الفصل الثامن عشر سيد _القمر _الاسود بعد مرور ثلاثة ايام.. دخلت حبيبه برفقة مرام الى مقر عملها والذي يقع بداخل شقه صغيره في شارع جانبي باحد احياء القاهره .. حبيبه بتوتر وهي تتأمل المكان من حولها برهبه.. =انا حاسه اني خايفه اوي ومش عارفه انا طاوعتك إزاي وانا معنديش اي خبره في الشغل ضحكت مرام بمرح =يعني انا والا سارا الي عندنا خبره دا اول شغل لينا زيك بالظبط ومفيش غير ياسر الي عنده خبره عشان كان بيشتغل اربع سنين في شركة ديكور كبيره.. ثم دخلت الى داخل الشركه التي تميز بهوها باناقه كبيره يفصلها عن باقي الشركه باب من خشب الارو المشغول الذي دخلت منه مرام تتبعها حبيبه التي سارت وهي تتأمل المكان بتوتر لتجد خلف الباب ثلاث غرف.. غرفتان انيقتان مفروشتان بعنايه وزوق عالي في حين الغرفه الاخرى تتواجد في مكان منعزل قليلا و بعيد عن العيون فدخلتها مرام وهي تقول بمرح =تتااا ..تتاااا.. بتعملوا ايه من غيري.. أقدملكم حبيبه ذات الموهبه الرائعه و شريكتنا الرابعه في الشغل .. نظرت حبيبه بتوتر اليهم لتجد غرفه كبيره وواسعه جدا تتميز بانها عمليه وغير انيقه لا يوجد بها الا مكتبه بها العديد من الكتب والكاتلوجات الخاصه بالديكورات واربع مكاتب صغيره تحتل احدهم شابه سمراء جميله في منتصف العشرينيات من عمرها ذات عيون عسليه واسعه وشعر اسود مموج ترفعه بدون اهتمام في كعكه غير مترابطه وأمامها جهاز كمبيوتر محمول تعمل عليه وهي تمضغ علكه وتنفخها وهي تدندن باغنيه قديمه… في حين جلس الى المكتب الاخر شاب انيق في اواخر العشرينيات من عمره ذو شعر بني وعيون عسليه يعمل هو الاخر بتركيز على جهاز كمبيوتر محمول موضوع امامه.. مرام بمرح =هييييي..نحن هنا نظر ياسر اليهم بدهشه ثم انتبه لوجودهم فإبتسم وهو يقف ويمد يده لحبيبه محييٱ =اهلا وسهلا استاذه حبيبه معلش مخدتش بالي كنت مركز في التصميم الي قدامي.. مرام بتبرم =اهلا لحبيبه بس مفيش اهلا ليا انا كمان ..ماشي ياسر وهو يتأملها بابتسامه جذابه .. =اهلا ليكي انتي كمان يا ست مرام ولا تزعلي.. ثم تابع بجديه وهو يوجه حديثه لحبيبه.. = اعرفك بنفسي انا ياسر مسئول التصميما.ت هنا..وطبعا بعد ما اضميتي لينا هتبقي مسئوله معايا عن القسم ده اقتربت سارا منها وهي تسلم عليها وتقول بمرح .. =وانا سارا مسئولة الحسابات والي هتطلع عينكوا وهي بتعد عليكوا كل قرش هتصرفوه ضحكت حبيبه وهي تقول برقه .. =تشرفنا..وانا حبيبه وهحاول اتعلم بسرعه وان شاء مش هتندموا انكم وافقتم اني اشتغل معاكم ابتسم ياسر وهو يقول بجديه =انا شفت صور الديكور الي نفذتيه في شقتك وعجبني جدا..وواضح ان عندك موهبه كبيره في التصميم والا ماكنتش وافقت انك تشتغلي معانا ومتقلقيش اي حاجه تانيه سهل انك تتعلميها المهم ان الموهبه موجوده.. ابتسمت مرام وهي تقول بود =مش قلتلك متقلقيش احنا كلنا جداد وبنتعلم من بعض.. اشارت سارا لاحد المكاتب وهي تقول بابتسامه وادود =ده المكتب بتاعك والجهاز الي عليه ده يخصك بس في الاول هتشتغلي مع ياسر على جهازه لحد ما.تتعلمي ازاي تتعاملي مع البرامج الي عليه اشار لها ياسر بجديه =اتفضلي يا استاذه حبيبه اقعدي معايا هنا وقوليلي رئيك في التصميم الي شغال عليه انا بنفذ ديكور شقه كبيره بس حاسس ان فيه حاجه في التصميم مش مظبوطه.. جلست حبيبه بتردد الى جانبه في حين قالت مرام بعمليه =و انا هاروح اتفق مع الصنيعيه والعمال الي محتاجنهم قبل مايرتبطوا بشغل مع حد تاني..يلا سلام.. ياسر بتوتر = مرام خدي الاسطى عاطف معاكي بلاش تروحي تتفقي معاهم لواحدك مرام بغضب =ليه بقى ..هو انا صغيره والا ايه.. ياسر بحرج وحبيبه تتابع توتره بدهشه =لا طبعا انا مقصدش بس..يعني..اقصد انهم كلهم شباب صغير و رجاله وممكن يدايئوكي.. مرام بمرح = لا متخافش ان كان على كده فانا ارجل منهم كلهم ..بس خد بالك انت من حبيبه و بلاش تتعبها من اول يوم ثم خرجت مسرعه وهي تشير لحبيبه بأن تطمئن في حين جلست سارا الى المكتب الخاص بها وتابعت القيام بعملها .. وحبيبه تتابع ياسر الذي يتابع خروج مرام باهتمام وقلق اثار انتباه حبيبه ثم تنحنح وهو يعود بانتباهه اليها يعرض عليها بعض الصور التي قام بتصميمها.. =ها ايه رئيك انا حاسس ان فيه حاجه ناقصه.. نظرت حبيبه للتصميم جيدا ثم قالت بتردد =هو حلو اوي ..بس… ياسر بجديه =بس ايه ..قولي رئيك متردديش احنا هنا كلنا بنكمل بعض حبيبه بتردد =بصراحه انا شايفه ان الريسبشن مليان حاجات كتير..صحيح مليان تحف وانتيكات بس برضه زحمه.. يعني مثلا لو نشيل ده ونستبدله هنا … ثم تابعت الشرح وسط اهتمام ياسر الذي تناقش معها باستفاضه في المزيد من التفاصيل..لتمر بهم اكثر من ساعه وهم يتناقشون حتى انتهوا.. تأمل ياسر التصميم الذي امامه ثم قال بارتياح .. =فعلا كان معاكي حق ..التصميم كده اجمل واشيك ومريح للعين ثم نظر لها وهو يتابع بتقدير =الظاهر اننا كسبنا مهندسة ديكور كبيره.. ابتسمت حبيبه وهي تجيب برقه =مش اوي كده يا استاذ ياسر انا لسه جديده و بتعلم.. ياسر بلطف.. =لا بالعكس انا شايف انك مع شوية خبره هيكون ليكي مستقبل كبير في شغلتنا .. ثم تابع بمرح =وبعدين احنا هنا زمايل يعني بلاش رسميات انا اسمي ياسر و دي سارا وبس يعني من غير القاب لو ده مش هيدايقك.. ابتسمت حبيبه براحه = لا ابدا ميدايئنيش ولا حاجه.. ثم تابعت برقه =خلاص يبقى انا كمان حبيبه من غير القاب.. ابتسم ياسر وهو يشير الى جهاز الكمبيوتر المحمول الخاص به =طيب اتفرجي على اوضة الاطفال هي المفروض لبنوته صغيره عندها ست سنين انا لسه مشتغلتش فيها وقوليلي افكارك وانا هاروح اعملنا نسكافيه ..اه بتشربيه ايه وقفت حبيبه بحرح .. = لا وده معقول انت الي هتعمل لنا النسكافيه بنفسك سارا بمرح =متقلقيش انتي كمان هيجي عليكي الدور وهاتعمليلنا كلنا ..اصل احنا ممشينها بالدور كل واحد فينا بيمسك البوفيه يوم ويعملنا طلابتنا علشان لسه معندناش حد بيشتغل في البوفيه والنهارده اليوم على ياسر.. ابتسم ياسر وهو يقول بمرح =اهي سارا قالتلك على نظامنا هنا ها بتشربي سكرك أد إيه.. حبيبه وهي تبتسم بمرح =ان كان كده يبقى ماشي .. انابشربه بمعلقة سكر واحده.. ابتسم ياسر ثم تركهم وتوجه للخارج في حين جلست حبيبه تتأمل غرفة الطفله التي ستقوم بتصميمها باهتمام وحنين وهي تتخيل انها تصمم غرفة طفلتها هي ..لتشعر بالاختناق و عينيها تمتلاء بالدموع لاستحالة الفكره بالنسبه لها.. ليرتفع فجأه صوت رنين هاتفها الخاص .. فعقدت حاجبيها برفض وهي ترى اسم عمر يظهر امامها..فحاولت تجاهله الا انه تابع الرنين عدة مرات باصرار .. حبيبه بتوتر وهي تقف وتتوجه للخارج.. = انا خارجه ارد على التليفون وراجعه حالا.. ابتسمت سارا برقه وهي تشير لها بالذهاب فخرجت لبهو الشركه ثم اجابت بحده.. =ألو..عاوز إي…. الا ان عمر اجابها وهو يقاطعها بغضب =مبترديش على التليفون ليه.. حبيبه بغضب =انا حره ارد او مردش دي حاجه ترجعلي.. عمر بغضب =بلاش تستفزيني يا حبيبه..اظن انا فهمتك مليون مره ان مكلما.تي يترد عليها مهما كنتي مشغوله او حتى زعلانه ..لان لو مردتيش هافهم علطول انك واقعه في مشكله وعلى اساس كده هتصرف حبيبه بغضب =يا سلام الي يسمعك كده يقول انك مهتم اوي ..وبعدين ملكش دعوه بيا واهتم بالحيزبونه الي مقعدها في بيتك .. عمر باستفزاز =ومين قالك اني مش مهتم بيها.. بس ده مش موضوعنا ثم تابع بجديه =بتعملي ايه في شركة الديكورات دي بقالك اكتر من ساعه.. شهقت حبيبه بغضب وغيره =تهتم بيها والا متهتمش ده حاجه متهمنيش و بعدين انت ايه الي عرفك اني في شركة الديكور ..إيه بتراقبني عمر ببرود =ايوه براقبك وبراقب كل خطواتك .. ارتحتي .. ثم تابع بصرامه اخافتها =بتعملي ايه عندك يا حبيبه ردي علطول انا جبت اخري ابتلعت حبيبه ريقها بخوف الا انها اجابت بتحدي =ملكش دعوه ..وياريت متتدخلش في الي ملكش فيه ..انا حره اعمل الي انا عوزاه.. عمر بتوعد =بقى كده.. حبيبه بتحدي =ايوه كده .. يعني هتعمل ايه .. عمر ببرود =لا على الي انا افدر اعمله فانا ممكن اعمل كتير اوي.. يعني ممكن مثلا اجي دلوقتي حالا اخدك على بيتك وببت جوزك واقعدك فيه زي اي ست عاقله..او اجي اطربق المكان على دماغك ودماغ الي شغالين فيه او ممكن بكل بساطه أقفلك المكان خالص واظن انتي عارفه اني اقدر اعمل كده … ثم تابع بصرامه شديده =بتعملي ايه عندك يا حبيبه .. اجابت حبيبه بغضب وهي متأكده من انه يستطيع تنفيذ تهديداته بسهوله شديده =بشتغل هنا ..ارتحت عمر باهتمام =بتشتغلي ايه..كملي حبيبه باختناق =بشتغل مصممة ديكور معاهم.. ممكن تقفل بقى مش خلاص عرفت الي انت عاوزه تجاهل عمر حديثها وهو يتابع استجوابها باهتمام.. =مين الي جابلك الشغل ده ..ومصممة ديكور ازاي وانتي مش دارسه تصميم.. حبيبه باندفاع وهي تشعر انه يقلل منها.. =مرام جارتي في العماره هي الي جابتلي الشغل ده معاها هي وزمايلها بعد ماشافت الديكورات الي انا عملتها في شقتي .. ثم تابعت باندفاع =وعلى فكره بقى ياسر مهندس الديكور الي انا شغاله معاه يبقى مهندس كبير اوي وعنده خبره شاف شغلي وقال ان انا عندي موهبه كبيره جدا بس ناقصني شوية خبره انتفض عمر وهو يقول بخطوره =ياسر .. ياسر مين ثم تابع بغضب اثار خوفها =مين ياسر الي بتتكلمي عنه ده..انطقي حبيبه بارتباك =ده..ده مهندس الديكور الي هشتغل معاه و….. ليرتفع صوت ياسر فجأه مقاطعاوهو يقول بمرح .. =يالا ياحبيبه تعالي عملتلك النسكافيه وقرب يبرد.. عمر بغضب شديد =حبيبه..كده ..عادي ومن غير القاب..وعملك النسكافيه..وكل ده بعد ساعه واحده قضيتيها في الشغل .. اومال بعد يوم والا اتنين هيحصل ايه حبيبه بغضب =احترم نفسك واتكلم كويس ..مش كل الناس زيك وزي الحيزبونه بتاعتك .. ثم تابعت بارتابك =انا هقفل السكه علشان عندي شغل مع السلامه .. ثم اغلقت الهاتف بسرعه وتوجهت للداخل وهي تحاول السيطره على توترها .. في نفس التوقيت.. اتصل عمر بنادر ..الذي اجاب فورا وعمر يقول بغضب شديد دون ان بعطيه فرصه للكلام =معاك اسم الشركه الي حبيبه دخلتها من شويه.. تجيبلي كل حاجه عنها مين الي ممولها.. موقفهم المالي .. اخلاقهم عامله اذاي.. كل الي بيشتغلوا فيها عاوز تقارير كامله عنهم وخصوصا واد اسمه ياسر شغال هناك ..قدامك ساعتين وكل الي طلبته يبقى قدامي ثم اغلق الهاتف دون انتظار رد وهو يكاد يشتعل من شدة الغضب والغيره في المساء وبعد انتهاء ساعات العمل نزلت حبيبه برفقة مرام وسارا وياسر وهم يتحدثون بمرح.. ياسر بتعب .. =انا ميت من الجوع ما تيجوا ناكل في اي مطعم جنبنا.. سارا بمرح.. =مطعم ايه يا بشمهندس احترم نفسك احنا في نص الشهر ويادوب الفلوس الي معانا ممشيانا بالعافيه مرام بمرح =ولا يهمك يا سمسم .. وافقي انتي بس وانا هعزمكم كلكم على حسابي.. ياسر بغضب =ومين قالك ان احنا محتاجين حد يصرف علينا..سارا بتهزر وانا لو ممعييش فلوس مكنتش اقترحت ان احنا نروح نتغدى بره .. مرام بحزن وقد تجمعت الدموع في عينيها .. =انا مقصدش يا ياسر انا كنت بهزر معاكم وعموما انا اسفه.. ثم تركتهم وتوجهت الى سيارتها وهي تقول لحبيبه بصوت مخنوق =يلا يا حبيبه علشان اوصلك معايا.. مرر ياسر يده في شعره بغضب في حين قالت سارا بعتاب =ليه كده يا ياسر ..حرام عليك هي كل ما تتكلم تحرجها بالشكل ده والا عشان متأكد انها بتحبك فبتبيع وتشتري فيها ياسر بتعب وهو يشير لاحدى سيارات الاجره وعينيه تتابعها بحزن =انتي بتقولي ايه بس يا سارا دا انتي الوحيده الي عارفه اني انا كمان بحبها وبمو.ت فيها ..بس مينفعش..انا فين وهي فين سارا باحتجاج .. =ليه كده يا ياسر ليه بتقلل من نفسك انت بشمهندس قد الدنيا والمستقبل قدامك وبكره هتحقق كل الي نفسك فيه ..حرام عليك تعذب نفسك وتعذبها معاك بالشكل ده.. فتح ياسر باب السياره وهو يتنهد بألم.. =لما بكره ييجي واحقق ولو جزء من احلامي ابقى اصارحها بحقيقة مشاعري ناحيتها غير كده مش هينفع.. تنهدت سارا بحزن وهي تجلس بجانبه في سيارة الاجرى.. في حين قادت مرام السياره وهي تبكي.. حبيبه بحزن .. =خلاص بقى يا مرام محصلش حاجه لكل ده ..