سعر سعادتى مروة حمدي ومنى عبد العزيز 2

دخلت للولاد اعتزر  ليهم واسالهم على يحبوا يكلوا ايه عشان اطلب دليفري،  وقفت مذهول من اللي سمعته احمد ابني بيكلم في التلفون هو وانس اخوه وفتحين الاسبيكر وبيقولوا.
ـ احنا زعلانين منك يامها لازم كنتي تغيبي النهاردة.
سمعت صوت يجنن هادي وحنون وهي بتكلم الولاد بكل حنيه وقالت.
ـ غصب عني والله يا حبايبي بس مينفعش اجي وبابا موجود في البيت اوعدكم بكرة ان شاء الله  هاجي وليكم مفجأة عندي.
ـ انس  لسه بكره انا ميت من الجوع وعاوز أكل.
هي بلهفه:  ليه ما اكلتوش لحد دلوقتي.
اكلنا من بدري بس الاكل مكنش حلو بابا مش بيعرف يطبخ،  ودلوقتي جعنان اوي.
ـ طيب بابا فين قوله يطلباك اكل اويعملك ساندوتش.
ـ اخمد قال: يامها احنا زهقنا من السندوتشات وخصوصا  الجبنه انا عاوز  شاورما ومش بحب غير اللي انتي بتعمليها.
انس وانا كمان بحب اكلها من ايدك بتبق لذيذة وبتعمليها زى ما بخبها من غير خضار كتير

: مها:  بصوا عشان خاطري كلوا اي ساندوتش دلوقتي  واوعدكم الصبح قبل الجامعه هاجي اعملكم كل الاكل اللي بتحبوه  وكمان كاب كيك الشكولاتة وهخليكم تساعدوني.
انس واحمد:  هيييي اوك هروح لبابا اقوله يعمل ساندوتش.
مها:  بالف هنا وشفاء ياحبايبي  متنسوش قبل ما تناموا تغسلوا اسنانكم  تصبحوا على خير.
وقفت مصعوك معقول الولاد  يتصلوا بيها وميتصلوش بامهم  اللي مفكرتش حتى تتصل بيهم طول ماهي مسافرة.
نمت اليوم دا وعقلي بيفكر ويقارن بينها وبين هايدي صحيت الصبح على صوت الولاد بيضحكوا ومبسطوطين  مشيت ناحية الصوت لقته جاي من المطبخ الولاد كلهم دقيق وشكولاته وريحه اكل تجنن ماليه المطبخ
: لاول مرة اشوف ولادي مبسوطين بالشكل دا  كلامهم وضحكهم  معها شدني ليها لدرجه كنت هدخل المطبخ واكلمها  واشوف مين دي.
خطوة والتانيه وقبل ما ادخل سمعتها بتقول.
ـ وطوا صوتكم وكفايا لعب بالدقيق   باباكم نايم وانا  عاوزه اخلص بسرعه توضيب المطبخ  وامڜي قبل ما يصحي.
رجعت لاوضتي بسرعه قلبي بيدق وبسأل نفسي:  ليه بعدت ومدخلتش  لقتني بقول.
ـ مش عاوز احرجها وكمان خفت ادخل تمشي ومتجيش تاني.
فضلت ساعة رايح جاي في الاوضه معتش قادر اقاوم اني ما اشفهاش وصوت ضحك الولاد واصل عندي كنت  بضحك علي ضحكهم اخدت نفس طويل وهديت نفسي وخرجت  لقيت ولادي التلاته قاعدين في الرسبشن قدمهم اكل وبيكلوا بهدوء اول ما شفوني جريوا عليا وقالوا:  صباح الخير يابابا  .
ـ صباح الخير ياحبايبي بتعملوا اي ومين غير لكم انتم التلاته.
ـ انس بفرحه دي مها غيرت لسهيله وعلمتني انا وانس نغير لنفسنا وقالت انتم كبار ولازم تتعلموا تبدلوا هدمكم وترتبوا  العبكم.
فضولي زاد ومن غير تفكير رحت على المطبخ   للاسف ملقتهاش سالت الولاد قلولي مشيت بعد ما حهزتلهم فطرهم  عشان  متتاخرش على الجامعه.
