سعر سعادتى مروة حمدي ومنى عبد العزيز 2

سر سعادتي
كل الناس بتلومني وتقول انك خاين ودني ميعرفوش انا عايش ازاي وايه اللي وصلني لكده انا عزرهم ومقدر كلامهم ماهم ليهم الظاهر واللي شيفينه قدمهم راجل مقتدر متجوز ملكة جمال  ساب كل دا وراح لوحده عادية ااقل منها في كل حاجه  هي كمان الكل بيهاجمها على انها خاينه وخطافة رجاله
هتقلوا اني بحاول المع نفسي وادفع عنها بس لما تعرفوا حكايتي هتعزروني.
حكايتي بدءت من يوم ما خطبت حب عمري  اميرة حلم كل شاب بنت جمال وحسب ونسب اتجوزتها وانا في بداية حياتي كل شغلي ومرتبي بين اديها هي اللي  امره ناهيه سفرت   واتغربت وكل اللي اشتغل بيه بين اديها لاعمري بخلت ولا قلتلها راح فين  خمس سنين غربة رجعت  بعدهم  فتحت مشروع اخدت قرض من البنك لان طبعا كل تحويشه الخمس سنين  راحوا على الفسح ومظاهر مراتي نجح مشروعي وسددت القرض وبقيت صاحب شركة صغيرة بس الحمدلله ناجحة
خلفت اول عيل وقلت هتتغير لكن للاسف زادت في المصاريف واهمالها ليا ورغم كدا كنت راضي ما انا بحبها، واستمر الوضع لحد مابقاش عندنا تلات اولاد اكبرهم سته وبنت سنه وولد  اربعه  في يوم كنت في الشغل اتصلت بيا ولقتها متصله بيا ومنهارة ربنا يعلم وصلت البيت ازاي وانا هتجنن من اتصالها وكلامها اللي قلته وقفلت السكه بيتردد في وداني وبقول ياتري حصل اي فتحت باب البيت لقتها وقفه بتقول.
ـ انا تعبت خلاص جبت اخري مش قادرة شفلك حل.
ـ في اي ياروحي مالك.
انت وخدني من بيت بابا معززة مكرمه عمري ما شلت ورقه من مكانها اجوزتك وبقيت ست بيت  غسيل واكل وشرب لكن بعددا كله تجي الست والدتك وتنظر عليا وتقول اني مهملة  دا اللي ما اسمحش بيه ابدا.
قربت منها بهدوء وانا مش فاهم حاجه  اي حكاية امي.
ـ اهدي ياروحي وفهمني اي اللي حصل وماما جات امته.
هي قعدت على الكنبة  وقالت:  جات تشوف الولاد وهي شايله سوسو لقتها بتقول ازاي اسيب البنت مغيرلهاش البامبرز  اول ما صحيت من النوم، وليه وليه قلتلها نسيت وانشغلت مع اخوتها   لقتها بتقول  اني مهملة وهضر البنت.
قعدت جنبها وطبطبت عليها وقلتلها متزعلش مع اني امي مغلطتتش انا نفسي نبهت عليها اكتر من مرة  ماتسبش الينت فترة طويله بالمبرز لكن ولا حياه لمن تاني
كلمتها:_
ياروحي  انا مقدر اللي انتي فيه وماما مقصدهاش حاجه  دي بتحبك اوي وكلامها من خوفها على البنت.
ببكاء وعصبيه:  خايفه على البنت تقولي الشقة متبهدلة وكلها تراب ومش منظمه والمطبخ يقرف بزمتك الشقة  فيها حاجه.
بسخرية وايده على الطربيزه  بص ليها  وهو رافع ايده بعد ما  مسحها:  اهئ لا ملهاش حق فين التراب دا.
ـ بعصبية وهي شايفه ايده اللي اتوسخت تراب:  انت بتتريق ما انت تعرف اي عن اللي ببق فيه طول اليوم  مع عيالك غير بنتك اللي  مش بتبطل صريخ اخلص المطبخ القي الصاله اتبهدلت اروقها القيهم بهدلوا الحمام طول اليوم علي كدا مبلحقش اخد نفسي.
