ملكات. عتمان بحنان: بسم الله عليهم يابه ادب واخلاق وشطارة بره وجوة ستات بيوت بجد غير أنهم اوائل فى دراستهم ياريت كانوا اصغر شويه كنت جوزت وحده فيهم لمهران،بس للاسف مفيش نصيب . الجد: وفيها اي لو اكبر منه دي بنت عمه. عتمان: فيها انهم شاطرين ومتفوقين مش خايبنين وبياخدوا السنه فى اتنين والملحق فى تلاته. : عتمان بضحكة: على راي هند بنت اخويا ليه نتعب نفسنا، ونخبز كحك العيد ومهران كل سنة داخل علينا بشهادة كلها كحك. : الجد وهو يضحك ويمسح دمعه: فجرية هند طول عمرها. عتمان: ليه يابه تقول فجرية دي حتى اكتر وحده بيجلها عرسان ومع كده انت اللي بترفض حتى لو البنت موافقه هى وابوها. الحد بتنهيده: مشفتش فى عيون واحد فيهم لهفه راجل لست. عتمان: يابه فى عرسان بتخجل وبعدين هى الخطوبة عملوها ليه. الجد: يا بني لما الشاب بيروح يخطب حتى لو هو غض بصرة بيكون ملهوف يشوف البنت اللي هيرتبط بيها بتكون عينيه بتلمع والفرحة بنات على عينه لو عجبته او كانت البنت حلوه لكن كل اللي اتقدموا ليها ولا مرة شفت، دا فى عيونهم بحس انهم اول ما تجي عيونهم عليها وشهم بينطفى وبيحسبها بعقلهم. عتمان بدفاع: بس هند مش وحشة يابه. الجد: وقطع لسان اللي يقول عليها وحشه بس يابني كل اللي بيجي يتقدم بيجي على وصف او شاف وحده من بتاتنا فى فرح او خطوبه بيجي فاكر ان هند الكبيرة بجمالهم او احلي كمان يتفاجئ انها ااقل جمال منهم دا حتى مهران ابنك احلى منها. عتمان: والله يابه لو هند توافق لا انا مجوزها لمهران حالاً اللي زي هند بنت، عثمان اخويا يتشري نسبها بالغالي علام واخلاق وتدين وست بيت شاطرة. الجد: تفتكر انا مفكرتش مهران ابنك متنفعهوش غير مهرة اصيله زي هند لو مهران، واخد طبعي فهند وخده طبع امك كله، الواحد يلف يلف ومطمن ان فرشته محفوظة و مستنياه هى، دي اللي تنفع مهران. عتمان بتفكير: مدام دا رايك وانا كمان اي رايك نجوزهم ومفهاش حاجة على فرق اربع خمس سنين بنهم حتى مش هيبانوا الواد ما شاء الله عليه طول بعرض دا انا برفع راسي عشان اعرف اكلمه. الجد بفرحة: الله اكبر عليه قول بسم الله، وخلى موضوع هند دا لبعد رمضان. عتمان: طيب والعريس اللي جاي النهاردة. الجد: لا عريس اي بجي، المهرة وعرفنا مين خيالها. عتمان: هتقول لعثمان يابه ياخد راي هند، واحنا نقول مهران. الجد: لا مهران دا متقلهوش حاجة انا هفهمه بعدين. مهران الصغير بندفاع: لا دلوقتي ولا بعدين ياجدي هند لو اخر بنت فى الدنيا مستحيل اجوزها هو من همى اخد وحده قد امي دا انا احلى وارق منها وهى جلف. عتمان بحده وقف وبعصبية نزل على وشه بالقلم: يا خسيس دى بنت عمك لحمك ودمك اللي يرشها بالميه انت تطربقها على الكل عشانها تقوم انت اللي تقول كدا. مهران وهو حاطط ايده على وشه وبكبرياء حابس الدمعه فى عيونه باص على الجد لاقه زعلان قال: انا اللي يبص بطرف عينيه لوحده من بنات عمامي انا اطير فيها رقاب واهد الدنيا لكن جواز لاء. الجد قام وقف وقال: تعالي معايا يامهران اوضتي اغير هدومي واصلي العصر قبل الجزار ما يجي. مهران مشى مع الجد ودخل الاوضة وبزعل: عجبك عمايل ابويا دى يا جدي بقي يضربني فى سني ده وانت حتى يا جدي متكلمتش. الجد شاور لمهران: جيب الكرسي دا وتعالي اقعد قدامي يا مهران واسمع هقولك ايه و متقطعنيش. مهران قعد على الكرسي وقال: اتفضل يا جدي. الجد: مهران انت مش صغير انت عندك عشرين سنة متفتكرش عشان لسه فى ثانوى تبقي صغير انا فى سنك كنت متجوز ومخلف تلاته وماسك تجارة أبويا وجدي، فشلك فى التعليم عشان كدا فاكر نفسك صغير. مهران بضيق: مال دا ومال جوازى من هند الجد بمكر: دا ليه وليه وليه مهران