وهو اكيد ميقصدش .. مرام بحزن وهي تمسح دموعها.. =لا يقصد ..دا..دا مبيطقنيش ولا بيطيق يتكلم معايا كلمتين على بعض.. وأديكي شفتي بنفسك حبيبه بتردد =بصراحه انا مش شايفه كده ..بالعكس دا طول النهار بيتصل بعم عاطف يتطمن عليكي وأكد عليه ولا مية مره انه ميسبكيش لواحدك مع الصنايعيه حتى انا افتكرت انه . يعني..والا بلاش.. توقفت مرام بالسياره وهي تقول بأمل =لا وحياة ابوكي اتكلمي دا انا ما صدقت.. حبيبه بارتباك =انا معرفش. اقصد محدش قال قدامي حاجه بس انا لما شفت اهتمامه وطريقة بصته ليكي وانتي مش واخده بالك قلت يعني..اقصد… مرام بسعاده .. =تقصدي انه بيحبني ..مش كده..انا كنت حاسه والله بس عمايله شككتني فيه.. انطلقت مرام بالسياره مره اخرى وقد تجدد الامل في قلبها مره اخرى.. حبيبه بارتباك =انا مش فاهمه حاجه..انتي بتحبيه ..صح مرام وهي تقف بالسياره مره اخرى امام العماره التي يقطنون بها وخرجت منها بصحبةحبيبه.. =انا مش بس بحبه انا بمو.ت فيه بس زي ما انتي شايفه حب من غير امل هو شايف ان انا غنيه ومش مناسبه ليه علشان الفرق المادي الي بينا مع اني حاولت كتير اني افهمه ان انا اخر حاجه ابصلها هي الفلوس بس هو واخدها مسئلة كرامه ..واملي الوحيد ان شركتنا تنجح يمكن ده يشيل مشكلة الفارق المادي الي بينا والي مخلياه يبعد نفسه عني… حبيبه برقه.. =ان شاء الله يا حبيبتي الشركه تنجح وربنا يجعل لكم نصيب في بعض.. مرام بلهفه =يارب يا حبيبه ..يارب ركبت حبيبه المصعد ثم توقفت امام شقتها فودعتها .. ثم دخلت وهي تشعر بالتعب والاسف من اجل صديقتها.. لتتفاجأ بعمر يجلس في البهو على احدى الارائك وهو يعمل بتركيز على جهازه المحمول وقد خلع جاكيت البدله السوداء التي يرتديها وقد ثنى كميه وفتح بعض ازرار قميصه العلويه حبيبه بدهشه.. =انت دخلت هنا إزاي.. رفع عمر عينيه اليها يتأملها بتدقيق ليقول بهدوء =اغسلي وشك وغيري هدومك علشان جدتي عامله حفله في القصر وعوزاكي تبقي موجوده ثم تابع ببرود =بتحاول تتصل بيكي من بدري بس الظاهر تليفونك كان مقفول حبيبه بغضب وهي تتزكر انها اغلقت الهاتف بعد محاد.ثتها معه =انت دخلت هنا ازاي رد عليا.. عمر وهو ينظر لساعته ببرود =دخلت بالمفتاح طبعا..ويلا علشان منتأخرش اتجهت له حبيبه وحاولت سحبه ليقف وهي تقول بغضب =قوم اقف وكلمني وبلاش برود انت سر.قت المفتاح وعملت عليه نسخه مش كده سحبها عمر فجأه بقوه لتقع فوق ساقيه وهو يشدد من لف زراعيه من حولها ويقول بغضب مكبوت.. =انا بحذرك ..كلمه كمان وهاتتعاقبي عقاب يوجع كرامتك اكتر ما هايوجع جسمك .. ثم تابع بصرامه اخافتها =قومي غيري هدومك والبسي حاجه تناسب الحفله.. حبيبه بغضب مفتعل تحاول مدارة خوفها به.. =ولو قلت لاء مش عاوزه اروح معاك.. ابتسم عمر ببرود .. =همم..طيب يبقى انتي الي اخترتي لتتفاجأ به يرفعها فجأه فوق كتفه ويتوجه بها الى الداخل رأسها يتدلى للاسفل.. يحيط قدميها بزراعه فحاولت التخلص منه و ضر.به بزراعيها على ظهره وهي تصرخ بغضب =سيبني يا عمر احسنلك..بدل ما اصوت واعملك فضيحه.. لتبدء في الصراخ فعليا.. =إلحقون……أه لتقطع صراخها..بصرخة الم بعد شعورها بصفعه قويه تنزل على مؤخرتها وهو يقول بغضب =اخرسي..ايه انتي واخده الصريخ هوايه..كل ما اقرب منك تصرخي ثم انزلها في حوض الاستحمام وفتح المياه فوق رأسها وهو يقول بجديه =قدامك عشر دقايق تاخدي فيهم دوش وتخرجي تلبسي وتستعدي عشان انا كمان هاخد دوش بعدك علشان البس .. نظرت حبيبه له بغضب وهو يتابع ببرود ويده تفتح المزيد من ازرار قميصه.. =والا تحبي ناخد دوش مع بعض علشان نلحق نخلص بدري.. حبيبه بخوف وهي تراه يفتح اخر ازرار قميصه.. =لا ..لا طبعا ..استنى عندك انت بتعمل ايه.. عمر ببرود.. =خلاص انا هستناكي بره ولو إتأخرتي هادخل اخد حمامي معاكي … ثم تركها وتوجه للخارج في حين بدأت هي في التخلص من ثيابها والاستحمام بسرعه خو.فا من تنفيذ تهديده.. بعد قليل خرجت حبيبه وهي ترتدي رداء استحمام طويل يلفها بالكامل.. ونظرت اليه بغضب وهي تلاحظ استلقاء عمر براحه على الفراش وقد خلع قميصه واغمض عينيه فاقتربت منه بتردد وقالت بصوت مرتعش وهي تحاول الا تنظر اليه وهو مستلقي نصف عاري.. =عمر ..عمر ..انا..انا خلاص خلصت والحمام فاضي.. الا انه لم يستجب لها فاقتربت منه اكثر ومدت يدها بتردد تحاول هز كتفه وهي تقول بتردد =عمر انت نمت.. لتتفاجأ به يمد زراعه يسحبها فجأه يلقيها على الفراش وهو يحيطها بجسده وزراعيه.. ثم يقبل عنقها وهويستنشق عطر جسدها بقوه ثم قال بهدوء وهو يتأمل ملامح وجهها واصابعه ترسم ملامح وجهها بعش.ق =عملتي ايه في شغلك النهارده احكيلي.. حبيبه بتوتر وهي تحاول الابتعاد عنه .. =ابعد ايدك عني انا مش تحت امرك وروح لحبيبة القلب الي انت مقعدها في بيتك وياريت تفتكر ان احنا خلاص هنتطلق.. ابتسم عمر وهو يترك يده تجول برقه وتملك على حنايا جسدها ثم مد يده الى رباط ثوب استحمامها وهو يهمس فوق شفتيها بهدوء يحاول به مدارة غضبه وغيرته السوداء عليها.. =هتحكيلي والا نشغل الساعتين الي قبل الحفله دول في حاجه ممتعه اكتر.. حبيبه بارتباك وهي على وشك البكاء وهي تشعر به يبعثر مشاعرها ويتحكم بها رغما عنها.. =عاوزني احكي ايه بس.. قبل عمر شفتيها برقه وهو يقول بتملك.. =كل حاجه ..من اول ما دخلتي من باب الشركه لحد ما وصلتي هنا تنهدت حبيبه باستسلام وهي تقص عليه كل ما حدث معها طوال اليوم و هو يستمع اليها باهتمام ويوجه اليها المزيد من الاسئله..حتى انتهت وتفاجئت به يقول بحده.. =وياسر ده هيبقى شغلك معاه علطول.. حبيبه بدهشه من حدته =طبعا ..ماهو هو مهندس الديكور والمسئول عن الديكورات وانا المفروض هشتغل في التصميما.ت معاه عمر بجديه =يبقى انا لازم اقابله وفورا حبيبه بغضب.. =انا مش فاهمه انت عاوز تقابله ليه عمر بغضب =عاوز اقابله علشان مراتي هتشتغل وتقضي نص يومها معاه وعاوز اتطمن انه محترم ومش هيتعدي حدوده معاكي حبيبه باندفاع غاضب =اولا ياسر انسان محترم جدا ثانيا للمره المليون ملكش دعوه بيا ولا بشغلي ولا بصحابي ..مفهوم عمر بلهو وهو يقترب بعش.ق من شفتيها.. =مفهوم ..يا قلبي.. بس انا لازم اقابله برضه ثم تظاهر بانه سيقبلها فهمس فوق شفتيها التي ترتعش باستجابه بالرغم عنها =قومي يلا البسي.. حبيبه بصدمه وتشوش.. =ايه.. عمر ببرود .. =قومي..البسي…واجهزي.. المفروض احنا الي هنستقبل الضيوف نهضت حبيبه بعيدا عنه وهي ترتب ثيابها بارتباك في حين نهض هو الاخر وقال بهدوء وهو يتوجه للاستحمام.. =انا جبتلك فستان سهره من هدومك الي في القصر البسيه واستعدي علشان انتي الي هاتستقبلي الضيوف.. حبيبه بصدمه =هاستقبل الضيوف..طب ازاي وانا عمري ماعملت كده.. عمر بهدوء =متقلقيش انا جنبك وجدتي كمان موجوده الموضوع مش صعب هو عاوز بس ممارسه..يعني مره مرتين وهيبقى الوضع سهل بالنسبالك ثم تركها وبدء في الاستحمام في حين ارتدت حبيبه ثيابها الداخليه بسرعه وارتدت ثوب السهره الذي نظرت اليه باعجاب شديد بقصته الرقيقه التي تنسدل بروعه واحتشام فوق جسدها لتمرر يدها بانبهار على قماشته الحريريه والمطرزه بالكامل بحبات من اللولي متناهي الصغر والذي تتدرج الوانه وتمتزج بسحر مابين الاسود والفضي ثم ضغطت على شفتها وهي تحاول بتوتر اكثر من مره غلق سحاب فستانها فلا تستطيع لترفع عينيها فجأه تنظر الى المرٱه امامها لتتفاجأ بعمر يقف من خلفها يتأملها بابتسامه عاشقه ثم اقترب منها ومرر يده على ظهرها العاري يقبله بعش.ق ثم اغلق السحاب بهدوء وهو يديرها مره اخرى اليه يتأملها بحب ويده تنشر شعرها حولها باعجاب صارخ .. حبيبه بارتباك =الفستان ..الفستان حلو اوي.. عمر بعش.ق =لاء.. نظرت حببيه للمرٱه مره اخرى بدهشه =الفستان مش عاجبك فتح عمر علبه مخمليه حمراء وقال وهو يخرج منها عقد الماس رائع =الي لابسه الفستان هي الي عجباني ومحليا الفستان.. ثم قبل عنقها برقه وهو يضع عقد الماس حول عنقها .. مررت حبيبه يدها بخوف واعجاب على عقد الالماس وهي تقول بقلق =بلاش ياعمر الفستان جميل ومش محتاج حاجه معاه ابتسم عمر بتفهم ثم قال وهو يقبل معصمها ويضع سوار من الماس وخاتم يتبعان العقد .. =كملي لبسك يا بيبه ومتخافيش مش هيجراله حاجه ومتنسيش تلبسي دبلتك وخاتم جوازنا.. ثم تابع بهمس لم تسمعه =العقد وصاحب العقد فداكي وفدا عيونك يا حبيبه بس انتي ياريت تفهمي كده.. ثم تركها وتابع ارتداء ثيابه التي احضرها معه.. تتابعه اعين حبيبه خلسه باعجاب لينتهي بعد ان رش ملابسه بعطره المفضل ثم اقترب من حبيبه يتأملها باعجاب شديد بعد انتهائها من ارتداء حجابها..ثم لف زراعيه حول خصرها وهو يقول بتملك =جاهزه.. هزت حبيبه رأسها ايجابا وهي تستنشق عطره الممزوج برائحة جسده بنهم غريب ثم خرجت معه الى الخارج في الطريق الى القصر.. بعد قليل … وصلت حبيبه الى القصر الذي تفاجئت بحديقته ممتلئه بخلاصة المجتمع المخملي من رجال المال والاعمال وجمع من النساء التي ترفل في الغنى الفاحش.. توترت حبيبه وهي تقول لعمر بقلق =انت مقولتليش ان المكان هايبقى مليان كده لف عمر يده حول خصرها ثم قربها منه بتملك وهو يقول بهدوء =اتصرفي على طبيعتك انا جنبك و مش هسيبك حبيبه بارتباك.. =بس .. عمر بهدوء =مفيش بس..ابتسمي واهدي خالص انتي مرات عمر الرشيدي وكل الي حواليكي دول هما الي يتمنوا رضاكي..تعالي نسلم على جدتي ثم زاد من ضمها الى جانبه واقترب من جدته التي كانت تجلس الى احدى الموائد المقامه على ارض الحديقه .. قامت الجده واحتضنت حبيبه التي هرعت اليها واحتضنتها بسعاده لتقول الجده للجالسين معها بفخر.. =اعرفكم بحبيبه حفيدتي التانيه ومرات حفيدي عمر .. انهالت التحيات على حبيبه التي ابتسمت برقه ومجامله وهي تحييهم لتبتسم الجده وهي تقول لحبيبه بسعاده وبلهجه ذات معنى .. =روحي يا حبيبتي مع جوزك متسيبهوش لوحده اكيد عاوز يعرفك على اصحابه ومعارفه.. كادت حبيبه ان تنفي الا انها تفاجئت به يلف يده حول خصرها وهو يقبل وجنتها ويقول بمرح .. =تعالي يا بيبه واسمعي كلام جدتي وبلاش تسيبيني لواحدي احسن اتخطف منك.. ثم غمز لجدته بمرح وهو يأخذ حبيبه ويندمج بها وسط المدعوين في حين تمسكت حبيبه به وهي تكاد تلتصق به حتى مر بعض الوقت واندمجت قليلا ..قليلا في الاجواء من حولها يساعدها دعم عمر الشديد لها ومحاولة من حولها التقرب منها طمعا في كسب رضاء زوجها… الا ان ما عكر عليها صفو ليلتها هو ظهور جيلان في الحفل وهي ترتدي فستان ذهبي ذو قصة صدر منخفضه بدون حملات طويل ذو شق طويل بطول ساقها يلتصق على جسدها باغراء و كأنه جلد ثان لها وقد تحلت بمجوهرات ثمينه من الماس المجدول مع الذهب الاصفر.. اقتربت جيلان من حبيبه التي وقفت بعيدا تتأمل بعض الازهار النادره بانبهار فانتهزت فرصة انشغال عمر وابتعاده قليلا وتحدثه الى احد رجال المال فتأملتها بسخريه وهي تشير لعقد الماس الذي ترتديه حبيبه .. =هو عمر بيلبسك كمان من مجوهرات امه نادره هانم الله يرحمها..والا دا تقليد تحسست حبيبه العقد بصدمه وجيلان تتابع بابتسامه سامه حاقده.. =خدي بالك منه اصل الطقم الي انتي لابساه ده تمنه ملايين والي زيك متعرفش تتعامل مع حاجه غاليه اوي كده حبيبه بكبرياء =الي زيي يمكن متعرفش تتعامل مع عقد بملايين لكن على الاقل تعرف تخليها في نفسها ومتحشرش نفسها في الي ميخصهاش.. جيلان بصدمه .. =تقصدي ايه.. حبييه ببرود = اقصد ..ان ده عقد مامت جوزي الله يرحمها والي لبسهولي يبقى برضه جوزي حبيبي الي بيملك العقد ده انتي بقى داخلك ايه في كل ده.. نظرت لها جيلان بحقد ثم تلفتت حولها تتأكد من انه لا يوجد من يتطلع اليهم فقالت بحقد وهي تنزع العقد بعنف من حول عنق حبيبه وتلقيه ارضا ثم تسحقه بقدمها وتركله بعيدا =ابقي شوفي عمر هيعمل فيكي ايه بعد ما يشوف عقد امه متقطع ومتبهدل بالشكل ده.. شهقت حبيبه برعب وهي تجري في الاتجاه الذي ركلت جيلان العقد فيه وانحنت تبحث بجنون عنه ودموعها تسيل بخوف يكاد قلبها يتوقف من شدة الفزع وهي تجده ملقى بين الازهار وقد تحول لاشلاء متناثره.. فأخذت تجمعه بلهفه ثم جلست ارضآ تبكي بفزع وهي تفكر كيف ستواجه عمر فقررت الانسحاب الى داخل القصر قبل ان يراها احد وهي منهاره في الوقت ذاته وقفت جيلان بجانب عمر تتحدث معه ومع رفيقيه بثقه وارتياح حتى مر القليل من الوقت ونظر عمر بجانبه وبجانب جدته يبحث عن حبيبه الا انه لم يجدها بجوارها.. فاخرج هاتفه واتصل بها ..