رغم الاحباط والضيق اللي جولي إلا اني فرحت اني مشفتهاش  خفت اتعلق بيها زى ولادى،  وكمان كلام انس ابني وهو بيقول.
ـ بابا مها مجهزه لحضرتك الفطار في المطبخ وقالت انها مجهزة الغداء على التسخين وكمان مجهزة اكل كام يوم وحطهم في التلاجه لانها مش هتقدر تجي طول ما ماما مسفره.
معرفش ليه اضيقت وقلبي دق بسرعه بنغزة غريبه وطول اليوم  وانا زهقان  واغلب الوقت ولادي بيكلموا عنها مها قالت مها عملت،    اسبوع مر عليا بالطريقة دي  ولادي بيتصلوا بيها وبيحكولها عن يومهم وهي كمان تحكيلهم عن يومها وتعتزر ليهم انها مش هتقدر تجلهم وانا موجود في البيت وامهم مسافرة واه من امهم تخيلوا طول الاسبوع  مرنتش عليهم ولا مرة انا اللي بتصل كل يوم  وبترد عليا بصعوبه ولامرة سالت عنهم وعن اكلهم وشربهم  .
اسبوع كمان والهانم لسه مسافرة ولا على بالها جوزها وولادها  اتصلت بيها، وانا على اخري مبقتش قادر اتحمل شغلي بينهار وولادي مش قادر اسبهم ومها مش بتجي  لدرجه بتجهز الاكل في بيتها وتجيبه للبواب كل يوم بالشكل دا،  فاض بيا اتصلت بهايدي وقلتلها.
ـ  حبيبتي  وحشتني اي مش كفاية كدا  انا زهقت شغلي  بيضيع وانا محتاج مراتي.
ـ هي ببرود قالت:  لسه شهر على مرجع فاضل كام جلسه ليزر وبعدين عندك مها اديها فلوس وخليها تقعد مع الولاد  وروح الشغل يااما توديهم عند ولدتك.
والبنت ال عندها سنة ونص دى ايه رميتيها من حساباتك.
_البنا بترضع صناعى هتحاجنى فى ايه والولاد كبار.
ـ وانا يامها فين نسيتني  .
ـ اف يا جمال  انا بعمل دا كله عشان مين مش عشانك.
ـ هايدي انا مش عاوز كل دا انا عاوزك انتي على طبعتك زي ما خبتك.
ـ خلاص بقي ياجمال مش كل ما تكلمني تعيد وتزيد في نفس الكلام.
ـ نفس الكلام  مين فينا اللي بيعيد ويزيد يا شيخه انا نفسي مرة تتصلي بينا وتقولي وحشتني ولا تسألي علي الولاد.
ـ يوووه يجرالك حاجه  لو منكدش عليا
: ـ هايدي انا تعبت ومن الأخر  محتاج مراتي انا راجل وليا متطلبات واحتياجات
_خلاص خلاص نكمل بعدين البنات بينادوا عليا.
_يوووه، بنات بنات انا تعبت انا طهقطت كل ما اكلمك البنات البنات اسمعني كويس  اقسم  لو مرجعتيش بعد كام يوم هتشوفي وشي التاني وانسي يوصلك قرش واحد  طول ما انتي عندك.
ـ تيت تيت تيت.
بسخرية قفلت التليفون ولا كاني بكلمها  .
اتصلت مرة تانيه وانا على اخري وكلي تصميم انها لازم ترجع  فتحت التليفون  وبهمس قالت.
ـ جمال لو سمحت  كفاية اتصلات احرجتني مع البنات كفاية انها بيقولوا عليك دقة قديمة وباتصالك دا بتأكدلهم رايهم.
قفلت وانا مصعوك من كلامها،  كنت هتجنن ياعني دقة قديمة وايه احرجتها وباكدلهم كلامهم يعني هي مستعرة مني ولا قصدها اي  ايام عدت عليا مشفتش فيهم النوم  بقيت من الشغل للبيت  الولاد يااما في الحضانه والمدرسة ، يا اما مع مها اللي بتجي كل يوم توضب الشقه  وتعملهم الاكل وتمشي قبل رجوعي.