نقصك دا محتاج حد يكون منك يكمله يكون ستر وغطى عليك. مهران: انا موافق على اي وحده من بنات عمامي بس هند لاء. الجد: تبقي غبي قلت لك ما تقاطعنيش واسمعني للأخر مهران بعد عمر طويل ليا ولابوك تفتكر انت هيبنوبك قد اي من ثروتي مع عمامك العشرة نقول الخمس كام فى بالك المبلغ كام الف جنب تجارة بالملاين وبيوت ومحالات تفتكر الكام الف دول لو ما تعبتش عشان تكبرهم ولا خسرتهم هتبقي عامل ازاي وانت لا فلوس ولا تعليم. مهران بتوتر بلع ريقة وبلجلحة: انا مش فاهم حاجة انت خوفتني. الجد بمكر: شوف الخوف اللي جالك هتعيش قده مليون مرة حسرة وانت شايف الغريب اللي بيلعب بثروة كبيرة وبيوت ومحالات بتكسب دهب وهتقول ياريت اللي جره ما كان وكنت، وفقت على بنت عمي. مهران بلججة: بس صعب يا جدى. الجد: ايه اللي صعبها بس يا مهران. مهران: ازاي اتجوز وحده ما بتحترمنيش يا جدي وحده كل ما بتشفني تقول نفسي رايحه للكحك. الجد بيخفي ابتسامته وقال: ودى شطرتك يا مهران تعرفها قد ايه انت راجل ومن هنا للعيد تكون جبت راسها وخلتها لعبه فى ايدك ووقت ما نقول مهران لهند توافق وهى طايرة من الفرحة مهران بتفكير: ازاي اعمل دا دى انا مش بطيق اقف معها خمس دقايق. الجد: ورثها من امها اللي بالملاين ومن اللي هتخده من عمك، هيخليك تقف معها بالساعات والايام كمان. مهران بإبتسامة: طيب عن اذنك ياجدي شوية وراجع. الجد باستغراب: رايح فين والجزار. مهران بغمزة: هتعرف لما اجي. طلع لبره الاوضة رجع تاني قال: جدوا معكش فكه. جده مد ايده فى جيبه: عاوز كام. مهران مد يده واخد كل اللي فى ايد جده وقال: متحرمش منك يا جدي دول يدوب يكفوا. الجد: الفين جنيه يدوب. مهران: هتشوف انهم يا دوب عشان نراضي الكل يا جدي. الجد بعدم فهم: قصدك اي. مهران بغمزة: بعدين هتفهم. خرج مهران وهو نازل السلم سمع صوت بنات عمامه نازلين لتحت بص عليهم من فوق وبهمس: كل واحده فيكم احلى من التانية ليه هند مش زيكم. رجع بص تاني عليهم وقال وهو بيدقق فيهم: بس هى فرتيكه بصراحه عليها رسمه كمتره تهوس وكوارع يجننوا. نزل بسرعة اول ما شفهم رايحين ناحية الجنينيه قفهم وقال: رايحه فين انتي وياها. بصوله بستغراب وقالوا: رايحين نتفرج على الجزار. مهران وهو بيعديهم ويقف قدمهم: قلتي اي يا حلوة انتي وياها تتفرجوا على الجزارطيب يا حلوتهم انتي وهما على فوق ولو لمحت وحده فيكم خرجت بره بابا البيت هعلقها بدل الدبيحه. هند وهى بتتحرك ناخية الباب: وسع يا عم انت. مهران مسك ايدها وقرب من ودنها وقال بصوت خشن: انتي بالذات على فوق وملمحش طرفك بره وانتي طالعه ونزله بعد كدا تنزلي بشويش وتطلعي بسويش. هند بستغراب: نعم بتقول ايه. مهران قرب منها وهمس: ماانتي مش بتخديش بالك وانتي نزله تجري ولا طالعه تجري جسمك بيبقي عامل ازاي ومن هنا ورايح لبسك يوسع مفهوم. هند لسه هتكلم زغر لها وقال على فوق يا ست البنات. هند بحلقت فيه وشافت ابتسامته خجلت طلعت بسرعة على السلم اتنحنح وبصوت عالي: قولنا ايه نطلع بشويش. بعد ساعة رجع مهران شايل شنط هدايا كتير دخل شقة جده وبصوت عالي: السلام عليكم ورحمة الله. كل العيله أديرت تبص عليه الجد رحب بيه وقال: كنت فين يامهران. مهران ببتسامة وهو بيقرب من بنات اعمامه اللي قاعدين جنب الجد وقال: كل سنة وأنت طيب ياجدى كنت بيجيب فوانيس رمضان للبنات ربنا ما يقطع لنا عادة. الجد ابتسم وهمس لنفسه: طلعت اسناذ يا مهران بتتعلم بسرعة عشان محدش ياخدلي باله جبت للكل فوانيس بس ياترى هند زيهم ولا هتلعب ازاي. مهران وهو بيدي كل بنت شنطة هديتها قرب من هند وقال بهمس: دى هديتك يا ست البنات هند فى نفسها قالت: اي