فسمع صوتها الباكي يأتيه بضعف.. عمر بقلق.. = مالك يا حبيبه في ايه.. حبيبه ببكاء وهي تتأمل العقد الممزق بين يديها =مفيش حاجه..اصل ..اصل ثم غرقت في موجة بكاء جديده عمر بلهفه = انتي فين يا حبيبتي.. حبيبه ببكاء = انا ..انا جوه القصر.. دخل عمر سريعا الى القصر فوجدها تجلس على احد الارائك في البهو وهي تبكي فاقترب منها سريعا واحتضنها بلهفه وهو يقول بقلق =في ايه يا حبيبتي. مالك بتعيطي ليه .. مدت حبيبه يدها اليه بخوف تظهر له العقد الممزق.. فعقد حاجبيه وهو يتناول العقد منها ثم جلس بجانبها ورفعها فوق ساقيه يحتضنها بحمايه وهو يمرر يده على ظهرها مهدئآ في حين انهارت هي في البكاء وهي تحتضنه بقوه.. =خلاص يا حبيبتى فداكي ..وان كان على العقد انا هاوديه يتصلح وهيرجع احسن من الاول.. رفعت حبيبه وجهها الباكي اليه بأمل وهي تقول بلهفه =بجد يا عمر ..هينفع يتصلح..انا ممكن اسحب بكره فلوس من البنك واروح اصلحه ..بس قولي الحاجات الي زي دي بتتصلح فين مسح عمربحنان دموع حبيبه وهو يقول بتطمين =لايا ستي الموضوع بسيط و مش مستاهل تسحبي فلوس من البنك انا هاوديه بكره للجواهرجي بتاعنا وهو هيتصرف.. ثم تابع بابتسامه حانيه =هو وقع من رقبتك وحد داس عليه.. حبيبه بغضب .. =لاء الست جيلان هي الي سحبته من رقبتي وداسته مش عاجبها ان انا البس عقد والدتك الله يرحمها.. ليرتفع صوت جيلان فجأه وهي تدخل بغضب =انتي ازاي بتكدبي كده..على فكره انا كنت واقفه مع عمر طول الوقت يعني هو اول واحد عارف انك بتكدبي وقفت حبيبه وابتعدت عن عمر وهي تقول بغضب =انتي كدابه..انتي الي سحبتي العقد من حوالين رقبتي ودهستيه برجلك .. جيلان وهي تمثل الحزن وقد سالت دموعها ببكاء كالحيات =سامع مراتك بتقول ايه ياعمر قولها..قولها ان انا كنت معاك طول الوقت وان كلامها ده كله كدب .. ثم تابعت ببكاء كاذب.. =تلاقيها هي الي عملت كده في العقد علشان توقع بينا وتخليك تنهي علاقتك بيا .. حبيبه بصدمه =انتي كدابه ..واكيد في كاميرات هنا راجعها..راجعها ياعمر علشان تتأكد انها هي الي بتكدب عليك الا ان عمر صرخ فيها فجأه بغضب =خلاص يا حبيبه..العقد هيتصلح وانتهينا.. ثم اقترب من جيلان امام اعين حبيبه المصدومه وقال برقه وهو يمسح دموعها =انا اسف يا جيلان اكيد حبيبه متقصدش ..اتفضلي انتي اطلعي للضيوف و انا شويه وهاجي وراكي نظرت جيلان لحبيبه بانتصار وشما.ته ثم توجهت للخارج بابتسامه سعيده منتصره.. في حين نظرت حبيبه لعمر وهي تقول بغير تصديق ودموعها تسيل بدون توقف.. =يعني انا الي بكدب مش كده..انا الي قطعت العقد ..علشان افرق بين الحبيبين صح حاول عمر الاقتراب منها الا انها نفضت يده بعيدا عنها وهي تقول بانهيار = لما انت بتحبها اوي كده ..بتعمل معايا كده ليه..عاوز مني ايه ..لسه بتنتقم ..كل الي عملته فيا ده ومكفكش ولسه بتنتقم ثم انهارت في البكاء وهو يحتضنها ويحاول تهدئتها وهو يقول بتوتر =اهدي يا حبيبتي واسمعيني انا هافهمك الا انها ظلت تصرخ فيه وهي تضر.ب صدره بانهيار وتحاول الابتعاد عنه =بطل كدب بقى ومتقولش حبيبتي انا مش حبيبتك ..حبيبتك لسه خارجه بره سيبني في حالي بقى وروحلها كفايه انا تعبت ..والله تعبت ومبقتش قادره حرام عليك ..كفايه ..كفايه ثم انهارت في موجة بكاء قويه جعلتها تفقد الوعي بين يديه وهو يصرخ باسمها بخوف ولوعه…. الفصل التاسع عشر سيد_ القمر _ الاسود في صباح اليوم التالي.. فتحت حبيبه عينيها بتعب وهي تنظر للغرفه بدهشه تعقد حاجبيها بتفكير تحاول التذكر لما تنام في غرفة عمر و على فراشه ..لتهاجمها فجأه ذكرى ما فعله معها عمر في الحفل و جرحه واهانته لها امام محبوبته فحاولت النهوض بغضب لتتفاجأ بسيده محجبه في الثلاثينات من عمرها تنهض بسرعه من على مقعد بجوار الفراش تربت على كتفها بلطف وتحاول اعادتها للاستلقاء مره اخرى وهي تقول بابتسامه هادئه = حمد الله على السلامه ياحبيبه هانم ياريت متقوميش بسرعه علشان متدوخيش نفضت حبيبه يد السيده بعيدا عنها بعنف وهي تنهض من على الفراش وتحاول مقاومة نوبه من الدوار المفاجئ إستبدت برأسها فاستندت على حافة الفراش وهي تقول بصوت ضعيف غاضب .. =انتي مين.. وبتعملي ايه هنا السيده بهدوء وهي تناولها كوب من الماء مذاب فيه قرص من الدواء الفوار = إشربي ده هيخفف الدوخه شويه ضر.بت حبيبه يد السيده التي تحمل الكوب بعنف فألقت الكوب ارضا فتحطم بعنف و تناثر على الارض وهي تقول بغضب والدوار يشتد برأسها = أنا مش عاوزه اشرب حاجه انا عاوزه امشي من هنا.. السيده بتوتر =حاضر ..بس نبلغ عمر بيه الاول انك فوقتي الاول.. صرخت حبيبه بها بغضب وقد بدأت تشعر باهتياج شديد = ولا عمر بيه ولا زفت انا همشي من هنا والا هطلب لكم البوليس وهقول انكم خاطفيني ليرتفع فجأه صوت عمر الذي قال بهدوء = اتفضلي انتي يامدام أمل .. جدتي مستنياكي تحت.. إنسحبت السيده من الغرفه سريعا ثم اغلقت الباب من خلفها في حين انتظرها عمر حتى اغلقت الباب ثم قال بهدوء حذر = مش عيب لما واحده المفروض انها كبيره ومحترمه تقف تشتم جوزها بالشكل ده و قدام واحده غريبه ثم اشار للزجاج المتناثر في المكان وتابع ببرود = وايه الازاز ده ..ايه اتجننتي و كنتي بتتعلمي الرمايه في اوضة النوم.. نظرت حبيبه له بغضب وهي تتذكر ما فعله معها بالامس فقالت بغيظ.. = تصدق انك مش بس زفت لا دا انت بارد ورخم ومتتطقش وخد علشان ابقى اتجننت بجد ثم بدأت بسحب الهاتف من على الخزانه الصغيره التي بجوار الفراش وألقته عليه بعنف تبعه الابريق الزجاجي الذي كاد ان يصيب رأسه الا انه تجاوزه بسرعه ليقع بجانبه ارضا ويتفتت لاجزاء صغيره من حوله فتبعته بوحدة الاضائه فالادويه الخاصه بها ثم الوسائد والغطاء وهي تصرخ بغيظ وهي تراه يتفادى بسهوله شديده ما.تلقيه عليه فإتجهت لخزانة الزينه في محاولة اخيره منها لإلقاء ماعليها نحوه.. الا انها تفاجأت به بجوارها يقيدها بزراعيه يلفهم من حولها وهي تحاول ضر.به ومقاومته وهو يقول بهدوء.. =كفايه كده يا حبيبه انا سيبتك تعملي الي انتي عاوزاه علشان تطلعي طاقة الغضب الي عندك ..بس كفايه لحد كده.. الارض مليانه إزاز وممكن تتعوري.. حاولت حبيبه التملص منه بعنف وهي تقول بغضب =ايه خايف عليا اوي يا بجحتك يا اخي ثم حاولت ابعاد يده عنها وهي تتابع بغضب = إبعد ايدك عني متلمسنيش ..انا بكرهك فاهم بكرهك ومش طايقه اشوف وشك .. طلقني.. لو عندك كرامه تطلقني دلوقتي حالا ثم بدأت بركله بقدمها بغضب وهو يقول بهدوء محاولا امتصاص غضبها.. = حاضر ..هطلقك وهعملك كل الي انتي عوزاه بس اهدي ..كده مش كويس علشانك.. توقفت حبيبه عن المقاومه ثم قالت وهي تنظر اليه بتحدي ودموعها تسيل على وجنتيها بالرغم عنها = هتطلقني وهتجيب المأذون و دلوقتي حالا .. مرر عمر يده على وجهها يزيل دموعها بحنان وهو يقول بتعب =حاضر .. حبييه بشحوب = حاضر ايه.. مرر عمر يده في شعره وهو يقول بتعب.. = حاضر هتصل بالمأذون وهطلقك ودلوقتي زي ماإنتي عاوزه.. تجمدت حبيبه فجأه وهي تقول بوجع ودموعها تسيل بالرغم عنها = بالسهل كده..هتطلقني ..طبعا علشان تفضى لحبيبة القلب .. مش كده ثم تابعت بألم وهي تمسح دموعها بوجع = بس عارف انا مش زعلانه انا متأكده إن كده احسنلي .. انتوا الاتنين ليقين على بعض كفايه اوي سواد قلوبكم والقسوه وقلة الرحمه الي ملياه عمر بغضب =خلاص يا حبيبه كفايه غلط لحد كده انتي طلبتي الطلاق وانا وافقت .. يبقى خلصنا ثم تفاجأت به يحملها ويضعها بجانب باب الحمام وهو يقول بجديه = ادخلي خدي دوش وغيري هدومك لحد ما الخدامين ينضفوا الكارثه الي انتي عملتيها وانا هتصل اجيب المأذون الي هيطلقنا زي ما انتي طلبتي .. نظرت اليه حبيبه بصدمه وهي تستشعر جديته في التخلص منها و في اتمام إجرائات الطلاق… فاسرعت بالدخول الى الحمام حتى لاتنهار امامه وهي تحاول السيطره على دموعها حتى اغلقت الباب من خلفها باحكام و انهارت في البكاء ارضا وهي ترتعش بصدمه تكاد لا تصدق السهوله الشديده التي تخلى عنها بها.. لا تدري كم من الوقت مر عليها وهي تبكي بألم حبها وعش.قها ومستقبل شيدته في احلامها برفقة من تعش.قه حد الجنون الا انه إنهار بلمح البصر وعلى يد من عش.قته حد الجنون .. لتنتبه فجأه على صوت خبطات قويه على باب الحمام وصوت عمر يقول بقلق شديد.. = حبيبه مبترديش عليا ليه ..انتي كويسه .. نهضت حبيبه وهي تمسح دموعها بعزم تحاول تقوية نفسها وهي تقول بارتعاش = انا…انا كويسه ..خمس دقايق وهخلص واخرج.. ثم تابعت تحدث نفسها بألم.. = مستعجل اوي علشان تخلص مني ياعمر ثم تابعت بوجع = يلا ياحبيبه قومي هو مش اول ولا اخر واحد يبيعك وببلاش.. الظاهر كده دا نصيبك تعيشي وتمو.تي لوحدك ثم تحاملت على نفسها وخلعت ثيابها ووقفت تحت المياه بسكون علها تغسل ولو قليلا من دموعها و وألامها بعد قليل… خرجت حبيبه من الحمام لتتفاجأ بعمر ينتظرها .. فرفعت حاجبها بدهشه وهو تراه يلف يده حول خصرها ويجلسها على الاريكه ويجلس بجانبها وهو يرفع الغطاء عن الطعام الموجود على المائده أمامهم ويقول بندم وهو يلاحظ انتفاخ عينيها واحمرارهم من اثر البكاء = خلينا نقعد نفطر الاول وبعدين ننزل .. حبيبه مقاطعه بدهشه = نفطر..نفطر ايه انت مجنون عاوزني اقعد افطر معاك وبعدين نروح نتطلق.. عمر ببرود = ايوه هتفطري وتشربي العصير و بعدين هنروح نتزفت..اتفضلي افطري و مش عاوز اعتراض.. ليتابع بجديه اثارت دهشتها = في فطار يبقى في طلاق.. مفيش فطار يبقى مش مطلق واعملي الي انتي عوزاه.. حبيبه بدهشه غاضبه = انت سامع انت بتقول ايه… دا كلام ناس مجانين .. انا قايمه ماشيه من هنا ثم حاولت النهوض بغضب الا انها توقفت وهي تستمع اليه يقول بصوت مخي.ف شديد الصرامه = اقعدي افطري ياحبيبه والا اقسم بالله هتشوفي مني وش هيندمك على كل الكلام الفارغ الي قاعده تقوليه من الصبح.. يلا كلي ..افتحي بوقك.. ابتلعت حبيبه ريقها بخوف وهي تفتح فمها لا اراديا وهو يطعمها بيده عدة مرات ثم قال بغضب وهو يعطيها حوب من عصير البرتفاة الطازج.. =اشربي العصير .. تناولت حبيبه الكوب بسرعه وحاولت شربه الا انها توقفت فجأه ودموعها تسيل وهي تقول بتأفف شديد = مش قادره العصير ده ريحته وطعمه وحش اوي.. تناول عمر الكوب من يدها ثم تشممه وهو يقول بدهشه = ريحته وحشه…وحشه إزاي .. ثم تابع بحيره.. العصير مفيهوش حاجه وريحته وطعمه كويسين ثم انتبه وهو يقول فجأه أه..فعلا عندك حق هو فعلا ريحته وطعمه مش كويسين ..طيب تحبي اخليهم يجبولك عصير ايه.. حبيبه بغضب وتأفف مش عاوزه حاجه وبعدين احنا رايحين نتطلق وانت عمال تأكلني وبتسئلني عن العصير .. عمر بارتباك.. عادي ..ماهو انتي لازم تفطري على الاقل عشان اضمن انك مش هتقعي من طولك و يغمى عليك انا مش فاضي للدلع بتاعك .. تركت حبيبه المائده وهي تقول بارتعاش متخافش انا مش هيغمى عليا تاني ..بس ياريت تتفضل وتجيب المأذون وتخلصني علشان ارجع لبيتي وشغلي.. نهض عمر وتأملها وهو يلعن نفسه لتسببه الدائم في ايلامها حتى وهو يحاول حمايتها ليقول بندم … طيب يلا بينا ..المأذون مستنينا تحت.. هزت حبيبه رأسها بألم وهي تتقدم امامه في طريقها للاسفل .. جلس عمر بجوار حبيبه النائمه في الفراش يتأمل ملامحها المتعبه بندم شديد تتخلل اصابعه شعرها بحنان وعقله يعمل في عدة اتجاهات .. ثم تنهد بتعب وهو يميل على حبييه النائمه يحتضنها اليه بتملك وحمايه شديده ويده تمر على جسدها يدلكه برفق شديد وهو يقبل اعلى رأسها بندم ليرتفع فجأه صوت دقات هادئه ثم تبعها دخول جدته التي دخلت بهدوء ثم قالت بصرامه = عمر انا مستنياك في اوضة مكتبك ياريت تحصلني تنهد عمر بضيق وهو يعلم طبيعة الحديث الذي تريد جدته ان تحدثه فيه فمال على جبين حبيبه النائمه يقبلها بحنان وهو يحكم الغطاء من حولها جيدا ثم يغلق الباب من خلفه بهدوء شديد ثم تبع جدته الى غرفة المكتب ليجد جدته تجلس على مقعد مريح وهي تستند على عصاها وتتأمله بغضب ثم تقول بجديه.. = ممكن تفهمني انت قاعد جنبها بتعمل ايه .. اظن كفايه اوي كده وتسيبها في حالها احسن .. عمر بغضب واستنكار =أسيبها..