وفي يوم جالي اتصال من حضانه انس ابني انه وقع  وايده اتكسرت وبيرنوا على رقم ولدته مش بترد وبعد وقت رادت وادتهم رقم  حضرتك،  رحت المستشفى  اللي قالولي انهم ودوه فيها  وقلبي هيخرج من مكانه رحت لقيت انس بيبك في حضن بنت قاعده تطبطب  عليه وبتكلمه  تهديه حمدت ربنا اول ما شفت ابني بخير وايده في جبس قربت منه.
ـ انس حبيبي.
انس رفع عينه ورمي نفسه في حضني يبك وبيشتكي من وجع ايده.
دخل الدكتور وبيكلم مها على انها الام وبيقول.
ـ  انتي امه ازاي يامدام تسيبي ابنك ضعيف بالشكل دا انميه ونقص كالسيوم الوقعه زي ما الولد قال مكنتش قوية مسافه صغيرة وكمان على مطاط يعني الكسر حصل بسبب ضعف عضم الولد ياريت الفترة الجاية تهتمي بابنك  الولد محتاج اهتمام ورعاية وتغذية سليمه.
اول ما الدكتور اتكلم  عيني جات  عليها وشفتها محرجه ووشها جاب الوان من كلام الدكتور  لما لقيتها كدا  اتكلمت للدكتور غشان افهمه قطعت كلامي وانا بسمعها تقول.
ـ يعني اي حاله الولد صعبه،  طيب حضرتك تنصحنا بايه وياريت تدينا كورس علاج  يساعده يخف بسرعه.
ـ الدكتور  بزهق:  علاج اي اللي انتي بتقولي عليه اهم من العلاج الرعايا والتغذية الولد ضعيف جدا اقل من الاطفال  اللي في سنه.
الدكتور كمل:  على العموم انا كتبت ليه كالسيوم ومقويات لكن ماغنيش عن الاكل زي الالبان والبيض لازم كل يوم  ياكلهم وكمان  الخضار والفاكهة ونبعد عن الشبسيات والخلويات المضرة.
شكرنا الدكتور واخدنا الولد اللي رافض يسيب خضن مها ورحنا البيت بعد ما عديت على الحضانه واخدنا البنت واحمد ابني من المدرسه.
وصلنا البيت وانس رافض نهائي يبعد عنها وبيبكي من الوجع  وهي بتبكي معه.
حولت اخده منها وخصوصا انها باين عليها الخوف والقلق كل كلامها.
ـ انس يا حبيبي  اوعدك اني هاحيلك من الصبح بدري واقعد معاك وكمان هعملك كل الاكلات اللي بتحبها بس خليني امشي الوقت اتاخر ومشواري بعيد.
انس:  لاء خليكي معايا ايدي وجعاني اوي وخايف.
زاد توترها كل ما عيني تجي في عنها  قلت اهدي الولد واخده وفي الوقت  اخفف من توترها واحرجها مني.
ـ الف شكر يامها بس مقلتليش عرفتي ازاي ان انس في المستشفى.
ـ انس رفع وشه وقال انا اديت رقمها للمس واتصلت بيها.
مها بصوت خجول:  الحمدلله اني كنت قريبه من المستشفى ولحقته.
انس:  بابا متخليش مها تمشي.
مها طبطبت عليه وقالت:  متزعلنيش منك يا انس انا اتاخرت اوي ولازم امشي وكمان انت بطل ومفروض انك متخفش من الوجع.
انس:  بليز يامها متسبنيش.
مها:  مقدرش.
جمال:  مها  لو انتي خايفه من وجودي في البيت  تقدري تنامي مع انس  وتقغلي باب الاوضة عليكم انتي شايفه حالة الولاد وخوفهم على انس وانا زى ما انتي شايفه لوحدى ومش هقدر اخد بالي منهم هم التلاته وكمان علاج انس محتاج  اللي يظبطه.
مها:  والله لو عليا مهسيبه دقيقة بس غصب عني لازم ارجع انا من الصبح بره البيت وكمان  ومقلتش لحد اني هتأخر وخصوصا ان النهاردة معنديش شعل والتاخير بالنسبالي هيبق خطر.
جمال بعدم فهم:  تقدري تتصلي باهلك   وتعرفيهم كل حاجه  ولو تحبي انا ممكن اعتزر  واخدلك الاذن منهم،  بس ارجوكي تقدري وضعي انا والولاد.
: مها هزت راسها  والدموع مليت عنيها خرجت  تليفونها من شنطتها وبايد بتترعش رنت على  رقم ويدوب قالت.