حكايته دا وايه ست البنات اللي كل شوية يقلها . على العشاء بصوت عالي قال وهو متأكد من، اللي عمل الاكل وقال: تسلم ايد اللي عملت طاجن العكاوي وورق العنب انا حاسس اني هاكل صوابعي من جمالهم. الكل قال: هند. ببتسامة ورقة قال: تسلم ايدك ياست البنات. عتمان ابوه: سبحان الله نفس نفس المرحومه امي بالظبط يا هند من غير زعل يا بنات انا بحب اكلكم كلكم بس هند غير نفسها وترتبها بيتعرفوا من غير ما حد يقول. هند بخجل : ربنا يخليك يا عمى. الجد: بعد العشاء عاوزكم تحهزوا نفسكم عشان تروحم تشتروا حاجة رمضان قبل الزحمه. مهران برجوله لاول مرة يعهدوها: بعد اذنك يا جدي مؤواح الاسواق من هنا ورايح عليا للبنات ولا امي ولا مرتات اعمامي رجليهم تخطيه. ابوه بفرحة وهو بيخبط على ضهرة: كبرت يا مهران وقولت اللي مفكرناش فيه انا وعمامك. مهران وعيونه على هند: انا طول عمرى كبير يا بابا بس انت اللي مكنتش واخد بالك. الجد وعيونه على مهران اللي باصص على هند وبفرحة: كبرت فعلا يا مهران وكلامك موزون وبتعرف امته وازاي تقول الكلمة بوقتها. مهران وعيونه على هند كمل وقال: انا تاجر ابن تاجر وبعرف قيمة كل حاجة والحاجة الغالية النادرة لازم الواحد يعرف قيمتها وفين تشال نهي كلامه،وهو حط ايده على قلبه. هند بسرعة نزلت عيونها فى اللكل ولسان حالها:ماله مهران مش بيرفع عيونه عني وكلامه ونظراته كأنها ليا. فضل مهران ماشي على خطته مع الجد وقبل العيد بكام يوم هند كانت نزله السلم قابلها مهران ببتسامة قال: صباح الورد يا ست البنات خير لبسه كده ورايحه على فين. هند يرقة لاول مرة فى تعملها معه: صباح الخير احنا بعد الضهر وانا رايحه السوق اشتري طقم للعيد. مهران بحده: نعم رايحه فين ولوحدك انا طرطور حريمي نازله السوق من غير ماتقول انا مش سبق وقولت مفيش نزول السوق لوحده فيكم . هند بستغراب: بس يا مهران انا طول عمرى بخرج لوحدي وبابا مش بيعترض. مهران بحده: لا يا قلبي دا كان زمان دلوقتي على فوق واللي تعوزيه يجيلك لحد عندك. هند: واي اللي جد يا سي مهران. مهران قرب منها: هتعرفي قريب يا نن عين سي مهران. هند فتحت بقها بذهول من كلمته وغمزة عينه.جرت على فوق من غير ما تكلم مهران بيعدل هدومه بذهو قال: ماهي متيسره اهى. فضل الحال بين مهران وبين هند على دا الحال بين منغشات مهران وخبرته مع البنات وبين هند اللي قلبها ابيض وفى يوم مهران. وقف هند قدام باب شقة عمها وهي خارجه من عندهم وبقولها: رحتى فين النهاردة. هند يضيق مصطنع: هو فى اي يا مهران مش واخد بالك انك بتدخل فى طلوعي وخروجي دا ابويا نفسه مش بيعمل نص اللي انت بتعمله. مهران قرب منها وبحده: قولتلك قبل كدا مبحبش حريمي يخرجوا من البيت لوحدهم ولو فى حاجة ضروري انا اجبها لحد عندها. هند: لا بقي هو اي حكاية حريمك اللي كل دقيقة والتانيه تقولهالي وبعدين انت لا ولي امري ولا ليك كلمه عليا تمشيها ومش عجب انا اللي كل شويه تمنعني . مهران مسك ايديها وقربها منه وبصوت حاد: انا امشي كلامي زي ما انا عايز وانا ما يهمنيش غيرك انتي فى كل العيله. هند برقت وقالت: قصدك اي. مهران قرب منها وبهمس: القلب وما يريد. بعد عنها بسرعة اول ما سمع صوت من وراهم بيكلم بغضب: مهران انت واقف كدا ليه انت وهند. مهران بلجلجله: عمي اصل. عمه بحده: اصل اي وزفت ايه وايه اللي سمعته ده بقى انتي ياهند يا كبيرة يا محترمه دي وقفة تقفيها مع ابن عمك. هند ببكا: عمى قصدك اي، يا عمي. مهران بتوتر: عمي عمها: ولا كلمه قدامي منك ليها على شقة جدك خليه يشوف اخر، دلعه، فيك يا مهران. مهران،: عمي، لو سمحت. عمه: ولا كلمة كلامي دلوقتي مع ابوك، وجدك. دخلوا شقة الجد اللي اتخض هو وعتمان ابو مهران وقال: مالك يا هند بتبكي ليه. عمهم: اسمعني يا عتمان انت وابويا انا ما يرصنيش الحال المايل لو يرضيك انت وابويا يبقي، بشقكم. الجد في اي انطق؟ العم حكي اللي شافه وسمعه وقال... دي مش اول مرة اشوفهم وقفين كدا. الجد بص لمهران وقال: مهران اي اللي سمعته دا. مهران بسرعة قال: جدي بعد اذنك واذن ابويا، انا طالب ايد هند بنت عمي منك ومن عمي ابوهند. الجد مصدم، رغم انه، عارف، الخطه بس كلام، مهران، والثقة اللي طلب بيها كان صدمه بالنسبه ليه فاق على شهقة هند. عتمان قال بفرحة: بجد يامهران. مهران: فى اي يابه. الجد وعينه على هند اللي حطته ايدها على بقها وقال هند تعالي وريا على الاوض وادير لعتمان وقال: اتصل على اخوك وخليه يجي. عدت الايام والنهاردة فرح مهران وهند اللي قاعده فى الكوشة بفرحه مسكه ايد مهران مش وخده بالها من عيونه اللي هتطلع على الرقاصة ميل مهران عليها وقال: هند مين البنت اللي بترقص دي. هند بعفوية: دي بدرية اللي ساكنه فى اخر الشارع. مهران فى نفسه: بدريه دى يتقال عليها صاروخ ارض جو. مهران نزل رقص معها وقرب منها بهمس وقال: القمر نزل عندنا فى الفرح. البنت اديرت بستغراب وقالت: العريس. مهران وهو حاطت ابده على قلبه: حتى صوتك كله مزيكه دخل ودني بيرقص من حلوته. البنت بخجل: فى حاجة يا عريس. مهران: الحلو مرتبط. بدريه: خلعه. مهران: يستاهل انتي عاوزه راجل يحطك فى بترينه ويقفل عليها ويقعد يتملي فى جمالها رقمي 013333333333 هنتظر اتصالك على نار الشوق ياقمر. الجد بذهول من حركته قرب منه وهو بيجز على سنانه ارجع اقعد جنب مراتك حسابنا بعدين. مهران بهمس لجده قال: فرحان يا جدي برقص. الجد: ما تعملهمش عليا يا مهران عاوز تشقط مش يوم فرحك وقدام عروستك. مهران بغمزة لجده: حلوتها يا جدي مفيش حد يصدق ان عريس يشقط صحبه عروسته يوم فرحه بصراحة بقي نخششت فى دماغي ومقدرتش اصبر. الجد: طب ارجع مكانك. :: بعد شهر من الفرح مهران سهران فى اوضته فى شقه جده وماسك التليفون بيتكلم وبيضحك دخل عليه جده وبزعيق: مهران. انتفض مهران من مكانه وقفل التليفون بسرعه وقام لجده : فى حاجه يا جدى؟ الجد: بقا سايب عروستك لوحدها فوق وجاى هنا بتتساهر فى التليفون. مهران بضيق: عروستى بتذاكر يا جدى ومش عايزة دوشة جنبها. الجد: يابنى كده مينفعش انتوا بقالكم شهر متجوزين وحالكم زى ماهو أكنكو لسه عيال عم ال فرق انكم بقيتوا فى شقه واحده. مهران: الكلام ده مش ليا قوله لست الدكتورة ال محددة اقامتنا كولاد عم ومش ناوية تنقلها لاى رجل ومراته غير لما اخد الثانوية وادخل الكليه وهى تاخد الماجستير وبصراحه انا زهقت من الوضع ده وبفكر اتجوز. الجد: لا ياعين جدك انت مش هتتجوز عشان زهقت من شهر جواز انت عينك على فتحيه من وقت ما شفتها فى السوق مع امها ومعبرتكش وانت من يومها هتموت عليها لولا انشغالك فى موضوع هند وعايز تهم فيه كنت جيت قولتلى جوزهانى يا جدى وعلى فكرة انا معنديش مانع بس ليا شرط. مهران وهو بيبوس ايد جده: حبيبى الوحيد ال فاهمني فى الدنيا دى، قول يا جدى واشرط ال انت عايزه. الجد: هند خط أحمر. قاطعه مهران: طيب هى هند و لا عمى او حتى ابويا هيوافقوا بحاجه زى كده. مهران الجد: ماهى الجوازة هتكون فى السر محدش هيعرف بيها غيرى انا وانت وهى وأهلها. مهران بضيق: لا يا جدى انا مش موافق انا مش بسرق. الجد: يبقى تاجلها سنه سنتين اومال عايز الناس تقطع غ سمعه بنت عمك وهما شايفينك بتتجوز عليها وانتوا مالكوش شهور متجوزين! مهران: سنه، سنتين لا كتير خلاص خليها فى سر وامرى لله. وفى سره كمل: يمكن تطلع قرعه زى هند وتتحسب