انتي بتقولي ايه الجده بغضب مماثل = الي سمعته واظن كفايه مرمطه وبهدله في الغلبانه دي لحد كده .. عمر بصوت خفيض وهو يحاول السيطره على غضبه.. = حبيبه مراتي ومش هاسيبها وانا مش صغير يا جدتي وعارف انا بعمل ايه الجده بغضب = وانا كمان مش صغيره يا عمر وحبيبه مسئوله مني ومش هسمحلك تبهدلها معاك اكتر من كده عمر بغضب مكتوم = والمطلوب الجده بصرامه = تطلقها.. عمر بصرامه اشد = لاء.. ثم اشار لها بالصمت وهو يقول بجديه =وقبل ما تكملي كلامك ..اعرفي ان ده الموضوع الوحيد الي كلامك فيه هايخليكي تخسريني نظرت له الجده بتفكير ثم قالت بهدوء.. = للدرجادي.. عمر بجديه = ايوه للدرجادي واكتر كمان..فياريت بلاش تتكلم تاني في الموضوع دهعلشان متخسرنيش الجده بتصميم = طيب على الاقل فهمني..الي بيحصل ده تبريره ايه.. عمر بحزم.. = انا مش هقدر ابررلك اي حاجه دلوقتي بس ياريت تثقي فيا وتعرفي اني مبعملش اي حاجه من غير سبب الجده بجديه =يبقى على الاقل تجاوبني وبصراحه بتحبها.. عمر بهدوء = جدا..واكتر ما انتي ممكن تتخيلي تنهدت الجده وهي تقول بحيره = وانا مصدقاك يا عمر بس ياريت تفكر هتعمل معاها ايه لما تفوق لاني حاسه ان المره دي هتبقى غير كل مره .. ثم توجهت بتعب الى لباب الغرفه..الا ان صوت عمر المتردد استوقفها = جدتي…. إلتفتت الجده تنظر اليه بتساؤل =حبيبه حامل.. نظرت الجده اليه بصدمه ثم قالت بلهفه وهي تكاد ان تترنح =ايه..انت بتقول ايه..انت بتتكلم بجد.. حبيبه حامل.. اشار لها بالهدوء وهو يسرع اليها يسندها وهي تتابع بفرحه هيستيريه وعينيها ممتلئه بدموع الفرحه = بجد ..بجد يا عمر حبيبه حامل ..يا حبيبتي ..انا عاوزه املا الدنيا زغاريد بس..بس مبعرفش.. ثم تابعت بفرحه شديده = حبيبه حامل..الحمد لله..الحمد لله عمر بجديه.. = اهدي بس يا جدتي واسمعيني..انا مش عاوز اي حد يعرف بالحمل ده ولا حتى حبيبه نفسها.. الجده بدهشه = ايه..مش عاوز تعرف حد ولا حتى حبيبه طب إزاي ثم تابعت بعتب = ليه كده يا ابني.. دي اول فرحتنا انا مبقتش فهماك عمر بهدوء =معلش دا لمصلحتنا ولمصلحة حبيبه .. ثم تابع وهو يجلس جدته خو.فا عليها وهو يراها ترتعش من شدة الانفعال والفرحه = انا عارف انك بتثقي فيا وهاتسعاديني عشان احمي حبيبه واحمي حفيدك كمان.. الجده بقلق = تحميهم من ايه بس .. ما تفهمني فيه ايه رفع عمر يديها يقبلهم بحب ثم قال بجديه = متخافيش ياست الكل انا عارف انا بعمل ايه كويس …المهم عاوزك تساعديني وتنفذي الي هطلبه منك الجده بحماس = طبعا..قولي انت عاوزني اعمل ايه وانا هنفذه علطول..اهم حاجه حبيبه وحفيدي يبقوا كويسين ضحك عمر ثم قال بهدوء = اسمعيني كويس ..الحمل لسه في اوله يعني مكملش حتى شهر والدكتور حلل لها تحليل معقد شويه لما شك انها ممكن تكون حامل يعني حبيبه لسه مش هتحس بيه والا هيبان عليها دلوقتي خالص الا في تغيرات بسيطه.. الجده بدهشه =طب ما بعد كده هي اكيد هتحس وهتعرف.. طيب مانقول لها ونأكد عليها انها متقولش لحد عمر بهدوء = مينفعش ..حبيبه طيبه وهيبان عليها وكده الخطر ممكن يتضاعف عليها لو عرفوا انها حامل وشايله ابني جواها.. الجده بخوف .. = خلاص انا مش هقول حاجه ولا حتى لحبيبه المهم تبقى بخير وكويسه.. ثم تابعت بلهفه =وانت يا حبيبي خلصنا من القرف ده كله انا حاسه اني بقيت خايفه ومرعوبه.. رفع عمر يدها وقبلهم مره اخرى وهو يقول بثقه =متخافيش يا ست الكل انا موجود ولو حكمت انا افديكم بحياتي ثم تابع بجديه = اسمعي بقى انا عاوزك تعملي ايه.. ابتسمت الجده وهي تستمع اليه باهتمام شديد قبل ساعه من الان … جلس عمر يتناول طعام الافطار بجانب جيلان التي تأنقت بشده وهي مازالت تشعر بلذة الانتصار وقرب تحقيقها لهدفها من بعد الذي قام عمر به مع حبيبه وقد بدئت تشعر بصحة حديث صادق بأن حبيبه لاتمثل اي اهميه لعمر وانه يقضي وقته معها للتسليه ليس الا… جيلان بدلال وخب.ث.. = أومال حبيبه فين مش شيفاها هي لسه زعلانه والا ايه.. عمر بعدم اهتمام = وتزعل من ايه ..المفروض تحمد ربنا اني عديت كدبها ومعاقبتهاش عليه.. ثم اضاف بصرامه مخي.فه وهو ينظر في عينيها .. = إنتي عرفاني مبتسامحش مع الي يكدب عليا حتى ولو بحسن نيه فتخيلي المفروض اعمل ايه في الي بيكدب وهو قاصد يئذيني جيلان بارتباك = يئذيك. يئذيك إزاي يعني ابتسم عمر بجاذبيه وهو يشرب قهوته ويتراجع للخلف يتأملها بهدوء = مش كذبت علشان كانت عاوزاني اطردك واخسرك يبقى أكيد كانت عاوزه تئذيني .. تنفست جيلان براحه و ابتسمت وهي تقول بسعاده = بس انت كشفتها علطول انا كنت خايفه اوي انك تصدقها.. ثم تابعت بدلال.. =انا مش عارفه كان لازمتها ايه انك تربط نفسك بيها وتتجوزها اهي بقت لازقالك في كل مكان واستحاله طبعا تسيب كل ده وترضى تبعد عنك عمر بهدوء = القرار مش قرارها ..القرار قراري انا.. و انا خلاص زهقت وهابعت اجيب المأذون النهارده.. هاطلقها واخلص من القصه دي كلها.. جيلان بسعاده شديده .. = بجد يا عمر ده اسعد خبر سمعته في حياتي عمر بابتسامه جذله = طيب انا هطلق مراتي انتي بقى فرحانه اوي كده ليه.. اقتربت منه وهي تمرر اطراف اصابعها على يده باغراء = يعني مش عارف ياعمر.. رفع عمر يدها وقبلها وهو يقول بجاذبيه = طبعا عارف و.فاهم واوعدك اخلص من موضوع حبيبه ومن المناقصه المهمه الي انا داخلها بعد شهر من دلوقتي وبعدها لازم ها تاخدي المكانه الي انتي تستحقيها.. جيلان بابتسامه ماكره .. = ياه وقد كده المناقصه دي مهمه بالنسبالك علشان تأجل ارتباطنا علشانها عمر بهدوء ماكر.. = المناقصه دي مهمه ..ومهمه جدا كمان ..بس انتي ادعي ان انا اكسبها وساعتها هتنقلني وتنقلك لحته تانيه خالص.. لمعت عيون جيلان بطمع.. = إزاي يعني.. عمر وهو يمرر اصابعه في شعرها بغوايه = يعني يا جيجي ..ساعتها مراتي حبيبتي هتتنقل من مرات اكبر رجل اعمال في مصر والشرق الاوسط.. لمرات رجل اعمال من اكبر رجال الاعمال على مستوى العالم وساعتها ثروتنا هتبقى على الاقل اكبر بعشر اضعاف دا غير طبعا النفوذ الي هتبقى بتتمتع بيه بما انها مراتي شهقت جيلان بندم وعقلها يستعيد اتفاقها الخاسر مع صادق والذي قررت ان تخالفه طمعا في المال والنفوذ ثم قالت بلهفه = هتكسبها يا عمر انا متأكده انك هتكسبها .. تناول عمر المزيد من قهوته ثم ابتسم وهو يقول بثقه = طبعا هكسبها..طول ما انتي جنبي ومعايا اكيد هكسبها.. ابتسمت جيلان بسعاده وهي تقرر ان تلغي اتفاقها مع صادق فهي لم تعد في حاجه اليه ولكن مايقلقها هو رد فعل صادق على نقضها اتفاقها معه لكنها ستفكر في مخرج وستنفذه… في الوقت الحالي … جلست حبيبه بوجه شاحب في غرفة مكتب عمر وهي تحاول منع دموعها من الانهمار وهي تشاهد بألم عمر يجلس بجوار المأذون في انتظار بدء اجراءات الطلاق المأذون بهدوء = لوسمحت قسيمة الزواج والبطايق بتاعتكم .. ناوله عمر الاوراق الخاصه بهم وهو يراقب حبيبه الصامته ووجها الشاحب بشده.. فلم يشعر الا وهو بجانبها يربت على كتفها بقلق ويقول بتوتر = حبيبه انتي كويسه ..اجيب دكتور لو تحبي احنا ممكن نأجل كل حاجه لوقت تاني.. هزت حبيبه رأسها برفض وهي تقول بصوت خفيض = انا كويسه ..خليه يكمل.. ليبدء المأذون في تسجيل بياناتهم حتى انتهى وقال بهدوء بعد ان القى اليهم ببعض النصائح التي يحثهم فيها على الصلح والتراجع عن الطلاق..ثم تابع بأسف = ارمي يمين الطلاق عليها يا سيد عمر وقول… ليرتفع فجأه صوت الجده وهي تصرخ بصدمه و تضع يدها على قلبها بألم .. = عمر حبيبه انتم بتعملوا ايه.. والراجل ده بيعمل ايه هنا.. نظر عمر بقلق الى حبيبه التي جرت الى الجده تسندها قبل ان تقع في حين جرى هو الى جدته يحملها و يمنعها من الدخول وهو يتجه بها الى غرفتها و يقول بتوتر.. = مفيش حاجه يا جدتي دا ..دا .. الجده بصوت ضعيف وواهي =دا ايه يا عمر اوعى تكون هتتطلقوا دا انا امو.ت فيها …. نظر عمر لحبيبه ثم اشار لها بالصمت وهو يقول بمرح زائف = اطلقها ايه بس ..حد يطلق حياته ثم اراحها على الفراش وهو ينظر بتحذير لحبيبه التي كانت على وشك تكذيب حديثه .. اشارت الجده لحبيبه بالاقتراب ثم احتضنتها بحنان فإنهارت حبيبه في البكاء وهي تحتضنها.. الجده بغضب.. = اومال حبيبه بتعيط ليه لما مافيش حاجه ومين الراجل الي كان قاعد معاكم وكان بيتكلم عن الطلاق ليه.. اشار عمر لجدته في الخفاء ان تحاول ان تهدئتها ..ثم اجاب بسرعه.. = دا واحد صاحبي وكنت بتكلم معاه عن طلاق واحد صاحبنا حتى اسئلي حبيبه ثم تابع بسرعه = وبصراحه بقى حبيبه بتعيط علشان اكتشفت انها حامل وكانت خايفه ان الحمل ده ممكن يأثر على شغلها الي لسه بدئاه.. نظرت حبيبه له بدهشه وهي تصرخ مع جدته في وقت واحد.. = ايه.. اقترب عمر من حبيبه ثم سحبها وضمها بين زراعيه وهي تحاول مقاومته بغضب وهو يهمس لها بتحذير = وافقيني دلوقتي على اي كلام هقوله علشان خاطر جدتي ولما نطلع اوضتنا هنتفاهم سوى نظرت حبيبه له بغضب والتفت الى جدته تحاول شرح حقيقة ماحدث الا انها تفاجأت بالجده تبكي من شدة الفرح وهي تنهض من على الفراش وتقول بسعاده = الف مبروك يا حبيبتي دا اسعد يوم في حياتي ثم احتضنتها وهي تقول بحنان =ومتخافيش انا وكل الي هنا هنساعدك في تربيته يعني مفيش حاجه هتعطلك عن شغلك ولا مستقبلك… حبيبه بقلة حيله = انتي مش فاهمه انا يا ماما .. ابتسمت الجده وهي تقول بسعاده = لا انا فاهمه كل حاجه ..انتي لسه صغيره وخايفه من الحمل والمسئوليه بس ولا يهمك انا معاكي وهساعدك في كل حاجه ثم تابعت بقلق =ها انتي فطرتي والا لسه.. عمر بمرح = لا لسه كلت لقمتين صغيرين وقالت شبعانه.. الجده بلوم .. = وكده ينفع برضه لا من هنا ورايح انا الي هاخد بالي من اكلك وكل حاجه تخصك ثم قالت بأمر = عمر خليهم يحضروا لينا الفطار تحت في الجنينه علشان انا وحبيبه نفطر سوى .. ثم تابعت بحزم = يلا مستني ايه. نظرت حبيبه لعمر بغضب وهي تتبع الجده للخارج باستسلام في حين ابتسم عمر بحنان وهو يتأمل غضبها المكتوم وهي تمشي بقلة حيله مع جدته ليبتسم وهو يسترجع حديثه مع جدته في وقت سابق الجده بحيره = طيب وانت هتستفيد ايه لما تفهم حبيبه بالكدب انك خلاص هتطلقها مش كده ممكن تزعل ويبقى في خطر عليها وعلى الي في بطنها.. عمر بجديه.. = انا هتبقى عنيا عليها يا جدتي متقلقيش .. والي هعمله ده شر لابد منه ..هي دلوقتي مجروحه مني ومن الي حصل امبارح وموضوع طلاقنا ده هيهديها شويه هيخليها تحس انها خدت موقف ودافعت عن كرامتها. حتى لو كان الطلاق مش هيتم علشان انتي هتتدخلي زي مافهمتك .. بس هتحس انها خدت موقف وان كرامتها محفوظه .. ثم تابع بجديه =كمان انا عاوز اوصل للي عاوزين يئذوها اني هطلقها وانها متهمنيش علشان على الاقل يبعدوا عنها لحد ما اقدر اخلص منهم كلهم وارتاح الجده بقلق = بس برضه انا خايفه عليها دي حامل ومضغوطه من المشاكل الي حواليها وكمان دي متعرفش انها حامل يعني لا هتعرف تاخد بالها من نفسها ولا من اكلها و لا شربها ولا انا كمان هعرف اخد بالي منها.. ابتسم عمر وهو يقول بمكر =ومين قال انك مش هتعرفي تاخدي بالك منها.. الجده بدهشه = مش انت قلت انك مش هتعرفها انها حامل يبقى هاخد بالي منها إزاي.. عمر بهدوء = هقولك إزاي …إسمعيني كويس ليعود عمر الى الواقع وهو يقول براحه.. =وبكده ضمنا ان جدتي تاخد بالها من حبيبه من غير حبيبه ما تشك في حاجه.. ثم تابع بغضب وقسوه أفوق انا بقى للكلاب الي ببحاولوا ينهشوا فيا وفي الي يخصوني.. ثم تناول هاتفه وبدء في اجراء عدة اتصالات هامه.. بعد قليل .. خرج عمر الى الحديقه ليجد جدته تجلس برفقة حبيبه الى احدى الموائد التي وضعت تحت ظلال شجره كبيره وارفه وهي تحسها على شرب كوب كبير من اللبن و حبيبه تشربه بصعوبه حتى لا تغضب الجده ليقترب منهم عمر وهو يضحك ويميل على وجنة حبيبه يقبلها بحنان وهو يقول بمرح ويضع هاتفها في يدها يحاول كسب رضاها.. = هتروحي الشغل ..