ـ الو.
ـ فينك يا زفته كل دا تاخير من الصبح لحد دلوقتي  برة البيت  دايرة على حل شعرك.
ـ خالتي انا انا..
ـ انتي اي وزفت اي قولي قوام انتي فين واي اللي اخـرك كل دا.
ـ ياخالتي اسمعني الله يخليكي وانا هقولك كل حاجه.
ـ قولي ياختي لما اشوف اخرتها معاكي.
مها حكت ليها اللي حصل وان الولد ماسك فيها ومش عاوز يسبها وانها هتبات معه  سمعت صوت شهقتها ودموعها اللي نزلت وهي بترد على اللي بتكلمها.
ـ تباتي بره يا فجرة وفين فى  بيت راجل  عايش لوحده،  اسمعني كويس  قسمنا بالله لو مرجعتيش   الد قيقه دي البيت انسي انك تعتبيه مرة تانيه وخليكى  عند الواد يا حنينه، ولا امكن ابو الواد هو اللي عاوزك تباتي معه.
ـ صوت الست كان عالي سمعت كلامها رغم ان مها حطه التليفون على ودنها  مخستش بنفسي من العصبيه من كلام الست وانا باخد التليفون وبكلمها.
ـ اسمعني يا ست انتي  لولا انا مخترم مها  وانك تقربيلها كان ليا  معاكي وصرف تاني انتي فاهمه.
ـ  انت مين ياجدع انت،  ههههه  انت ابو الواد ما انا قلت كدا بردة.
ـ اخرسي قطع لسانك انتي بنى أدمه قليله الادب مها اشرف منك و من الف زيك وانا غلطان اني سمحت لنفسي وسمحتلها تكلمك.
ـ تطلع مين انت عشان تكلمني بالشكل دا والنبي ومن نبا النبي لافضحك انت وياها واخلي فضحتكم بجلاجل واخلي اللي يسوي وميسواش   يعرف حقيتكم.
قفلت معها وانا
: مضايق من اسلوبها في الكلام ولسه بكلم مها لقتها منهارة من البكاء قربت منها وسالتها.
ـ مالك يامها ومين الست اللي كنتي بتكلميها.
مها ببكاء وصوت واطي خجول:  دي خالتي.
ـ خالتك معقولة.
ـ اسفه يا بشمهندس على الكلام اللي قالته لحضرتك.
ـ أنا اللي أسف ليك اننا حطناكي في المشكلة دى وعلى العموم  انا هوصصلك بنفسي لبيتك وافهم خالتك الموضوع كله.
ـمها ببكاء اشد:  لا لا لا يا بشمهندس انا هروح لوحدي  لو حضرتك  جيت معايا هيحصل مشكله.
ـ طيب ممكن تهدي وتسمعني، انا هوصلك قريب من بيتك
: مها: هزت رسها بلا ونزلت انس من حضنها ونيمته على السرير واخدت
: شنطتها ومشيت وقفت عيني عليها افكر في حالتها وكلام خالتها من غير تفكير  ناديت عليها.
ـ مها.
وقفت والتفت ناحيتي قلتلها.
ـ تجوزينى يامها.
برقت عنيها ووشها انخطف قىربت منها بقلق.
ـ قلتلها:  اسمعني قبل ما تقولي رايك.
ـ هنجوز انا وانتي قدام الناس انتي مراتي وهنا  اختى  خفاظ عليكي وبنفس الوقت نقطع اي كلام.
مها:  انا مشكرة لحضرتك  يا بشمهندس  بس تنقذني من موقف تورط نفسك وتخرب بيتك.
ـ بسخرية ومرارة:  ههه بيتي لو علي بيتي متخفيش هو مخروب لوحده لكن لو انتي رافضة لسبب تاني انا هقف جنبك كاخ واب ليكي.
ـ مش زى ماحضرتك فهمت انا ظروفي صعبه بنت يتيمه عايشه مع خالتها وجوزها  وولادها بقضي يومي في الشغل بصرف على نفسي  وعلى علامي،  سمعت بنفسك خالتي اللي مفروض عارفه انا مين وتربيتي ايه قالت اي،  شف حضرتك الناس هتقول اي عليه دخلت بيت الست اللي لحم كتفها من خيرها ولعبت على جوزها.