عليا جوازه. فى نفس الأسبوع اخد الجد مهران وكتب كتابه على فتحيه ال أهلها مصدقوا وافقوا على الشروط بس البنت كامت مضايقة انه فى السر وهما بيكتبوا الكتاب امها زغرطت الجد بضيقه: مش عايزين حد يحس بينا. فتحية بخنقه ميلت على مهران: اومال حتى الزغروطه يا مهران. مهران وهو بيلاعب حواجبه: الشرط ياروحى بس متزعليش كلها ساعه ويتقفل علينا باب واحد وزغرطى للصبح. بصت لقدام وهى فى سرها: مين قالك اننا هنفضل على الحال ده كتير زى ما جبتك على وشك هخليك تعلنه ياومهران وانا وانت والزمن طويل. بعد سنه هند كانت واقفة بتبص من شباك الاوضة: وبعدهالك يا مهران فاكرنى مش واخده لبالى من. غيابك الكتير اليومين دول ولا ملاحظه انك بتنام بره البيت كتير واوضتك ال بتفضل زى ماهى كانك مش بتدخلها، ياترى فى ايه؟ حاسه ان جدى عارف حاجه ومخبى عينه كل مة تيجى فى عينى يدير الناحية التانية، ااااه يا وجع قلبى زى ماغصبت على نفسى وكملت بعد ما شفتك بعينى فى يوم فرحنا بتلاغى فى صحبتى وقولت عشان الفضيحه والناس اسكت واديك فرصة تتعدل بس يظهر ان ال فيه طبع، اخلص دراستى واهى فترةتعدى بالطول والعرض وبعدها لكل حادث حديث ياومهران انا مش هفضل كده طول عمرى. اما بقا عند مهران كان نايم وساند ظهره على السرير بيشرب سجارة سرحان ويبتسم لوحده بيفتكر من كم يوم لما كان فى جنينه فاكهه بيتفق على محصول مانجا وشاف بنت زى القمر بلون عنين اخضر مفرقش عن الزرع ال كانت واقفة فيه بتجنى. ضحك بصوته اول ما افتكر كسوفها وجريها من قدامه لما غمزلها بعنيه. اتنهد وهو بيحرك ايده على صدره بيفتكر لما راح تانى يوم بحجه يتابع التحميل وعنيه بتدور عليها من تحت النظارة الشمس، لاقها جايه وعنيها فى الارض بتدارى فى صاحبتها وهى بتلافى صندوق المانجا للعامل على العربية، قعد على كرسى على جنب وعينه عليها وهى رايحه وهى جايه. فاق على صوت صاحب الحنينه وهو بيقوله: كده تاخد ضربه شمس يا معلم تعالى على جوه فى الاستراحه. مهران بقصد وبصوت مسموع: ضربه شمس ايه بس ده هنا الجو حلو اوى اوى اوى. المعلم بضحكه: الجو مش على مقامك اه حلو وملفوف بس مش ليك. مهران: انا اموت فى الصنف ده هو ال بيعحبنى فهاتلى المفيد. المعلم: ابوها ميت من فترة كان ارزقى على باب الله وهى اكبر اخواتها بتشتغل تساعد فى مصاريفهم. مهران فى سره وعينه عليها عز الطلب فاق على صوت فتحيه وهى خارجه من الحمام وهى بتنشف شعرها وبدلع قربت وقعدت جنبه: ياترى سرحان فى ايه يا مهران ايه ال باسطك اوى كده، قول ابسطنا معاك. بصلها وبضحكه صغيرة: فى حد يكون معاه القمر وما يتبسطش. فتحيه بلؤم: اهو كلام بتضحك عليا بيه وخلاص. : مهران: ليه بتقولى كده ياتوحه ده انتى ال فى القلب. فتحيه: فى القلب المدارى مش فى العلن يا اخويا. مهران بزهق بيقوم من مكانه: رجعنا لام السيرة المهببه دى، قولتلك الف مرة مينفعش. فتحيه: ليه بقا هو انا مش متجوزاك على سنه الله ورسوله وليا حقوق عليك؟! مهران: وبتاخدى حقك تالت ومتلت انتى وأهلك وده كان الشرط والاتفاق وانتى قبلتى ايه ال جد بقا؟ فتحيه بعصبية: ال جد انى زهقت من العيشة دى يا مهران. مهران بحده: انتى نسيتى نفسك ولا ايه؟ صوتك ما يعلاش، وده ال عندى اذا كان عجبك. فتحيه بشك: قصدك ايه؟ مهران: انا شايف ان احنا مبقناش مرتاحين مع بعض فبشويش كل واحد يشوف حاله بعيد عن التانى احسن. فتحيه: اااه قول كده ما انا بقول متغير وسرحان اتارى البيه شايفله شوفه تانى اكيد اخدت غرضك وعايز ترميني بس لا يا عينى انا فتحيه لحمى مر ده انا امشى فى كل حته وافضحك وأولهم عند الغندورة بنت عمك وابوها وابوك. مهران وهو بيقعد على السرير بيرود بيولع سيجاره: وماله البيت وانتى عارفاه والوكالة حفظاها روحى المكان ال يعجبك اخرنا يومين زعل وتروق لبعض بس انتى يا حلوة بقا هتتحاسبى، مثلا ابوكى ال نظف بعد جوازتك منى والدكان ال فتحه على قفايا ولمه هو واخوكى هجبلهم دورفه وانتى مش هتطولى مليم احمر هتطلعى من هنا بالهدوم ال جيتى بيها لا ال انا جبتها تصدقى حتى دى كمان ما هنولهالك هطلعك مولاى كما خلقتنى. فتحيه: تعملها يا مهران؟ مهران: واعمل ابوها وانتى عارفه فخلينا حلوين وبشويش زى الناس الشيك تاخدى قرشينك وتمسحى من مخك حاجه اسمها مهران ولا كأنك عرفتيه ولا كأنك شفتيه، قولتى ايه؟ بعد اسبوع كان مهران مخلص إجراءات طلاق فتحيه وفى طريقه لبيت مهجه ال فى البلد بعد ما كلم امها واتفق معاها على كل حاجه. بفرحه ييسوق العربية: المشوار ده مش لازم جدى يعرف بيه لا هو ولا غيره، ااااه يا مهجه ليالى سرقتى من عنيا النوم بس خلاص من انهارده هعرف انام. راح وخبط والست فتحتله بغرحه: أهلا أهلا بالبيه جوز بنتى. مهران للماذون ال جه معاه: اتفضل يا مولانا. ميل على الست: زى ما انفقتا محدش يعرف. الست بلهفه: متخفش يابيه، شالله يخليك لينا البيت ال اشتريته البلد كلها بتحسدنا عليه. مهران بقصد : كل مايكون مبسوط هبسطكوا معايا. الست: رينا يحلى ايامك يارب. تم الجواز واخد مهران مهجه على اسكندرية وكان عاجبه اوى فرحتها بكل حاجه بتشوفها لأول مرة . بعد اسبوع رجع واخدها الشقة ال كان مجوز فيها فتحيه. مهجه وهى بتبص حواليها: الله الشقة الحلوة دى شقتى مهران وهو بيفتح الباب يخرج: اه. البنت مسكت دراعه: انت رايح فين ياسي مهران بص لايظهر فبسرعه شالتها: اول وآخرة مرة هنبه عليكى اوعى تسالى السؤال ده تانى. مهجه بلجلجه: اصلى خايفه اقعد لوحدى المكان جديد عليا. مهران وهو خارج: اتعودى. وصل مهران البيت قابله جده على السلم وهو بيعدى من قدام باب الشقه. الجد: مهران. وقف مهران: نعم يا جدى. الجد: انت كنت فين ليك اسبوع مجتش غير كم ساعه واسأل عليك محدش عارف طريقك. مهران : مش هتوه يعنى يا جدى والشغل ماشى زى الفل مش لازم اتربط فى الكرسى. الجد: حالك مبقاش عاجبنى، قولى اخبارك ايه مع فتحيه حملت ولا لسه. مهران وهو بيتحرك لفوق: فتحيه خلاص اخدت استمارة سته من زمان. الجد بصدمه: يعنى ايه؟ وقف مهران على السلم ولفله: يعنى طلقتها. الجد: من غير ما تقولى؟ مهران وهو طالع: مجتش مناسبة. بص الجد عليه وبحسره: وياترى مخبى عليا ايه تانى يا مهران. دخل مهران شقته كانت هند فى المطبخ بتعمل لنفسها كوباية نسكافيه ومش عارفه انه جاى بص حواليه : شكلها نايم أو بتذاكر يالا انا عطشان وتعبان اشرب وانام . دخل المطبخ وقف بصدمه وهو شايف هند لأول مرة بشعرها وببجامه ،وقع الجاكت من على ايده. بتلف هند عشان تخرج لاقتها قدامها شهقت بصدمه وقع منها الكوباية وبسرعه جان تخرج مسكها من ايدها قربها ليه: مش كفاية بعد كده يا هند انتى مراتى وليا حق عليكى وابسط حقوقى انى اشوف شعرك الى داخله تجرى تداريه عنى انا صابر عليكى عشان انتى بنت عمى وعشان انتى غالية اوى عليا يا هند وغلاوتك فى قلبى بتزيد كل يوم عن ال قبله. هند بوجع بصتله: غالية! قرب منها وبهمس: انتى الوحيده ال فى قلبى. هند بدموع بتمسح اللون الاحمر تحت دقنه قالت: وقلبك بيشيل كتير يا مهران وانا عمرى ما ارضى بشريك. سابته ودخلت اوضتها وهو واقف بيبص على طيفها بيتنهد: امتى وازاى مش عارف بس الأكيد انى بحبك يا هند. اول ما هند دخلت قفلت الباب وسندت عليه بايدها كتمت شهقاتها ودموعها بعد ما وصلها همسه وبحسره: وانا كمان كنت بحبك يا مهران بس الحب لوحده مش كفاية. عدى