اتنهد بضيق وهو باصص على ولاده اللي قاعدين يلعبوا وهم ساكتين مابيتحركوش من مكنهم  وفي نفسه قال:  ياتري بترمي على اي يا انجي 
ولادي وعارفهم  هادين ومش بيتحركوا من مكانهم  بقالي ساعة قاعد اهو. ولا واحد اتحرك من مكانه يا شيخه انتي مربيالهم الرعب حتي البنت  تقولي مبرمجها مش بتبكي غير لو جاعت، حتى الغيار بيفضل باليومين عليها لولي الريحه مكنتش غيرت  لها.
: رفع عينه لفوق للسقف ضم شفايفه واتنهد:  والعنكبوت اللي مالي السقف دا  كمان فاضل سنه وينزل على رسنا مش كل يوم اقول عليه.
هي بضيق وبتهز رجلهاوهى شيفاه باصص للسقف: يبق انت اشتكيت للست مامتك وهي جات تشوف مراتك المهمله.
وقف من مكانه :  والله ما حصل  ولازرت والدتي من اسبوع لما كنتي معايا،   على العموم انتي نسيتي يومها لما قلتي قدمها اني نفسي في طاجن الباميا وانك مش بتعرفي تعمليها  واتفقتي معها تجي تعلمهالك بطرقتها يبق انا اشتكيت امته.
هي بتهتها:  لا ما نستش،  بس دا ما يدهاش الحق تقول اللي قلته وكمان بعد ما بهدلتني وقلت مني زعلت اني بقلها بيتي وانا حره فيه،  اخدت نفسها ومشيت  وحلفت انها مش هتعتب الشقة لاخر يوم في عمرها. اهى إهئ إهئ.
بعصبيه حاول يتملك اعصابه وبيضغط على اسنانه اخد نفس طويل يهدي نفسه:  ياعني  عاوزه تقعد بعد ما طرتيها من بيت ابنها.
هي شاورت على نفسها وقعدت على الكرسي وفضلت تبكي:  انا عملت كدا  دا انا فضلت احيلها واعتزر ليها وبردة اخدت نفسها ومشيت  وبتقول ابدا عمري ما هدخل البيت دا.
اتنهد وقال* خلاص يا انجي انا هروح وافهم منها  وارضيها.
وقفت بعصبيه:  اه تراضي الست ولدتك وانا اللي اتهنت واتهزقت  اتفلق.
هو بيكلم نفسه:  انا عارف انه النهاردة مش هيعدي بالساهل واكيد الاسطوانة دى وراها حاجه  فقلت اخدها من قصرها واسالها
: فى ايه يا حبيبتى انتى عايزة ايه بقا؟
_هقولك فى. ايه بس خلى بالك انا كنت ساكته ومستنياها تيجى منك على اساس انك بتهتم وعارف انى عمرى ما شلت ياسمينه من على الارض فى بيت بابا.
_امممم، اه عارف عارف.
_ماما كانت بتشرف على الشغالين وانا حتى ده ماليش فيه.
_ههه وده انا متأكد منه متقلقيش.
_وطالما حضرتك متاكد فاعمل حسابك من هنا ورايح  انى مش هرفع عودة من على الأرض.
_يعنى ايه الكلام؟
_يعنى تجيب وحده تساعدنى.
_ما انا قولتلك زمان وانتى ال ماردتيش قولتى مبحبش حد يعمل حاجتى عايزة احس بوجودى فى بيتى ومملكتى.
_كنت غلطااانه كنت فرحانه بالدنيا الجديدة مكنش فى اولاد ومسئوليه كده تعال شوف صحباتي وتريقتهم عليا.
بصت على ايدها : شايف منظر ايدى بقا دى ايدى انا هايدى السيوفى ده انا انهاردة كنت تريقتهم فى النادى.
بص لايدها: مالها ايدك اومال البيدى كير والمناكير ال كل شوية ده ايه؟
_اصلك مشفتش ايد.ديدى وسوزى دول مشتركين فى بيتى سنتر عالمية.