ـ مها كل كلامك صخ مش هختلف معاكي فيه بس دلوقتي كلام الناس هيفرق معاكي في ايه كده ولا كده هيتكلموا  فخلينا نحل موضوع  بياتك بره البيت وكلام خالتك ونجوز وبكده نبق حلينا مشكله كبيره هتقغل ابواب كتير علينا احنا الاتنين.
ـ والمدام لوعرفت هتسكت.
ـ تعرفي ان زي الجواز ده هينقذ سمعتك هينقذ جوازي انا وهي.
_ازاى؟
_بعدين هتعرفى كل حاجه.
الأهم دلوقت نشوف هنتجوز ازاى؟
_بلجلجله: عرفى
_عرفى ايه هو عرفى ده جواز!
احنا هنروح لمأذون نكتب عنده واتصل على اتنين صحابى يشهدوا على الجوازالمشكلة بس هتكون فى الوكيل بتاعك وياما نشوف محامى او لو انتى عندك حد يبقى وكيلك.
بصت فى الأرض وبكسره: شوف المحامى.
الحمدلله قعدنا يومين دورت وراها واتاكدت فعلا من كلامها على اهلها وفعلا خالتها فى منطقتهم كانت واخدها سيرتها لبانه وده خلانا نسرع وكتبنا الكتاب بعد ما عملنا إجراءات كتيرة وبعد ما خلاص بقت مراتى رسمى رفضت رفض تام ترجع معايا الشقة.
_اى مكان تأنى غير الشقة دى.
مع العلم انا بلغت والدتها بجوازى وشرحتلها كل حاجه لأنها ست عاقلة طيبة بتقدر.
اخدتها هى والأولاد وروحت عند والدتى ودى كانت أول وحده تعرف وعلى عكس ما كنت فاكرها هتكون مبسوطه عشانى لقتها اضايقت وزعلت وهاجمتنى مش اعتراض على ظروف مها بس على طريقة الجوازة نفسها والغرض منها انى أدب هايدى بيها .
بس مع قعدتها معاها وشايفة طريقة معاملتها مع الاولاد ومعاها هى شخصيا حبيتها  فى الأوضة طول ما انا موجود حابسه نفسها واتحسنت علاقتهم ببعض اما بقا هايدى فأنا خليت واحد من أصحابي قال قدام مراته انى اتجوزت علشان الكلام يوصلها وحصل.
كنت متخيل هترجع وتعقل بقا وتطالب بيا وباولادها بس تفتكروا هايدى عملت ايه؟ ودى كانت الصدمه بالنسبالى حطيت احتمالات كتير بس ال عملته عمرى ما فكرت فيه.
_رجعت، سبحان الله فى اول طيارة وبدل ما تسأل عاى أولادها فين الاول وتكلمني تهاجمني حتى لا دى جريت على الشقة غيرت الكالون رمت هدومى انا والولاد من البلكونه وقالت بنفس اللفظ.
” كويس اوى انى الشقة بأسمى خليه بقا مع الخدامة بتاعته ال من توبه تخدمه وتربيله عياله.
_وياريت اكتفت بكده كل يوم والتانى محضر شكل ومشاكل فى شغلى والبوليس كل يوم والتانى عندى فى الشغل ده غير الفضائح قدام الجيران ليا ولمها ولوالدتى حقيقى خلت عيشتى جحيم .
: بالرغم من كده مها حست انها السبب وطلبت الطلاق.
وقتها ال وقفتلها ماما.
_لا على قد ما كنت معترضة على جوازكم بس دلوقت لا ، جه دورك انك تقفى جنبه .
مها: يمكن لما امشى المشاكل تتحل ويرجع هو لمراته وبيته
_مراته لو عايزة ترجع مكنتش قطعت حبال الود بينهم وعملت كل ده، رجعت اكتر من شهر ولا شافت اولادها ولا سألت على ابنها العيان .
_من النار ال جواها يا ماما، مش سهلة ان جوزها يتجوز عليها.
الحمى: ماشى يابنتى عارفة ومقدرة بس برضه اولادى أولوياتى ادور عليهم واشوفهم وخصوصا ان لخد دلوقت هو مقصرش معاها فى حاجه.
_مها: انا هحاول محاولة أخيرة ارد فيها جميل البشمهندس .