شهرين مهران مل من طلبات مهجه بقي يروح ليها كل كام يوم وبقي عاوز يخلض من الجوازه بأي شكل وخصوصا بعد ما شاف بنت دخله عليه المحل بتقدم له قهوة سأل واحد من العمال قال له: دى زهرة يا استاذ مهران بقالها جمعتين شغاله فى قهوة المعلم زناتي بس من يوم ما رحليها دبت السوق وكل اللي فيه هيجننوا وتديهم ريق حلو. مهران ببتسامة وهو يشرب القهوة وقال: وانا بموت فى التقيل. بقي كل ساعة والتانية يطلب مشاريب من القهوة وفى يوم وزهرة جايبه القهوة ولسه بتقدمه ليه مسك ايدها... نطرت ايده وقالت: ايدك يا اخ. مهران بيدعى البراءة قال: مليش ذنب مقدرتش تشوف القمر وما تلمسهوش. زهرة بصتله بحتقار وبتريقه: اي ياختى الرجالة المسهوكه دي، لو فاكر ان كلامك العبيط دا هياكل معايا تبقي بتحلم انا لا بياكل الكلام ده معايا ولا بحترم الراجل اللي بيقوله. سابته ومشيت مهران عيونه عليها وابتسامته ملت وشه نادي على واحد من العمال وقاله: عربي تعالي. جه عربي قاله: تقب وتغطس وكل الصغيرة والكبيرة عن البت دى تكون عندي من يوم ما اتولدت للحظه اللي كانت فيها هنا. بعد ساعة جه عربي وقاله: مقطوعه من شجرة ملهاش غير ابوها العاجز ومخطوبه لواحد جارهم وفرحهم كمان كام شهر ونزلت تشتغل عشان تكمل جهازها. مهران وشه قلب وبهمس: تجوز غيري دا استحالة انا لازم اشوف صرفه واجوزه حتى لو ليوم. خرج بسرعة بعد ما خد عنوانها. من عربي وركب عربيته وراح البيت قابل ابوها وقاله: طلبك مرفوض يا بني بنتي مخطوبه وفرحها بعد شهرين. مهران وفيها اي يا حج مش في حاجه اسمها فسخ خطوبه. ابوها: وفي حاجه اسمها متخطبش على خطوبة واحد تاني وبعدين بنتي بتحب خطبها وليهم سنين مخطوبين تفتكر هتقدر تعيش مع وحده بتحب غيرك. مهران: هدفع مهر متين الف وهكتب لها شقة وهعيشها ملكه. ابوها: ولو دفعت مليون ملكش نصيب يابني. مهران: ليه يا حج دا انا شاري نسبك. ابوها: يابني لو عليا عاوز احسن حاجة لبنتي بس هى مش هتوافق قبل منك جه كتير ورفضت وياما سابت وظايف كتير صخابها عرضوا عليها الجواز ورفصت تسيب خطبها. مهران: بمحاولة اقناعه*يعني يا حج ملكش دلال عليها انا مستعد افتحلك اي مشروع هتقول عليه. ابوها اتنهد: ليا كتير بس استحالة اعملها وابعها. مهران قام وقف وقاله: هسيبك يومين تفكر وهاجي اخد موفقتك. عدي اسبوع وكل يوم مهران يروح لابوها وفي يوم وهو خارج وراكب عربيته شاف خطبها وهو بيوصلها الغيرة ملت قلبه وقال: هو دا اللي متمسكه بيه بس انا مبقاش مهران ان محرقتش قلبك عليه وخلتك تبوسي رجلى عشان اجوزك. فضل مراقب البيت لحد ما شافه خارج مشي وراه بعربيته واول ما لاقي فرصه والمكان مفهوش حد وقف عربيته ونده عليه وقاله: لو سمحت عوزك في كلمتين. خطبها بذهول: حضرتك تعرفني. مهران هز راسه: ايوا بس انت متعرفتيش نص مليون وتسبها. خطبها بستغراب: افندم مش فاهم. مهران: زهرة . خطبها بحدة: قصدك اي. مهران قصدي تسبها وتاخد نص مليون وتخلع. خطبها: هو انت بقي معلم السوق دا انا كنت فاكرك اكبر من كدا. مهران رفع حاجبه وقال: دا انت عندك علم بقي. خطبها: وبقلك اشتري كرمتك وابعد عن سكه زهرة وفلوس اللي فرحان بيها روح شوفلك وحده من عينتك. مهران قرب منه وبحده: فكر قبل ما تندم. خطبها بحده: روح يا شاطر بعيد وبحذرك للمرة التانيه زهرة تبعد عنها. مش وساب مهران اللي بيغلى وقال لما ندمتك واخدتها قدام عينك. اتصل بالتليف ون وقال... عربي هات، رجلين، تلاته وتعاله، العنوان دا. بعد ساعة واقف مهران مع رجلته وخطبها مرمي على الارض وبيقوله والله لاخد حقي منك ولاحسرك على كل اللي حلتك زى ما خدتني على خوانه مهران برجله رفسه قال: اكلم على