والا هتاخدي اجازه النهارده.. حبيبه بتحدي =هاروح الشغل طبعا..ايه عندك اعتراض عمر بابتسامه هادئه = ابدا وهعترض ليه..انا بس كنت عاوز ابلغك ان في عربيه بالسواق بتاعها هيبقوا خاصين بيكي هايوديكي ويجيبك من الشغل كل يوم .. حبيبه بتبرم .. =متشكره اوي ..انا هاخد تاكسي.. انا واخده على كده الجده باعتراض =وليه يا حبيبتي تمرمطي نفسك في المواصلات والتاكسيات وبعدين السواق بتاعنا هياخد باله منك و من المطبات وهيمشي بالراحه علشان حملك يتم بسلام .. ثم تابعت وهي تربت على يدها بحنان وعمر يتابع بتسليه حبيبه التي احمر وجهها من شدة الغيظ وهي تنظر اليه بغضب .. = اسمعي كلام جوزك يا حبيبتي دا خايف عليكي.. ثم تابعت وهي تنظر لعمر بعتاب.. = وبعدين طالما انت موجود ما.توصلها للشغل وخلي السواق لليوم الي انت مش موجود فيه .. حاولت حبيبه الاعتراض الا انها تفاجأت بيد عمر تلتف حول خصرها وهو يقول بمرح .. = حاضر ..عولم وينفذ يا افندم.. ثم مال يهمس على اذن حبيبه.. = ابتسمي وافردي وشك وتعالي معايا احنا محتاجين نتكلم.. فنظرت له بغيظ وهي تبتسم بغضب ثم تميل على وجنة الجده تقبلها برقه.. والجده تبتسم بسعاده وهي تقول باهتمام = متنسيش سندوتشاتك ياحبيبتي كوليهم كلهم واوعي تاكلي اي حاجه من بره انا حطالك عصير كمان.. اخذت حبيبه صندوق الطعام الصغير المعد مسبقا..وهي تقول بارتباك… = حاضر ..هاكله كله.. ثم مشت مع عمر وهو يضحك بمرح وهو يستمع الى دمدمتها الغاضبه حتى ركبت السياره وانفجرت فيه بغضب = انت بتضحك على ايه..مش حرام عليك جدتك الي كدبت عليها مش حرام تكس.ر فرحتها لما تعرف الحقيقه ..تقدر تقولي هتواجهها ازاي وهتقولها ايه.. قاد عمر السياره بهدوء ثم نظر لها ببرود = ملكيش دعوه انا هتصرف معاها وعارف انا هقولها ايه بالظبط.. حبيبه بغضب = اه طبعا ماهو عادي عندك وطبع فيك ترفع الواحد لسابع سما وبعدين ترميه لسابع ارض..لكن انا مش هاسمح بالكدب ده انا هقولها على كل حاجه مش هخليك تكس.ر بخاطرها ابدا.. عمر بغضب = انتي مجنونه والا ايه ..فاكره نفسك هتحبيها اكتر مني .. ثم تابع بغضب =انا كنت مضطر اقولها كده ..مش شايفه بنفسك انها كانت هتتعرض لازمه قلبيه لما عرفت اننا هنتطلق.. وبعدين موضوع حملك ده حتى لو كدب هيرفع من حالتها النفسيه خصوصا ان الدكاتره بيقولوا انها ممكن تحتاج لعمليه كبيره في القلب حبيبه بخوف وقد نسيت مشكلتها الرئيسيه .. =عملية ايه .. مش الدكاتره قالوا ان حالتها مستقره.. نظر عمر لها وقال بهدوء = ايوه حالتها مستقره بس اي انفعال او زعل ممكن يتسبب في تدهور حالتها ويخلينا نحتاج نعملها عمليه حبيبه باختناق وقد سالت دموعها ان شاء الله مش هنحتاج لاي عمليات بس دي عاوزاني ارجع اعيش معاكم علشان تاخد بالها مني ..وعاوزاني اجهز واصمم اوضه للبيبي وفرحانه وقاعده تديني اقتراحات وبصراحه انا مش هقدر انفذ اي حاجه من الي هي عوزاني اعملها.. عمر بجديه .. = لو بتحبيها وخايفه عليها هتنفذي الي هي عوزاه منك حبيبه باعتراض.. =يعني عاوزني ارجع اعيش معاك تاني انت نسيت الي حصل امبارح ونسيت ان احنا كنا خلاص هنتطلق.. عمر بجديه.. = لا منسيتش ..بس برضه مصلحة جدتي تهمني.. والمفروض انها تهمك برضه.. حبيبه بغضب = انت عارف انها تهمني واني انا بحبها زي امي واكتر ..بس الي انت عاوزه مني ده كتير.. عمر بصرامه = ايه الي كتير يا حبيبه انتي هتعيشي معايا شهر اواتنين بالكتير هتمثلي فيهم اننا رجعنا لبعض وانك حامل واظن الدلع والاهتمام الي هتشوفيهم منها مش هيئذوكي في حاجه.. ثم تابع بغضب = وان كان على اوضة البيبي الي هي عاوزكي تعمليها ..اظن انك قبل كده كنتي طالبه انك تغيري القصر كله فمش مشكله لو عملتي اوضه للاطفال علشان ترضي جدتي.. حبيبه بغضب = انا كنت هغير القصر على ذوقي لما كنت فكراه هيبقى بيتي لكن دلوقتي لاء.. ثم تابعت بغيره = ابقى خلي حبيبة القلب هي الي تغيره لكن انا لا هغير حاجه ولا هعمل اوضه للبيبي وده اخر كلام.. ثم همست لنفسها بألم وهي تنخيل جيلان حامل بطفل عمر =انا مش هصمم اوضه لابن واحده تانيه غيري صمت عمر قليلا ثم قال بهدوء = خلاص براحتك ..انا هدور على شركة ديكور تنفذ الاوضه الي جدتي عاوزاها..بس المهم اننا اتفقنا على انك هتعيشي معانا في القصر الشهرين الي جايين حبيبه بتوتر =طيب وبعد الشهرين ماهي هتعرف.. عمر بهدوء = بعد شهرين هكون خلصت الشغل الي ورايا وهاخدها ونسافر عند اختها في سويسرا وهناك هتنشغل باحفاد اختها وجو العيله الي هناك وهاقول ان الحمل طلع كاذب وشويه هعرفها اننا اختلفناو اتفاقنا على الطلاق .. هزت حبيبه رأسها بألم ثم مسحت عينيها من الدموع العالقه بها ونزلت من السياره التي توقفت امام مقر عملها.. لتتفاجأ بعمر ينزل من السياره وهو يقول بلهفه =حبيبه … استدارات حبيبه اليه فابتسم لها بحنان = انتي نسيتي اللانش بوكس بتاعك ياريت تاكليه كله والا هتلاقي جدتي جيالك الشغل تأكلك بنفسها.. ضحكت حبيبه بالرغم عنها وهي تتخيل الجده تطعمها امامهم فتناولت الصندوق الصغير منه وهو يتابع بحنان.. =ايوه كده..اضحكي ووعد مني .. كل حاجه هتبقى زي ما انتي بتتمني واكتر.. ابتسمت حبيبه بعدم تصديق ثم توجهت لداخل العقار تتابعها عيون عمر العاشقه ليتنهد اخيرا بتعب وهو يتصل بالحراسه الخاصه بحبيبه يتأكد من يقظتهم وجودهم في اماكنهم حول العقار حتى اطمئن لتأمينها جيدا وغادر وهو يفكر في كيفية تعويضها عن كل ما مرت به من عذاب وألم… في الاعلى… جلست حبيبه الى مكتبها بعد ان حيت ساره ومرام التي تقومان باعداد ميزانية العمل الجديد الذي سينفذانه في حين قال ياسر باهتمام.. = حبيبه تعالي عاوز افرجك على التصميم الجديد الي عملته في الشقه الي شغالين عليها.. ساره بسعاده = العميله كانت مبسوطه اوي بالتصميم الي عملتيه ووعدت انها هتقول لكل اصحابها علينا حبيبه بعدم تصديق بجد عجبها..يعني مطلبتش اي تعديل عليه.. ياسر بمرح = لا طبعا طلبت تعديل..بس على تصميمي انا.. فانفجروا جميعا في الضحك ومرام تقول بمرح = الا بالحق يا حبيبه مين القمر الطول بعرض ده الي كنتي نازله من عربيته.. حبيبه بارتباك =دا..دا واحد قريبي.. مرام بابتسامه حالمه تريد بها اثارة غيرة ياسر وهي تقرص ركبة حبيبه دون ان يراها احد = اوعي تقولي انه مرتبط والا متجوز .. حبيبه بارتباك وهي تنتفض بألم من قرصة مرام وتنظر بحذر لياسر الذي يكاد يشتعل من شدة الغيره = لا..مش..مش.مرتبط.. مرام بحالميه =طب ما تعرفيني عليه وليكي الحلاوه ياسر بغضب بعد ان فشل في السيطره على غيرته = ماخلاص بقى يامرام.. ايه نسيب الشغل ونقضيها مغازله في قريب حبيبه.. مرام بابتسامه ماكره.. =خلاص سكتنا أهوه أصلنا قاعدين في مدرسه.. اقتربت ساره من مرام وحبيبه وهي تغمز بعينها وتميل عليهم وهي تهمس .. =هو صحيح حلو قوي كده.. ساره بهيام = يجنن ..قمر طول بعرض وايه هيبه وجاذبيه وشكله شخصيه.. ساره وهي تغمز بعينيها بمرح =لاان كان كده يبقى انا لازم اعاين واشوف بنفسي.. ضحكت حبيبه ومرام بمرح في حين هب ياسر خارجا وهو يقول بغضب =انا خارج ولما تخلصوا المسخره دي وتنوو تشتغلوا ابقوا اندهوا عليا .. ثم تركهم وخرج تتبعه ساره وهي تنادي عليه = تعالى بس يا ياسر رايح فين.. حبيبه بلوم.. = زودتيها اوي يا مرام مفيش راجل يستحمل يسمع الي بيحبها بتتكلم كده على راجل غيره.. مرام بسعاده.. =ليه وهو انا كدبت ما انتي جوزك حلو فعلا وزي القمر..وبعدين سيبيه يحس اني ممكن اضيع منه يمكن يحس على دمه ويصارحني بإلي في قلبه حبيبه بطيبه =بس صعب عليا اوي .. دا مطقش يسمعك بتشكري في راجل غيره وانفجر فينا.. ساره بابتسامه ماكره.. = وهو لسه شاف حاجه دا انا هاسويه على الجانبين.. حبيبه بقلق =ربنا يستر.. بعد قليل .. دخل ياسر الى الغرفه مره اخرى بعد ان هدء وبدء في تصميم احدى الغرف تساعده حبيبه وهو يكتم غضبه ويحاول السيطر عليه حتى انتهى وقال بهدوء لحبيبه التي تجلس بجواره .. =حبيبه حاولي تركزي معايا انا هشرحلك طرقتين تقدري تنفذي بيهم التصميم الي انتي عوزاه على البرنامج الي في جهازك.. ثم بدء في الشرح لتمر اكثر من ساعه حتى قالت مرام بتعب = مش كفايه كده يا جماعه احنا شغالين من الصبح والوقت إتأخر ولازم نروح ياسر بعمليه = عشر دقايق وهنخلص خلاص … ثم بدء في الشرح من جديد .. مرام بتعب =خلاص تعالي معايا يا ساره نقفل الاوض ونشيك على الكهربا والغاز قبل مانقفل.. ثم توجهوا للغرف الاخرى يتأكدو من اغلاقها في حين استمر ياسر في الشرح لحبيبه .. لتنتبه حبيبه فجأه بخوف على صوت عمر وهو يقول بغضب حاد.. = دي شركة فورمي للتصميما.ت..والا انا غلطت في العنوان.. الفصل العشرين سيد _القمر _ الاسود رفعت حبيبه عينيها برهبه وهي تنتبه فجأه على صوت عمر وهو يقول بغضب حاد.. =دي شركة فورمي للتصميما.ت..والا انا غلطت في العنوان.. وقف ياسر وهو يقول بهدوء =ايوه فعلا هي دي شركة فورمي للتصميما.ت ..اي خدمه ياافندم اقترب عمر من ياسر ثم مد يده محييٱ ومعرفا بنفسه بهدوء =عمر الرشيدي..صاحب مجموعة الرشيدي للمقاولات وحديد الصلب انتفض ياسر مرحبا وهو يمد يده لعمر =اهلا وسهلا يا افندم حضرتك مش محتاج تعرف عن نفسك .. ثم تابع باهتمام اتفضل معايا لاوضة المكتب التانيه تجاهله عمر وهو يجلس في مقابل حبيبه التي تجلس وهي تكاد تستشيط من شدة الغضب و يقول ببرود.. =مفيش لزوم المكان هنا كويس ..المهم خلينا نتكلم في الي انا جاي فيه جلس ياسر في المقعد المقابل له وهو يقول باهتمام .. =اتفضل يا افندم.. ده شرف كبير ان حضرتك شرفتنا بنفسك.. نظر عمر للمكان من حوله بتقييم وهو يقول بهدوء =انا سمعت كتير عن شغلكم من المدام و…. انتفضت حبيبه واقفه وهي تقاطعه بتوتر.. =ياسر ..مش تطلب لعمر بيه حاجه يشربها الاول.. انتفض ياسر واقفا وهو يقول بحرج… =عندك حق ..انا اسف جدا..قهوتك ايه يا عمر بيه تأمل عمر حبيبه بتسليه وهو يدرك مقصدها ثم قال بهدوء.. =ساده ..قهوتي ساده.. ياسر بابتسامه لبقه .. =طيب عن اذنك ثواني .. ثم خرج وتركهم لتنتفض حبيبه واقفه بغضب =ممكن تقولي انت بتعمل ايه هنا.. عمر بغضب مكتوم وهو يتجاهل سؤالها.. =انتي الي تقوليلي ايه الي مقعدك لازقه فيه بالشكل ده و قاعده لواحدك معاه ليه ..فين بقية الي شغالين معاكي .. حبيبه بارتباك وتحدي.. =وانت مالك اقعد معاه لواحدنا والا لازقه فيه انت ايه الي يخصك.. ارتفع صوت عمر وهو ينفجر غاضبا.. =بتقولي ايه ..طب قدامي على البيت ..والخرابه دي انا هاهدها على راسك وراس الي شغالين فيها واولهم البتاع الي كنتي قاعده جنبه شحب وجه حبيبه بشده وهي تدرك جدية تهديده فشعرت بالدوار يستولي على رأسها فحاولت التمسك بحافة المكتب وهي تهمس بخوف .. =عمر… انتبه عمر فجأه لهمسها ووجهها الشاحب ومحاولتها التمسك بحافة المكتب فتمسك بها يسندها وهو يقول بخوف وقد تناسى غضبه من شدة خوفه عليها .. =حبيبه مالك ..حاسه بإيه يا حبيبتي.. حبيبه بضعف وهي تسند رأسها للمكتب =مش عارفه مالي حاسه الدنيا بتدور بيا.. فتح عمر حقيبة الطعام الصغيره الخاصه بحبيبه واخرج منها زجاجة عصير صغيره فتحها وهو يقربها من شفتيها بتوتر. . =خدي .. حاولي تشربي العصير ده وهتبقي كويسه.. ثم قرب العصي بتوتر من شفتيها في حين ارتشفت حبيبه قليلا..قليلا. من العصير حتى اختفى دوار رأسها فإبتسمت بتوتر.. =خلاص الحمد لله انا بقيت كويسه تنهد عمر براحه ثم قال بهدوء =طيب لمي حاجتك اروحك علشان ترتاحي… ليتفاجأ بها تمسك يده فجأه برجاء وعينيها تلمتع بالدموع =علشان خاطر اغلى حاجه عندك يا عمر بلاش تعمل حاجه تئذي بيها الي شغالين هنا هما ملهومش دعوه بالمشاكل الي بينا وانا ماصدقت اشتغل حاجه بحبها وعاوزه انجح فيها.. ليرتفع صوت ياسر الذي دخل للمكان وهو يحمل صنيه يضع عليها فنجان صغير من القهوه.. =معلش ياعمر بيه إتأخرت عليك .. بس المكان لسه جديد ولسه معندناش حد في البوفيه.. ابتسم عمر وهو يرجع الى مقعده.. =مفيش مشكله كلنا كنا كده في الاول .. ثم نظر لحبيبه المتوتره بتطمين وهو يتابع بهدوء.. =المهم خليني اقولك انا جاي هنا ليه النهارده.. ياسر باهتمام وعقله يدرك اهمية العميل الذي امامه .. =اتفضل يا فندم احنا سامعينك.. وضع عمر قدم فوق الاخرى وهو يقول بهدوء.. =زي ما قلت قبل كده مراتي شافت شغل ليكم وكانت عوزاكم تنفذوا تغييرات الديكور الخاصه بالقصر بتاعي هنا في القاهره.. ياسر بسعاده وهو يشعر بعظم الفرصه التي بين يديه.. =ده شئ يشرفنا يا فندم..