_وماله لو عايزة تشتركي اشتركلك فى حاجه تانية.
_لا أنا عايزة حاجه تانية.
_اممم، عايزة حاجه تانية
_خير
_عايزة خدامة وسفرجى.
_ههههه سفرجى انتى مش ملاحظه ان السفرجى دى من الخمسينات والستينات.
: _يعنى ايه مش هتجيب؟
اوف، بصى مع انى ضد كلمه شغالة فأنا هجيب وحده تساعدك.
بسرعه قاطعته: لا انا ال هختارها انا عارفة ذوقك فى ال هتجبهم، ميمى صاحبتى تعرف وحده شاطرة جدا هخليها تبعتهالى بتروحلها يومين فى الاسبوع وانا هتجينى يومين فى الاسبوع
_ليه ما يكنش الاسبوع كله.
_مش هينفع علشان هى عندها كليه هى بتشتغل فى الأيام. ال معندهاش فيها جامعه.
اتنهد وقال:  اللي يريحك اعمليه بس اهم حاجه ارجع البيت القي كل حاجه مظبوطه وياريت انتي تخلي وقتك معظمه للاولاد وخصوصا نادين.
هي بعدم اهتمام مسكت التلفون  وببتصل على صحبتها وبتشاور ليه وتقول:  اوك هتصل على ناني  تبعت الشغاله الصبح.
جات الشغاله وكل يوم هايدي من النادي لشبنج البيت يضرب يقلب  اربع ايام واليومين اللي تجي فيه الشغاله  هم اليومين اللي بيرتاحوا فيهم و الشقة والولاد فيهم كويسين.
شهر وراء شهر زادت ايام الشغالة بعد ما انهت امتحانتها  الدنيا انضبطت والبيت بقي جنه نظيف ومترتب و ورحته حلوة  نظام الشغاله وترتبها كان بيفكرني بأمي نفس الترتيب والنظافة  هايدي زاد اهمالها ليا انا والولاد بقت انانيه مشيفاش غير نفسها  وبس جيم وعمليات تجميل وسفر مع صحبتها باليومين والتلاته  ،  نسيت انها زوجة وام كل ما اكلمها تقول انتي اجوزتني ودي كانت حياتي ومش هغيرها،  استحملت  عشان خاطر حبي ليها والولاد اشتكيت مرة لولدتها والشهادة لله كلمتها وعقلتها  وقالت لها.
ـ حياتك قبل الجواز حاجه  وبعده حاجه تانيه  بيتك وجوزك واولادك اهم من صحابك ومن نفسك التفتي لبيت وجوزك وسيبك من لعب العيال اللي في دماغك.
بعد معاناة واقناع وتنازل مني خفت شوية من خروجتها وخصوصا لم جات فترة كرونا وبقيت ممنوع نخرج  من البيت  قلت دى فرصة نرجع نقرب من بعض  تاني وهي تتعود على جو البيت،  والشغاله بقت تجي يومين تلاته بناء على طلبي لاني معظم الوقت ببق في البيت  وكنت زى زي ي راجل عاوز يحس باهتمام مراته بيه، 
وفى مرة طلبت منها اكتر من مرة اكلها بحبها تقولي.
ـ مبحبهاش اول جوزنا كنت بتروح لولدتك تعملهالك  اي الجديد.
ـ الجديد  اني حابب اكلها من ايدك وخصوصا انتي عملتيها قبل كده ايام الخطوبه.
ـ بتهته قالت: يووه يا جمال دى اكله صعبه وانا معنديش بال ليها.
هو بذهول: طاجن باميا اكله صعبه اومال لو طلبت محاشي اوكوارع.
ـ كمان لا ياحبيبي انسي من الاخر كدا هعمل مكرونه وبانيه.
ـ هو كل  يوم مكرونه وبانيه،  انا زهقت ومعدتى قرفت منهم اعملنا النهاردة مكرونا بشامل  وانا هساعدك فيها.
ـ النهارده  مش، هينفع خالص انا متفقه انا وناني ولولو هنروح البيوتي الجديد ومش نقدر اتاخر عليهم.