قدك يا اسمك اي. شاور للرجاله واخد بعضه ومشي. راح على بيت مهجه اللي بيفكر ازاي يحجه يطلقها بيها اول ما فتح باب شقتها وقف والحيرة اللي فيه راحت وابتسم مع سماعه كلمها على التليفون مع امها وبتقول: ازاي بس يامه هاخد منه فلوس تاني وانا مبقليش كام يوم وخده منه هقول له اي لما يسالني عوزة الفلوس فى اي ولحقتي صرفتي اللي اخدتيهم. امها اصرفي: اخوكي محتاجهم اوي. مهران قفل باب الاوضة بغضب وقال: لمى هدومك وعلى بيت ابوكي. مهجه برعب: سي مهران. مهران ولا كلمه انتي طالق ورقتك هتوصلك على بيت ابوكي. مهجه جريت عليه بعدها وقال: لو قربتي مش هيحصلك كويس كفايه اللي سمعته، وعشان انا راجل حقاني هديكي مأخرك ونفقتك. مهجه ببكاء: بالله عليك بلاش انا بخبك يا سي مهران. مهران: شكلك مش بتسمعي الكلام من اول مرة زعوزاني اوريكي مهران ممكن يمحى اهلك كلك اشتريهم واشتري نفسك وعلى بيت ابوكي. خرج من عندها بفرحه ببيقول: غصفورين خلصت منهم افضالك انتي بقي يا زهرتي. بعد اسبوع راح لبيت زهرة وطلب ايدها زهرة وفقت وهو من فرحته وافق على كل شروطها. وفي كتب كتابه عليها اصدم من وجود هند اللي قربت منه وقالت: مبروك يا ابن عمي. مهران بتوتر: قال هند. هند قربت منه وقالت: طلقي حالا بدل ما ابوظلك الجوازه دى. مهران بنفس همسه: هند بعدين نكلم تعالي معايا البيت وانا هفهمك. هند: كلمه مش عاوزة اسمع غيرها طلقني خالا. مهران غمض عينيه وقال.. لاء مش هقدر. هند... انت اللي اخترت. مشيت هند ومهران باصص عليها وجواه قلق وبيسأل نفسه... عرفت منين. فجاءة دخل عليه ابوه وعمامه وجده ابوه قاله... بقي دا اخرتها يا مهران عشان واحده ست تبيع بنت عمك والوكالة اللي شقي عمرنا. مهران بلجلجله قال... من اللي قال لكم. الجد بحزن وهو حاطت ايده على قلبه قال... دا اللي همك وشقه عمري اللي ضيعته. : عتمان: انت السبب يابا انت ال علمته الانانيه وان لما يحط عينه على حاجه لازم ياخدها حتى بنت ابنك لحمك ودمك خليته داس عليها وبنفسك روحت جوزته عايها وهى يدوب شهر معاه لحد مابقا الجواز والطلاق عنده سهل. من كتر دلعك فيه كتبتله الوكالة واهو ضيعها. بقلم منى عبد العزيز ومروة حمدى وقع الجد من طوله وبتهته وصعوبه: شقى عمرى راح. اخدوه عياله وجريوا على المستشفى. مهران جاى يتحرك وراهم وقفه عمه وقاله رايح فين؟ مش كفاياك مهران: بس ده جدى. عمه: قبل ما تتحرك خطوة وحده ترمى اليمين على بنتى. مهران: كله الا هند. عمه مسكه من هدومه: ارمى اليمين. مهران: ياعمى عمه: ارمى اليمين، ياهند. جات هند، ارمى يمينك عليها بالتلاته. وانت يا شيخ خلص اجراءتك : فتحيه جات وبضحكه: شيخ ايه يا معلم شوفلك شيخ تانى. مهران بصدمه: فتحيه. فتحيه وهى بتشيل الدقن من على الشيخ : ما تتصدمش لسه التقيل. نادت بصوت عالى: زهرة. خرجت عليهم بفستان فرح وفل ايدها خطيبها والماذون معاهم. وهى بتبص لمهران: مش تقولى مبروك يا معلم. خطيبها بشماته: متشكرين على الهدية يا معلم كلك مفهمية. قعد مهران على الكرسى بصدمه. فتحيه وهى بتخبط على كتفه: تعيش وتاخد غيرها، كنت فاكر ايه كل الطير يتاكل لحمه يا جبروتك ياخى انت وجدك تستاهلوا اكتر من كده بكتير فاكرين الناس تخت أمركم، رمتني وحرمتنى من الخلفه وفى تفس الاسبوع اتجوزت زى ال مايكون ال راحت دى ولا تسوى ، شفت بقا انا اخدت حقى ازاى! معطلكش بقا مشيت من قدامه وهى بتزعرط: مبروك يابنت خالى مبروك يابن خالى. هند لمهران: أدى آخرة فراغه عينك. راحت للشيخ ال مع زهرة وجوزها: طلقني ياشيخ مهران: قاعد ساكت وهو شايف كل حاجه بتتهد حواليه وعلى لسانه كلمه وحده: ياريت بس مش كل ال بنتمناه بنلاقاه تمت