وتأكد اننا هنفرغ نفسنا له.. وقف عمر وهو يقول .. =عظيم.. عموما انا ليا طلب واحد وبعد كده كله هيبقى باختيار المدام.. ياسر باهتمام =اتفضل اطلب يا فندم . عمر بابتسامه هادئه وهو يغمز في الخفاء لحبيبه المتوتره بمكر =انا محتاج تحول تلات او اربع اجنحه من أجنحة القصر ..لاجنحه خاصه بالاطفال ..يعني مش نوم بس لا غرفة نوم والعاب و دروس..يعني اجناحه كامله فيها كل حاجه خاصه بالاطفال.. ابتسم ياسر بسعاده.. =ان شاء الله هننفذ لحضرتك اجمل اوض اطفال في العالم وحبيبه زميلتي هنا بتحب الاطفال جدا وهتبهرك بالتصميما.ت الي هتعملها ابتسم عمر وهو ينظر لحبيبه بتسليه يمد يده مودعٱ =انا متأكد من كده وعموما انا إديت لاستاذه حبيبه نمرة تليفون مراتي وهي الي هتكون على تواصل معاها وتتناقش معاها في كل التفاصيل .. ثم مد يده لحبيبه وهو يقول بابتسامه هادئه =بالتوفيق يا استاذه حبيبه ومستني اشوف ابداعاتك لان مراتي بتشكر في تصميما.تك اوي حبيبه بضيق واقتضاب =ان شاء الله.. عمر بهدوء وهو ينظر لحبيبه بطريقه ذات مغزى =اسيبكم انا بقى عشان عندي ميعاد بعد عشر دقايق ثم تركهم بعد تبادل التحيه مع ياسر وتوجه للخارج .. تنهدت حبيبه وهي تتابع رحيله براحه ثم بدئت في جمع أشيائها بسرعه وقد فهمت من كلما.ت عمر انه ينتظرها في الخارج ويمهلها عشر دقائق للنزول ياسر بسعاده وعدم تصديق.. =مش ممكن انا مش مصدق نفسي دي القفزه الي كنت مستنيها ..الي هتدخلنا كل بيوت وقصور المجتمع المخملي .. دخلت ساره ومرام وهم يضحكون بمرح =احنا كنا واقفين بره بس مرضيناش ندخل علشان تتكلموا براحتكم معاه و اظن اننا كده بدأنا نحط رجلينا على اول درجه في سلم النجاح حبيبه بضيق وهي تتوجه للخارج =مش اوي كده يعني ماهو عميل زي اي عميل مرام بدهشه.. =مش اوي كده إزاي..انتي اكيد بتهزري والا عشان يبقى… سحبت حبيبه يد مرام مقاطعه وقالت وهي تتجه بها للخارج =تعالي عوزاكي في حاجه .. ثم اشارت لساره وياسر محييه.. =انا ماشيه يا جماعه سلام ..اصل قريبي مستنيني تحت هيوصلني بالعربيه.. وقفت مرام امام المصعد تستمع لحببيه ثم قالت بدهشه.. =يعني ياسر لسه ميعرفش ان عمر الرشيدي يبقى جوزك..طيب وعمر مقلوش ليه وانتي كمان مقولتيش ليه. حبيبه بتوتر .. =عمر كان هيقوله وكان هيكس.ر الشركه على دماغه ويقفله الشركه عشان دخل ولاقاني قاعده جنبه ومفيش حد في الاوضه غيرنا.. بس انا اترجيته ميعملش حاجه والظاهر صعبت عليه فسكت ووافق بعد ما دبسني في اني اغير ديكورات القصر بتاعه رفعت مرام حاجبها بدهشه ثم ضحكت بمرح صاخب = يعني بيغير وكان عاوز يضر.ب ياسر ويهد الشركه على دماغه اومال كل حكتيلي عنه ده ايه.. مبيحبنيش بيكرهني ..بينتقم مني .. بيحب جيلان .. ثم تابعت بمرح.. =بت انتي باين هبله ومش عارفه تتعاملي مع المز ده كويس.. حبيبه بحزن.. =والله انتي الي هبله ومش عارفه حاجه..دا انا كنت خلاص هتطلق النهارده لولا جدته تعبت وجيلان حبيبة القلب نايمه قايمه في القصر وبتأمر وتنهي فيه كأنه بيتها مرام بغضب =ماهو من خيبتك ..سايبالها جوزك وبيتك وقاعده تعيطي وتنوحي زي الهبله نزلت حبيبه برفقتها من المصعد وقالت بتعب.. =يعني عاوزاني اعمل ايه ..اغصبه يحبني مرام بغضب =لا تعملي كتير وطالما المز بيغير يبقى بيحب..وطالما بيحب ويغير يبقى احنا هنسويه على الجانبين زي الحليوه الي مدوخني فوق ده ثم تابعت بثقه =الاتنين دول هيتربوا بس على طريقتنا اسمعي مش انتي قولتيلي ان جدته فكراكي حامل عشان كده باعته معاكي صندوق الاكل الي يجنن وكلنا كلنا منه ده .. حبيبه بعدم فهم .. =اه ليه.. ابتسمت مرام وهي تقول بخب.ث.. =طب اسمعيني ونفذي الي هقولهولك من النهارده هتواجهي و مش هتهربي في اوضتك وتستخبي وتخافي من مواجهة جيلان .. حبيبه بدهشه .. =اومال عوزاني اعمل ايه..اتخانق معاها.. ابتسمت مرام وهي تقول بخب.ث = لا دا انتي هتعملي كتير ومن غير خناق ولا حاجه..اقصد حبيبه الحامل هي الي هتعمل كتير.. ثم اضافت بمكر اسمعي بقى انتي هتعملي ايه بعد قليل .. فتحت حبيبه باب السياره ثم جلست بغضب بجانب عمر الذي قاد السياره وهو ينظر اليها ويقول بصرامه.. =لو عاوزه تكملي شغل معاهم يبقى لازم تحطي حدود في تعاملك خصوصا مع الي اسمه ياسر ده.. ابتلعت حبيبه ريقها بتوتر الا انها اجابت ببرود وهي تنفذ تعليما.ت مرام.. =انا مش فاهمه انت مكبر الموضوع ليه زميلي وكان بيشرحلي طريقة تطبيق الشغل على برامج التصميم إنت بقى ايه الي مزعلك في كده .. عمر بغضب شديد.. =زميلك ايه وزفت ايه الي تقعدي وانتي لازقه فيه بالشكل ده ..انت ناسيه انتي متجوزه مين.. حبيبه ببرود وهي ترقص بداخلها وهي تراه يغلي من شدة الغيره .. اه انت متدايق يعني علشان خايف حد يشوفنا و يعرف ان انا مراتك..عموما متخافش.. اولا انا مبعملش حاجه غلط وثانيا محدش يعرف ان انا مراتك وبعدين احنا خلاص هنتطلق يعني هبقى حره اعمل الي انا عوزاه.. تنفس عمر بغضب وهو يقول بهدوء خطر.. =يعني ايه تعملي الي انتي عوازاه مش فاهم.. ابتلعت حبيبه ريقها بخوف فاجابت بصوت مهزوز .. =قصدي واضح يعني هشتغل اسافر..اخرج..اتج… الا انه قاطعها بغضب مجنون.. تت..ايه يااختي..تتجوزي.. ليه متجوزه عيل سيس..انتي مش عارفه انا مين..دا انا عمر الرشيدي والا نسيتي ثم تابع بغضب مجنون وهو يقود السياره بسرعه متهوره يتنفس بصعوبه ..صدره يعلو ويهبط من شدة الغضب و يضغط على زراعها بقوه دا انا كنت ا..ك وا..ه قبل حتى ما يفكر يبصلك اويلمس شعره منك مش يتجوزك ..ايه انتي اتجننتي وبتقولي اي كلام والا عشان ساكتلك وبقول مضغوطه إستحملها هتتنجنني وتهرتلي بكلام اقل حاجه في مو.تك.. بكت حبيبه وهي تقول بارتعاش وخوف حقيقي منه وهي تتأمل الطريق برعب .. =هدي العربيه ياعمر ..هتمو.تنا .. ثم تابعت برعب =انا مكنش قصدي اقول اتجوز..انا كان قصدي اقول اتجهز لفتح شركتي الخاصه بيا .. نظر عمر لها قليلا يتأمل رعبها الواضح بصدمه ثم توقف فجأه بسيارته على جانب الطريق ووضع رأسه على مقود السياره يحاول التنفس بهدوء والتحكم في غضبه وغيرته الشديده عليها.. ثم رفع رأسه فجأه ولف يديه حولها يحتضنها بتملك مجنون وهو يهمس لها بندم ويده تمسح دموعها بحنان.. =انا اسف يا حبيبتي .. متزعليش مني ..غيرتي عليكي دي غصب عني بتخليني مقدرش اتحكم في ردود افعالي .. ثم رفع يدها يقبلها بعش.ق شديد وهو يبتسم برجاء.. =عشان خاطري تاخدي بالك وتحطي حدود في المعامله مع زمايلك خصوصا الرجاله ..انا مسكت اعصابي بالعافيه لما شفتك قاعده جنبه ولوحدكم.. حبيبه بارتعاش وقد نست كل نصائح مرام لها =والله كان بيفهمني حاجات في برامج التصميم … ثم تابعت بانكسار =انا مدرستش زيهم ولاعندي خبره والتصميم مش زوق حلو وموهبه بس لا دا علم وبرامج تصميم ودنيا كبيره انا مش هعرف اتعلمها لواحدي.. تناول عمر هاتفه ثم قبل يدها وقال بهدوء.. =امسحي دموعك يا حبيبتي انا هنفذلك كل الي انتي عوزاه ليتابع بتأكيد =مش مرات عمر الرشيدي الي تعيط علشان نفسها تعمل حاجه ومش قادره طول ما انا عايش اي حاجه انتي عاوزاها هاتم بمجرد رغبتك فيها.. لتقضي حبيبه الدقائق التاليه وهي تستمع اليه وهو يقوم بالحجز لها في برامج مفتوحه خاصه بتعليم فن الديكور في الجامعه الامريكيه والجامعه الالمانيه على يد اكبر الاساتذة المتخصصين في مجال الديكور.. ثم تلتها مكالما.ت منه لمدرسات كبيرات اتفق معهم على اعطائها بعض الدروس التي ستحتاجها للتعلم..حتى انتهى ثم قال بحنان =وبكده هيبقى معاكي كورسات اون لاين معتمده وهتتعلمي كل الي انتي عوزاه من غير مساعدة حد خصوصا ان في ناس متخصصه هاتيجي وتشىرحلك في البيت.. حبيبه بذهول .. =ببساطه كده.. عمر بهدوء.. =ايوه ببساطه كده زي ما انتي شايفه ..وياريت اي حاجه تعوزيها تطلبيها مني ولما ابقى افشل أحققهالك ابقي ساعتها اتصرفي براحتك ثم عاد وقاد السياره مره اخرى وسط نظراتها الحائره بعد قليل .. صعدت حبيبه الى الجناح الخاص بها بعد جلوسها قليلا مع جدة عمر ومرورها على المطبخ لتلقي عليهم ولاول مره بتعليما.تها بنائآ على نصائح مرام اليها ..في حين توجه عمر الى غرفة مكتبه ليجري بها بعض الاتصالات الهامه .. لتبتسم براحه وهي تخرج من الحمام الملحق بالغرفه ثم تستلقي على الفراش وتغرق في النوم وهي تشعر بارهاق شديد.. لتمر عدة دقائق ويدخل عمر الى الغرفه بهدوء شديد ثم جلس بجانبها قليلا يتأملها بعش.ق دون ان يلمسها خو.فا من استيقاظها ثم تنهد بحب وهو ينحني على جبينها يقبله بحنان و يتوجه الى الحمام يستحم ويرتدى ثيابه ثم اقترب من حبيبه مره اخرى وهي ما.تزال نائمه وهمس باسمها بهدوء =بيبه..يلا ياحبيبي فوقي علشان تتعشي فتحت حبيبه عينيها وهي تقول بارهاق.. =مش عاوزه ..إتعشوا إنتوا .. عمر بتسليه.. =ناكل لواحدنا ازاي.. دا جدتي بتقول انك لاغيتي الاصناف الي كانت طلباها جيلان وطلبتي من السفرجي انه يعملك اصناف جديده .. احمر وجه حبيبه وهي تقول باحراج.. =اه اصل انا زهقت من الاصناف الي جيلان بتطلبها فقلت اجدد.. ثم تابعت بارتباك.. =بس لو انت عندك اعتراض انا ممكن اقوله يلغي الاصناف الي طلبتها وينفذ الاطباق الي جيلان طلبتها منه.. ابتسم عمر وهو يرفع الغطاء عنها ثم يرفعها ويجلسها فوق ساقيه وهو يهمس امام شفتيها بحب.. =انا قولتلك قبل كده وبقولك تاني دا بيتك تعملي فيه كل الي انتي عوزاه واحنا كلنا هنا ضيوف عندك..يعني حتى لو أكلتيني كل يوم عيش حاف..هبقى مبسوط وهب.وس الايدين الحلوين دول بس المهم تفضلي جنبي.. وضعت حبيبه يدها على شفتيه تمنعه من تقبيلها وهي تقول باختناق.. =عمر..مينفعش..انت ناسي .. انت كنت هتطلقني لولا تعب ماما دولت .. د.فن عمر وجهه في عنقها وهو يضمها اليه بتملك شديد .. ثم همس بندم … =لا مش ناسي يا حبيبه..بس انتي كمان افتكري اني بقولك و للمره المليون في حاجات كتير انتي لسه مش فاهماها .. ثم رفعها برفق من فوق ساقيه وهو يقول بهدوء =يلا البسي واجهزي وانا هانزل اخليهم يجهزولنا العشا في الجنينه.. هزت حبيبه رأسها بموافقه ثم توجهت الى غرفة الثياب وبدئت في اختيار ثياب تليق بالمعركه التي ستشنها على غريمتها.. بعد قليل .. خرجت حبيبه من الحمام ووقفت امام المرٱه تتأمل باعجاب فستانها الاسود الضيق الانيق الذي يصل طوله الى ما فوق ركبتيها بقليل ويظهر ساقيها و جمال قوامها الرشيق ثم قامت بتمشيط شعرها الاسود الكثيف اكثر من مره حتى التمعت خصلاته وتهدلت بروعه خلف ظهرها وقامت بوضع مكياج متقن لوجهها تبعه عدة رشات من عطرها المفضل وهي تتمتم بتوعد =لما نشوف انا والا انتي يا بنت بتاعة الجيلاتي.. ثم قبلت نفسها في المرٱه وهي ترتدي حزاء اسود ذو كعب مرتفع تبعته بارتداء سلسال رقيق حول كاحلها واكتفت بارتداء خاتم ومحبس زواجها وهي تقول بقلق =لما اشوف نصايحك هاتوديني لفين يا ست مرام .. ثم تنهدت بتوتر وتوجهت للاسفل .. في الاسفل .. جلست جيلان التي ارتدت فستان اصفر طويل ضيق ذو شق طويل يصل لمنتصف فخذها بجانب عمر في الحديقه وهي تهمس له بضيق.. =انا مش فاهمه جدتك ايه دخلها بيك تطلق والا تتجوز هو انت لسه صغير عمر بصرامه =جيلان ..خدي بالك طريقة كلامك عن جدتي مش عجباني..