بضيق:  مش كنا خلصنا من الموضوع دا وقلنا نلتزم في البيت والولاد حتى انا التزمت وقللت شغلي عشان نقضي نعظم الوقت مع الولاد.
ـ جمال متعملش من الحبة قبه،  ومتنساش اني بقالي كتير مخرجتش حتى الشغاله  بقت تجي يومين وبس.
ـ انا مالى ومال الشغاله انا بكلم علي مراتي عاوز ها جنبي محتاجها انا وولادي.
ـ ياعني خدامه ليك ولولادك وانا فين من دا كله ولا فارق معاك نفسيتي ولا طموحاتى اللي اتنزلت عليها عشانك انت عارف الشغل اللي سبته عشان اجوزك.
ـ يووه يا هايدى هو كل ما اكلمك في حياتنا تجبي موضوع الشغل دي مبقش عيشه ولو على شغلك اظن انا عوضتك عنه  مرتبك بزيادة كل شهر بتاخديه مني غيرمصروفك الشخصي  انتي والولاد.
جلها تليفون بعدت عنه ورجعت بسرعه اخدت شنطتها وبتكلمه وهي ماشيه.
ـ. باي باي دلوقتي  لما ارجع نبق نتكلم وعلى العموم الشغاله عشر دقايق وتكون هنا ابق اطلب الاكله اللي انت عاوزها منها.
ـ معقوله ياهايدي اطلب من الشغاله امته باكل من ايد حد تاني غيرك انتي  وامي.
ـ بضحكة ساخرة  من يوم ماجات تشتغل هنا ياروحي وانت بتاكل من ايديها وكتير شكرت في اكلها  .
بذهول وغيظ:  وانا اللي مخدوع وفكر انتي.
ـ  باي  بقي  البنات تحت  .
عدى على الموضوع  دا ست شهور  وهي زى ما هي اكلي اطلبه من الشغاله في ورقه اكتبها على التلاجه  طول الفترة دي ما شفتهاش بس الحق يتقال كل مرة فضولي يجبني استناها  لما تجي وابق عاوز اشكرها على اهتمامها بالولاد والبيت والاكل اللي كل مرة بيكون  اجمل واطعم  من اللي قبله،  بس هي كانت ترفض انها تجي وانا موجود لوحدي.
احترمتها زيادة لما عرفت انها  بتدرس وبتشتغل بالنهار  شغاله وفي الليل  مرافقة لست كبيره
عرفت بالصدفة لما كنت مسافر كام يوم وهايدى كانت مسافرة ومفيش حد يقعد مع الولاد  وقتها طلبت منها وكتبلها على ورقة ردت عليا وقالت الموضوع دا وانها مينفعش الكلية تسيبها ده كله ولا تبات بره،  للاسف انا اضطريت اسيب شغلي وانزل عشان الولاد  لان هايدي هانم كانت مشغوله في عملية التجميل بتعتها.
هتقولوا  اهلك واهلها فين.
امي ست كبيرة وكمان من وقت ما جلها كرونا وصحتها مبقتش  تستحمل شقاوة تلات ولاد من عمر سبع سنين وسنه،  وولدتها عندها شغلها وبيتها.
بحكم توجدى في البيت  بقيت  بدخل المطبخ كتير عشان طلبات الولاد وكل مرة ادور على  الحاجه اللي الولاد طلبنها  ملقهاش، اتصلت على هايدى  بقلها.
ـ  حبيبتي  مش لقاي الكورن فلكس بتاع الولاد  شيلاه فين.
ـ ترد وتقولي:  متصل  بيا الساعة دى عشان حاجه  تفهة بالشكل دا،  وانا اي عرفني  اسال مها اكيد هي عرفه مكانه.
اتصل بيها الساعة دى.
ـ  اديك قولت بنفسك انت الوقت متاخر وصحتني من احسن نومه بدل ما تصرف.
قفلت السكة وكملت نوم  حتى مهتمتش  ازاي الوقت  متاخر  والولاد عاوزين يكلوا.