الحمى: هتعملى ايه.
مها: لما أرجع هتعرفى ادعيلي بس.
راحت مها ليها. الشقة مالقتهاش بعدها راحت على بيت أهلها.
هايدى: انت جيلك جرئة تيجى لحد هنا يا خطافة الرجالة  بس عارفة لايقين على بعض اوى نفس المستوى.
:انا مش هزعل منك علشان مقدرة ظروفك بس من فضلك اسمعينى واعرف البشمهندس عمل كده ليه؟ انا جاية اعرفك حقيقة جوازى منه وأنه انسان عظيم ما يستهلش ال بيحصل فيه.
_حقيقة ايه يا ام حقيقة اظنى انتى لما عرفتى انه خلاص هيفلس جاية تعملى عليا دور البريئة.
_يا مدام حضرتك فاهمه غلط.
_غلط! للأسف انا فهماكم صح اوى وبالأخص العقربة ال مقعداكى عندها.
_ماما ده انتى متعرفيش عملت ايه علشان خاطرك انتى والولاد.
_اقطع دراعى ان ما كانت هى ال مجوزاكم القرشانه دى.
ام هايدى وهى داخله عليهم: بالعكس كلامها صح جوزك قبل ما يعمل اى حاجه فهمنى وانا شجعته حتى المحامى ال كان وكيلها عمك محمود وكان كلها كم شهر وهيطلقوا بس بعمايلك انتى خربتى بيتك بايدك
_انتى يا ماما عملتى فيا كده.
_ياما نصحتك وقولتلك اسمعى منه جوزك مفيش زيه بس انتى ماشية وراء دماغك وصحابك التافهين ال انتى ماشية وراهم وال انا متأكده انك لو أطلقتى ولا وحده هتعبرك ومش بعيد يكونوا اخدوكى عظة وعبرة.
_دول هما ال نصحوني انى اكتب الشقة بأسمى وعرفونى على المحامى ال هيخرب بيته وخلى بقا الخدامة تنفعه .
ده كله وانا واقف عند الباب وسامع كل كلامهم.
قربت منهم ومسكت ايد مها وقفت عينى فى عين هايدى وبكل هدوء: انا كنت جاى وافهمك انا ليه اتجوزت مها وكنت هطلقها لكن بعد ال سمعته احب اقولك ان الفلوس انا ال عملتها وزى ما عملتها اعمل غيرها ودلوقتى عايزة اقولك.
_ولادى عندى وانتى ال سبتيهم بارادتك والكل شاهد على كده واخر حاجه هقولهالك: انتى طالق طالق طالق.
ومها هى ال هكمل معاها.
اخدتها ومشيت ومها مش مصدقة ولا قادرة تتكلم.
هايدى لمامتها: شفتى ال بتدافعى عنه عمل ايه؟
امها: عمل ايه واحد سمع اهانته بودنه غير ال عملتيه فيه ضيعتى شقا عمره ومع ذلك كان جاى يرضيكى بس انتى قطعتي اخر حبل
_يعنى عاجبك يتجوز خدامه عليا.
_يعنى مشكلتك انها خدامه اى وحده تانية عادى؟
احمدى  ربنا انها صاينه عيالك اتبرعت لابنك ال ماسالتيش عليه ولا دورتى من دمها.
_انا مضايقة وزعلانه منهم.
_لا انتى مصدقتى انشالت منك مسؤوليتهم.
_ماما دول ولادى.
_بإمارة ايه ده انتى ليكى شهور مشفتهمش
_لاحرق قلبه عليهم واخدهم واعرفه مين هى هايدى.
مسكتها من ايدها وبحده: مين هى هايدى السيوفى ايه النعرة الكدابة دى ولا صدقتى كدبه انتى كدبتيها زمان انتى ناسية ابوكى كان ايه؟ ابوكى  يا هانم كان مدرس ولولا الإعارة مكناش سكنا فى المنطقة دى لكن انتى عشتى فى وهم لحد ما ضيعتى نفسك وضيعتى ولادك لحد هنا وكفاية مش هسمحلك تقربى عليهم تانى
_انا موجوعه يا ماما.
_حاولى تصلحى ال تقدرى عليه وهى علاقتك باولادك إنما هو فخلاص يا بنتى ربنا يكتبلك خير فى غيره