وده ممكن يخسرك كتير مررت جيلان يدها باغراء على زراعه وهي تقول بارتباك =مش قاصدي يا حبيبي ربنا يعلم انا بحبها قد ايه بس لولا تدخلها كان زمانك طلقت الي اسمها حبيبه دي وارتحنا.. عمر بهدوء =وانا كمان اظن اني فهمتك ان موضوع حمل حبيبه ده كذب وان كلها شهر بالكتير وهاسفر جدتي عند اختها وساعتها هاطلقها يبقى ايه لازمته الكلام ده دلوقتي.. ابتسمت جيلان وهي تقترب منه محاوله تقبيله وهي تقول باغراء =متزعلش مني انت عارف انا بغير عليك قد ايه.. في نفس اللحظه … دخلت حبيبه الى الحديقه وشاهدت بصدمه جيلان التي تحاول الاقتراب من عمر وتقبيله الا انها ابتسمت براحه وهي تشاهده يبتعد عنها ببرود وهو يقول .. =اقعدي يا جيلان وياريت تفتكري انا اتفقت معاكي عليه.. جيلان بتبرم وهي تعتدل في مقعدها باحباط = حاضر ..هاعامل ست حبيبه كويس لانها مش فاهمه انك هتطلقها و.فاكره انكم خلاص اتصالحتم واحترم انها لسه مراتك علشان متزعلش و تمشي وجدتك تتعب ها كويس كده ..أديني حافظه كويس ضحك عمر وهو يقول ببرود .. =المهم انك تنفذي مش تحفظي.. ثم رفع عينيه التي التمعت باعجاب وحب وهو يرى حبيبه تتقدم منهم بثقه وهي تشع جمال وانوثه فهب واقفا ثم تقدم منها يحيط خصرها بزراعه ثم قرب منها المقعد الذي بجانبه فابتسمت حبيبه وقبلت وجنته وهي تقول برقه.. =شكرا يا حبيبي ..اسفه اني إتأخرت عليكم بس كنت بطمن على ماما دولت واطمن انها خدت دواها قبل ما تنام.. عمر باعجاب.. =ولا يهمك يا حبيبتي..دول كلهم خمس دقايق مش اكتر.. ثم مرر عينيه عليها باعجاب صارخ وهو يهمس بجانب إذنها.. =الفستان ده يجنن عليكي.. بس من غيره تجنني اكتر.. احمر وجه حبيبه وهي تهمس بخجل =عمر عيب كده ..والله اسيبك وامشي جيلان بحقد.. =ايه الفستان الجميل ده يا حبيبه بصراحه تفصيلته تجنن بس كان عاوز واحده ارفع شويه عشان ..يعني ..مبين ديفوهاتك.. احمر وجه حبيبه بغضب وحاولت انت تجيبها الا انها تفاجأت بعمر يرفع يدها ويقبلها وهو يقول بشغف جعلها تكاد تنفجر من شدة الخجل =ديفوهات ايه بس الي بتتكلمي عنها ..هو انا هيجنني الا الديفوهات دي نظرت حبيبه ارضا وهي تقول بخجل =هو..هو العشا إتأخر ليه .. ابتسم عمر بتسليه وهو يدرك شدة خجلها.. =الخدم جايين بالعشا حالا .. اعتدلت حبيبه بارتباك وهي تشاهد نظرات جيلان الحاقده لها والخدم يقومون برص اطباق الطعام على الطاوله.. جيلان بغضب وهي تنظر للطعام =اي الي انتوا حاطينه ده فين الاكل الي انا طلبته..انتوا بتتصرفوا من دماغكم والا ايه اندهلي السفرجي خليه يبجي هنا فورا ابتسم عمر بتسليه وهو يراقب حبيبه تقول برقه مستفزه =مفيش داعي يا جيلان ..انا الي غيرت المنيو بتاع العشا ..قلت نجدد شويه جيلان بتهكم غاضب =وانتي بقى الاكل اللوكل الي انتي طلبتيه ده بتسميه تجديد .. ابتسمت حبيبه وهي تضع الطعام لعمر في طبقه وتقول ببرود =احنا هنا بنحب الاكل اللوكل لما ترجعي بيتك ان شاء الله ابقي إعزمينا على الاكل الي مش لوكل اهو منك نتعلم.. جيلان بغضب .. =سامع يا عمر مراتك بتطردني.. عمر بهدوء =جيلان خلاص بلاش دراما زايده.. اقعدي كملي اكلك ..حبيبه اكيد متقصدش كده وبعدين الاكل حلو فعلا جربيه واكيد هيعجبك .. جيلان بغضب .. =لا انا معدتي مش واخده على الاكل ده انا طالعه انام احسن.. ثم تركتهم وغادرت غاضبه.. تابعت حبيبه انصرافها بتوتر وتوقفت عن تناول الطعام خو.فا من رد فعل عمر الا انها انتبهت لعمر وهو يقول باهتمام =مبتاكليش ليه.. حبيبه بتوتر .. =مفيش بس انت ..اقصد يعني انت مش زعلان ان جيلان قامت من غير ما.تاكل.. ابتسم عمر بعدم اهتمام =هي حره هو حد منعها تاكل .. ثم اشار لاحد الاصناف بمرح =تعالي بقى ناكل انا وانتي من البتاع ده اصل انا عيني فيه من اول ما اتحط ثم ابتسم وهو يقرب الطعام من فمها ويقول برقه =افتحي الشفايف الحلوين دول وكلي من ايدي.. فتحت حبيبه فمها بطاعه وبدئت في تناول الطعام من يد عمر الذي حرص على اطعامها وهو يستمع الى اخر اخبار عملها وهو يبتسم بحنان و يستمع اليها وهي تحكي له بحماس شديد .. في حين وقفت جيلان في شرفة المنزل تتابع مايحدث وهي تقول بغل شديد.. =البت دي لازم تختفي خالص انا مش هستنى لما تحلى في عنيه من تاني ثم تابعت بتفكير =بس المره دي لازم اعتمد على نفسي لا صادق ولا غيره ينفع اعتمد عليهم وانا عارفه انا هعمل ايه كويس .. ثم اتصلت باحدى صديقاتها وقالت بود مصطنع =فيفي..روح قلبي وحشتيني مو.ت ثم تابعت بمرح زائف =وانتي كمان يا روحي وحشاني اكتر..بقولك مش عاوزه تكسبي شويةفلوس حلوين.. ابتسمت جيلان بحقد =هبعتلك صوره واسم لبت لوكل وبيئه كده عاوزه اربيها واعملها فضيحه تلزق في اسمها لحد ما.تمو.ت.. ابتسمت جيلان بقسوه.. =برافو عليكي زي الي عملناها لريم القاضي بالظبط..واصرفي ومتخافيش الجنيه الي هتصرفيه هدفعلك قدامه ميه.. ثم ابتسمت بسخريه سامه.. =اهم حاجه تختاري لها واحد وسيم وشكل مناسب علشان الناس تصدق انها خانت جوزها معاه.. ثم ضحكت بصوت عالي .. =اقولك ابعتيلي الصور وانا اختار منها الشاب الي هيقوم بالمهمه.. ثم ابتسمت وهي تقول بثقه.. =سلام يا فو.فا..وهبعتلك كل بيانتها وصوره ليها وكمان مكان شغلها..علشان تقدري تبتدي علطول ثم اغلقت الهاتف وبدئت في استقبال صور لشباب عراه غايه في الوسامه وهي تحاول اختيار احدهم وتبتسم في شما.ته في الجانب الاخر.. دخلت حبييه بعد انتهاء عمر من الاستحمام الى الحمام الملحق بالغرفه وقامت بالاستحمام هي الاخره وارتداء قميص قطني مريح عليه رسوما.ت لشخصيات كارتونيه محببه يصل لبعد ركبتيها واتجهت الى الاريكه لتعدها للنوم عليها لتتفاجأ بعمر ينام فوق الاريكه وهو يضع يده فوق عينيه حبييه برقه.. =عمر انت مش نايم على سريرك ليه.. فتح عمر عينيه وابتسم بنعاس.. =ايه ده هترضي عليا وتنيميني جنبك تراجعت حبيبه للخلف بتوتر.. =لا طبعا ..انا هنام لواحدي.. ابتسم عمر وهو يقول بأسف بتأمل ما.ترتديه بتهكم =خساره..طيب روحي نامي احسن شكلك بقميص ميكي ده بيغريني ان =انا انام جنبك و اخلصك منه نهائي.. نظرت حبيبه للقميص بدهشه وهي تدمدم بتبرم =ماله القميص ماهو حلو ومريح اهوه.. عمر بسخريه .. =مريح .. وكارتون وميكي وبطوط .. روحي نامي ياحبيبه واوعدك اقدملك في حضانه بكره بس يارب تقبلك بإلي انتي لابساه ده حبييه بغضب =في ايه ياعمر ماله القميص..والا لازم يكون عريان وقليل الادب عمر بتهكم = عريان وقليل الادب انتي بتتكلمي عن القميص والا حاجه تانيه.. اقولك القميص الي انتي لابساه يجنن ولا تزعلي.. ثم تابع وهو يضحك بمرح.. =الي يشوفك بالفستان الاسود والشعر المفرود والمكياج ميشفكيش وانتي لابسالي ميكي ماوس وعملالي شعرك ضفاير اتجهت حبيبه بغضب للفراش واستلقت عليه وهي تقول بضيق =والله انت بايخ وانا غلطانه اني اصلا بكلمك.. ثم مرت لحظات وهي تحاول النوم فلا تستطيع .. حبيبه بتوتر وهي تهمس بداخلها بتعب =انا عارفه اني مستحيل هعرف انام..وانا عارفه انه موجود معايا في نفس الاوضه لتتنهد بتعب وهي تتقلب اكثر من مره من ناحيه لاخرى في محاوله فاشله للنوم حتي شعرت به يستلقي فجأه بجانبها وهو يقول بحنان.. = ممكن حض.ن علشان اعرف انام .. حبيبه بتوتر =عمر احنا اتفقنا على ايه.. اقترب عمر منها ثم رفعها بين زراعيه وهو يد.فن وجهه بعنقها ..ويقول باحتياج.. دا حض.ن صغنون يا بيبه ميئذيش حد ثم قربها منه بعش.ق اكبر =خمس دقايق بس يا حبيبتي وهقوم علطول .. ثم ضمها اليه بعش.ق ويده تمر على جسدها بتملك.. في حين اقتربت حبيبه منه تستنشق رائحته بقوه وهي تشعر بتثاقل رأسها و عمر يقربها اكثر اليه وهو يدلك جسدها برقه شديده يحاول إزالة التعب والارهاق عنها حتى تغلب النعاس عليها اخيرا وغرقت في بحور النوم وهي بين زراعيه.. في حين ضمها هو اليه بتملك وعش.ق شديد وغرق هو الاخر في النوم وهو يشعر براحه لتواجد اغلى مايملك بين زراعيه سيد_القمر_الاسود الفصل_الواحد_والعشرون بعد مرور يومين.. جلست حبيبه بجانب جدة عمر في الحديقه تتحدثان وتقومان بمشاهدة بعض تصميما.ت ملابس السهره.. لتقول الجده باعجاب وهي تتأمل الفستان .. =حلو اوي الفستان ده يا حبيبه واظن مناسب للحفله الي هتحضريها مع عمر.. اقتربت حبيبه تشاهد الفستان بلونه الرائع المتدرج وقصته المفروده وقالت باعجاب.. =فعلا حلو اوي يا ماما يجنن ..بس يا ترى هيلحقوا ينفذوا التعديلات الي هنطلبها عليه الا انها تفاجأت بألبوم التصميما.ت يخطف من بين يديها وعمر يقول بمرح.. =ممكن تفرجوني على الفستان الي هيجننكم ده.. ثم نظر الى الفستان وتأمله برفض ثم قال بغيره واضحه وهو يلقي الالبوم جانبا =مستحيل تلبسي الفستان ده ..دا عريان اوي وهيبين ايديكي وكتافك انتي نسيتي انك محجبه والا ايه غمزت جدة عمر لحبيبه في الخفاء تمنعها من اخباره عن التعديلات التي سيطلبون تنفيذها على الفستان ليناسب حجابها لتقول بمكر .. =ماله بس الفستان ياعمر انا شايفه انه مش مكشوف اوي وبعدين حبيبه حلوه وصغيره ومن حقها تشتري و تلبس زي الي في سنها.. عمر بغضب =وهو انا مانعها تشتري والا تلبس..ما تشتري وتلبس الي هي عوزاه بس في البيت..لكن بره في حدود وانا ماقبلش ان حد يشوفها كده .. حبيبه بغيره واندفاع.. =طيب ماهي جيلان بتلبس عريان وقصير ومشفتكش ولا مره اعترضت على لبسها.. عمر بسخريه غاضبه =يمكن مثلا..علشان جيلان مش مراتي ولاتقربلي حاجه.. نهضت حبيبه وهي تقول بغضب وغيره تتحكم بها هرموناتها المتأثره بالحمل .. =لا دا عشان انت متقدرش تتحكم فيها لكن انا بنسبالك لعبه بتحركها وتتحكم فيها زي ماانت عايز .. ثم اقتربت من الجده وقبلتها من وجنتها وهي تقول بغضب .. =عن إذنك يا ماما انا طالعه فوق ثم اسرعت بالمغادره قبل ان تنهار في البكاء امامه.. تابع عمر انساحبها الغاضب بدهشه ونظر للفستان مره اخرى وهو يقول بحيره.. =يعني بعيد عن ان انا رافض انها تلبس حاجه عريانه او ان حد يشوفها بحاجه مكشوفه بالشكل ده..هي مش شايفه ان الفستان ده مينفعش للمحجبات يعني من الاساس المفروض هي الي ترفضه ابتسمت الجده وهي تنهض وتقول بهدوء =ماهي ياحبيبي كانت هتطلب من الاتيليه يظبطه ليها ويغطي الحاجات المكشوفه دي.. عمر بدهشه =طيب ليه مقالتش كده من الاول وليه زعلت اني قلتلها ان الفستان مكشوف ومينفعش تلبسه وهو بالشكل ده ربتت الجده على يده وهي تقول بتعاطف =معلش يا حبيبي غصب عنها هرمونات الحمل بتخليها متعرفش تتحكم في مشاعرها وبتضخم لها الامور.. ثم تابعت باهتمام =روح صالحها وراضيها بكلمتين و انا هادخل اوضتي ارتاح شويه .. تنهد عمر وهو يقول باستسلام.. حاضر ولما اشوف اخرتها ايه معاكي ومع هرموناتك يا ست حبيبه بعد قليل … دخل عمر للغرفه ثم ابتسم بحنان وهو يجد حبيبه تستلقي على الفراش وهي تد.فن وجهها بغضب في الوساده.. فاقترب منها ثم جلس بجانبها وهو يمرر يده على شعرها برقه و يقول بحنان شديد.. =ايه بس يا حبيبي الي حصل علشان تزعلي بالشكل ده.. الا انها تجاهلته وهي تضغط وجهها بقوهفي الوساده تحاول كتم صوت شهقاتها الا انها فشلت ليرفعها عمر عن الوساده بدهشه بعد ان استمع لصوت بكائها المكتوم وهو يقول بلهفه شديده.. =حبيبه انتي بتعيطي ..ايه الي حصل لكل ده يا حبيبتي.. ثم رفعها يجلسها بين احضانه ويده تمسح دموعها بلهفه وحنان يحاول استرضائها.. =خلاص يا حبيبتي لو الفستان عاجبك اوي كده انا هتصل بنفسي بالاتيليه اخليهم يقافلو الحتت المكشوفه فيه و… حبيبه مقاطعه بغضب.. =ليه.. عمر بصبر =هو ايه الي ليه .. مش فاهم سالت دموع حبيبه بالرغم عنها وهي تقول بألم =أقصد ..ليه عاوزني البس مقفول علشان بتغير عليا زي ما بتقول والا علشان جسمي مليان ديفوهات زي ما جيلان كانت بتقولي عمر بدهشه حقيقيه.. =جيلان ايه … و ديفوهات ايه الي بتتكلمي عليها ثم تابع بجديه =ايه الكلام الفارغ الي انتي بتقوليه ده .. ديفوهات ايه الي هتخليني اغطي جسمك علشانها انتي اتجننتي والا ايه…. حبيبه باحتجاج باكي .. =انت عارف انا بتكلم عن ايه كويس وعموما انا كنت هقفل الفستان علشان انا محجبه ..مش عشان رائيك ولا رأي ست جيلان بتاعتك عمر بغضب =لااا…انتي اكيد اتجننتي انتي وهرموناتك الي بوظت دماغك ولازم افوقك من الاوهام الي ماليه راسك دي ..قومي معايا.. ثم سحبها من يدها لتجد نفسها تقف في مقابلته..يده تدعمها بقوه حتى لا تبتعد عنه او تسقط من محاولتها الغاضبه في مقاومته ثم رفعها سريعا بين زراعيه وهو يتجاهل احتجاجتها ومحاولتها الغاضبه في التملص منه وتوجه بها سريعا الى غرفة ملابسهم الخاصه حبيبه بدهشه وغضب .. =عمر انت رايح بيا على فين ..نزلني لو سمحت لتشهق مره اخرى بارتباك وهو ينزلها في غرفة تبديل الثياب المغطاه من جميع جوانبها بزجاج المرايا .. ثم أدارها اليه يتأمل وجهها بلوم ويبتسم بحنان وهو يمسح دموعها ويقبل عينيها.. =المفروض انتي اكتر واحده تكوني عارفه وواثقه انا بحبك وبغير عليكي قد ايه بجمالك ورقتك وطيبتك الزياده عن اللزوم.. ثم تابع بجديه حانيه =والمفروض برضه تكوني فاهمه انك في عنيا اجمل ست في الدنيا وان الديفوهات الخياليه الي مش موجوده ومخليكي تعيطي بالشكل ده ..حتى لو كانت موجوده هتفضلي برضه في عنيا اجمل ست في الدنيا.. ثم ضمها اليه بتملك وعش.ق جارف وهو يقول بجديه = لا الديفوهات ولا التجاعيد ولا حتى الشعر الابيض يفرق معايا ولا يقلل من حبي وعش.قي ليكي وبتمنى من ربنا نعيش سوى وتفضلي معايا لحد ما اعيش معاكي كل تجعيده وشعره بيضه تطلعلك وتطلعلي.. ثم مرر يده بحنان على ملامحها التي تنظر له بدهشه من اعترافه الصادم وهو يقول بحب =ياريت تكوني فهمتي الي بحاول اوصلهولك وتشيلي من دماغك اي افكار ممكن تقلل او تشكك في حبي ليكي نظرت حبيبه له بارتجاف .. تحاول التحدث الا انها شعرت بالكلما.ت تهرب منها وهي تشعر ان كلما.ته الصادقه الجمتها فقررت الاعتزار عن رد فعلها المبالغ به .. =عمر انا اسف..ااه .. لتشهق برعب قبل ان تكمل جملتها وهي تشعر بيده تمتد بسرعه خاطفه الى مقدمة ثوبها تشقه بقوه الى نصفين ثم ينزعه عنها سريعا ويلقيه ارضا وهو يقول بجديه شديده.. =بما اني اعترفتلك خلاص على الي جوايا علشان اريحك.. فممكن دلوقتي توريني الديفوهات الي مخلياني مش عاوز ألبسك مكشوف.. صرخت حبيبه برعب وهي تجد نفسها تقف امامه شبه عاريه وصورتها تتكرر امامها وامامه على زجاج المرٱه لتشهق بصدمه وهي تلقي نفسها بداخل زراعيه تخبئ نفسها بداخل احضانه وهي تغلق عينيها بقوه وتقول بصوت باكي متقطع من شدة الصدمه والارتباك … =انت…انت عملت ايه ..إزاي تعمل كده ..انت اتجننت.. انا عاوزه هدومي.. لف عمر زراعيه من حولها يضمها اليه بتملك شديد .. يكاد يخفيها فعليآ بداخل احضانه و يده تمر برقه على جسدها وهو يرفع وجهها اليه..ويهمس بأمر =إفتحي عنيكي يا حبيبه .. هزت حبيبه رأسها برفض وهي مازالت تغلق عينيها.. اقترب عمر من إذنها يهمس فيهم بجديه.. =هاتفتحي عنيكي يا بيبه..والا اكمل الي كنت بعمله.. شهقت حبيبه برعب وهي تشعر بيده تمر على القليل الباقي من ملابسها بتهديد واضح لتفتح عينيها وهي تقول بلهفه ورجاء.. =خلاص فتحت عنيا ..أهوه.. فتحت عنيا ..بس كفايه كده وسيبني عشان خاطري ضمها عمر اكثر اليه ويده تمر على منحانيتها بعش.ق متملك وهو يقول بتسليه.. =طيب والديفوهات..مش هتخليني أشوفها وأتأكد منها.. حبيبه بلهفه.. =انا..انا معنديش ديفوهات انا كنت بهزر معاك.. ابتسم عمر وهو يقبل شفتيها قبله رقيقه خاطفه.. =يعني انتي مكنتيش تقصدي اني عاوز البسك متغطي علشان انتي عندك ديفوهات..و مكنتش عاوز حد يشوفها حبيبه بارتباك وهي على وشك البكاء من شدة الحرج وهي تستشعر لمسات يده الجريئه المتملكه على جسدها.. =كنت بهزر ..وهزاري..هزار بايخ كمان ..انا..انا اسفه مط عمر شفتيه بتسليه.. =اسفه كده وخلاص.. حبيبه بارتباك وهي تستشعر لمسات اصابعه المتملكه على جسدها = طيب قولي عاوزني اعمل ايه ..وانا اعمله.. بس اخرج بره وسيبني البس هدومي.. ابتسم عمر بتسليه وهو يرى حرجها وارتباكها الواضح =عاوزاني اخرج واسيبك كده بالساهل..مينفعش .. ثم رفع وجهها اليه وهمس امام شفتيها =صالحيني الاول علشان انا حاسس انك جرحتي مشاعري.. وانتي عارفه قد ايه انا مشاعري رقيقه ضر.بت حبيبه قدمها في الارض باحتجاج.. =عمر .. انا عارفه انك بتتسلى و بتتريق عليا .. ثم تابعت برجاء =اب.وس ايدك سيبني بقى واخرج عشان البس هدومي .. مش انا اعتزرتلك خلاص.. ابتسم عمر بمرح وهو يقبل شفتيها برقه ثم رفعها مره اخرى بين زراعيه وهو يقول بعش.ق.. =اعتزارك مرفوض ..ولازم أشوف الديفوهات دي بنفسي ..اصل قلبي حاسس انها حاجه خطيره جدا .. ثم عاد بها الى الغرفه ووضعها على الفراش واستلقى بجانبها يحتضنها متجاهل ضجيج احتجاجها الصاخب .. وهي تحاول الابتعاد عنه بارتباك وخجل الا انه اعادها الى احضانها بسهوله وهو يقترب من شفتيها ويهمس بتوعد.. =خلينا نشوف الديفوهات الوحشه دي الي خلت حبيبي يعيط بالشكل ده .. حبيبه باحتجاج =عمر… قربها عمر منه بشده وهو يقول بعش.ق جارف =قلب عمر ودنيته الي متساويش حاجه من غيرك.. ثم مال عليها يقبلها برقه شديده سرعان ما تحولت الى جوع ولهفه شديده وهو يلتهم شفتيها بعش.ق شديد في اليوم التالي… جلست حبيبه الى مكتبها تستمع باهتمام الى حديث ياسر الذي يكاد ينفجر من شدة شعوره بالاثاره… ياسر بسعاده.. = انا مش مصدق نفسي .. مش مصدق اننا اشترينا كراسة الشروط و هندخل خلاص مناقصة القريه السياحيه نوبيات في الساحل.. ساره بعمليه.. = اهدى بس يا ياسر وفكر كويس ..لو فعلا كسبنا والمناقصه رسيت علينا ..هنقدر ننفذها ونصرف عليها والا لاء خصوصا ان ده شغل كبير واول مره ندخل فيه.. مرام بتشجيع وهي تستشعر تراجع حماس ياسر.. = طبعا هنقدر ..بصوا احنا كلنا مش هناخد مرتبات ولا ارباح شغلنا الاخير وكمان الي فهمته من كراسة الشروط ان لو المناقصه رسيت علينا هنقب.ض مبلغ كويس في الاول نبتدي بيه الشغل وبعد كده هنتصرف من الدفعات الي هناخدها..وكلنا مش هناخد اي مكسب الا في الاخر خالص لما نكون سلمنا القريه.. ابتسم ياسر بحماس شديد ثم أمسك بيدها فجأه ورفعهم يقبلهم وهو يقول بحماس.. =صح يا مرام انتي اكتر واحده فهماني و.فاهمه انا بفكر ازاي وبكده يبقى حققنا انا وانتي اول جزء من احلامنا.. ابتسمت مرام بسعاده وتفهم وهي تراه يترك يدها ويتنحنح بحرج .. وهو يحاول السيطره على مشاعرهوهو يقول بأمل =ها يا جماعه ..نكمل والا بلاش ونخلينا في شغل التصميما.ت الصغيره.. ابتسمت حبيبه بحماس وهي تعلم اهمية ربح المناقصه بالنسبه لمرام وياسر .. ا= نا معاكم وان شاء الله هنكسب المناقصه.. ساره بحماس مماثل.. = وانا كمان معاكم ..وهنكسب ونكس.ر الدنيا.. اشارت مرام لهم بالصمت وهي تخرج للخارج = إستنوا يا جماعه ..الظاهر في حد جه بره.. ابتسم ياسر وهو يقول براحه.. =حبيبه عاوزين نراجع الشغل بتاع قصر الرشيدي دا مهم اوي..انا عملت شوية تصميما.ت وعاوز اراجعهم مع تصميما.تك ونشوف هنختار ايه نعرضه عليهم وننفذه ابتسمت حبيبه برقه.. = انا جاهزه تحب نبتدي دلوقتي.. الا ان مرام قاطعتهم وهي تقول بتبرم = في واحده بره عاوزه تقابلك انت وحبيبه يا ياسر .. ياسر بتساؤل.. =واحده مين..مقالتش اسمها.. مرام بضيق واضح. =اسمها فيفي ..ومرضيتش تقولي هي عاوزه ايه ..طلبتك انت وحبيبه بالاسم.. اشار ياسر لحبيبه وهو ينظر لمرام بدهشه لتغيرها المفاجئ.. = طيب انا هاروح اشوفها عاوزه ايه..يلا يا حبيبه تعالي معايا.. ثم غادر الغرفه في حين مالت حبيبه على مرام تسئلها بدهشه .. =مالك وشك مقلوب ليه مرام بغيظ = روحي وانتي تشوفي بنفسك.. والا اقولك ..انا جايه معاكي مش هسيبه مع الهشك بشك دي لوحدهم.. انفجرت حبيبه وساره في الضحك في حين قالت مرام بغيظ =هاتيجي والا هتقعدي تكملي ضحك معاها.. مسحت حبيبه عينيها وهي تحاول السيطره على ضحكاتها .. =طبعا جايه..يلا بينا نشوف الهشك بشك الي عصبتك دي.. ثم توجهت معها الى احدى غرف المكتب الغير مستخدمه والتي تتميز بالاناقه ولا تستخدم الا في مقابلة الزبائن اصحاب الشأن.. لتجد ياسر يجلس على احد المقاعد في حين تجلس في مقابلته سيده في الاربعينيات من عمرها طويله ذات قوام ممشوق وشعر طويل اشقر مصبوغ.. ترتدي حذاء مرتفع ذو كعب رفيع و ثوب ابيض قصير جدا عاري ذو حملات رفيعه ضيق يبرز منحنايتها ولا يترك شئ للتخيل .. وقف ياسر وهو يشير لمرام وحبيبه بالدخول.. ثم اشار للسيده باحترام.. = مدام فيفي ..دي حبيبه زميلتي المسئوله عن التصميما.ت.. ومرام المسئوله عن الجزء العملي من الشغل.. ابتسمت فيفي وهي ترمق حبيبه باهتمام وتقييم ثم قالت برقه وهي تشعل سيجار رفيع وتضعه بين شفتيها المصبوغتان بلون احمر قاني.. = اهلا وسهلا..انا كنت لسه بشرح حالا لبشمهندس ياسر ..إني انا عندي نادي صحي كبير وكنت عاوزه اعمله ديكورات شامله.. ولما شفت الشغل الي عمله بشمهندس ياسر مع انسه حبيبه عجبني جدا .. وقلت اني اخيرا لقيت الي هينفذولي الشغل الي نفسي فيه ياسر بثقه.. = ان شاء الله هتلاقينا عند حسن ظنك .. ابتسمت فيفي برقه وهي ترمق ياسر باغراء وتقف وهي تقول بابتسامه رقيقه = انا متأكده يا بشمهندس والا مكنتش جيتلكم.. ثم اخرجت بطاقه من حقيبتها و اقتربت من ياسر حتى كادت تلتصق به وهي تقول بدلال .. = دا الكارت بتاعي عليه تليفوناتي وعنوان المكان ..ياريت تشرفني انت وأنسه حبيبه علشان تعاينوا المكان قبل ما تبتدوا تشتغلوا في التصميما.ت.. اختطفت مرام البطاقه من يدها وهي تبتسم برسميه.. = ان شاء الله كلنا هانيجي وهنعاين المكان مع بعض.. رفعت فيفي حاجبيها بدهشه ثم ابتسمت بسخريه.. =تشرفي يا حبيبتي..المهم عندي ان الشغل الي انا عوزاه يطلع زي ما انا عاوزه بالظبط .. ثم حملت حقيبتها وهي تقول بهدوء.. = سلام يا جماعه..هستناكم بكره عشان تبتدوا الشغل بسرعه.. تحرك ياسر معها حتى الباب الخارجي للشركه..وهو يتحدث معها عن التفاصيل تتابعهم عيون مرام التي تكاد تنفجر من شدة الغيظ.. في المساء.. جلست حبيبه على الفراش وهي تفرد كميه كبيره من الاوراق والمستندات امامها وتنظر الى جهاز الحاسوب الخاص بها تحاول بجد دراسة مشروع المناقصه التي يحاولون الفوز بها وهي تحاول تطبيق القليل مما تعلمته من دروس خاصه بالتصميما.ت ولكنها فشلت في النهايه من احراز اي تقدم لتقول بيأس.. =انا مش فاهمه اي حاجه..انا كان مالي ومال المناقصات والعقد دي كلها ..انا اخري اشتري كرسي يليق على سجاده مش مناقصات وكلاكيع.. رفع عمر حاجبه بدهشه بعد دخوله الى الغرفه و مشاهدته لها تكاد ان تغرق وسط الاوراق المتناثره على الفراش وسماعه لها وهي تتحدث مع نفسها بضيق.. فقام بخلع جاكيت بدلته واقترب منها يقبل وجنتها و يقول بمرح.. =اي يا حبيبي حابسه نفسك في الاوضه من ساعة ما رجعتي من الشغل ليه..وايه الورق دا كله.. حبيبه بضيق.. =دا ورق مناقصه المفروض ندخلها ومحدش فينا كلنا عنده خبره ومش عارفين نقارن بين المصرو.فات والي هنكسبه علشان منطلعش خسرانين من المناقصه دي.. ثم تابعت وهي تتأمل الاوراق بضيق.. =فكل واحد هيحط تصور وفي النهايه هناقش كله ونختار التصور الاحسن.. بس زي ما انت شايف..انا فشلت فشل زريع وحاسه اني مش فاهمه اي حاجه.. ابتسم عمر وهو يقول بحنان.. =وعشان كده متغدتيش لحد دلوقتي وحابسه نفسك هنا من ساعة مارجعتي.. ثم مال عليها وقبل وجنتها وهو ينهض .. =انا هدخل اخد حمام على السريع.. وارجعلك حالا نحل مع بعض اللغز الكبير ده.. ثم اشار لها وهو يقول بمرح =بس خلي حد يطلع لنا الغدى هنا لاني همو.ت من الجوع.. بعد قليل.. استلقى عمر بجانبها بعد ان انهى حمامه وارتدى ملابس منزليه مريحه وهو يقول باهتمام.. =وريني كده الاول كراسة الشروط .. ثم بدء بقرأتها باهتمام..وهو يوجه لها العديد من الاسئله ويدرس الاوراق التي امامه .. ثم بدء في الشرح لها بجديه وهدوء اكثر من مره دون ان يشعر بالملل حتى بدئت في استيعاب قليلا ..قليلا ما يشرحه لها حتى انتهوا من اعداد نقاط واضحه وقويه سيقوموا بالبناء على اساسها مع ساره المحاسبه الخاصه بشركتهم .. فصفقت حبيبه بيدها بطفوليه وهي تقبل وجنته بسعاده .. =واخيرا فهمت اللغوريتما.ت دي بتتكلم عن ايه..ربنا يخليك ليا يا حبيبي ..انت احسن مدرس في العالم.. ثم تابعت بسعاده =انا هاتصل بيهم علشان اطمنهم .. ثم تناولت هاتفها وبدئت تتكلم مع مرام وهي تحدثها بحماس شديد ثم تابعت =كلمي انتي ياسر وساره وعرفيهم لحد ما اقابلكم بكره.. ثم تابعت براحه =ماشي يا حبيبتي مع السلامه.. ابتسم عمر بسعاده وهو يتأمل فرحتها الطفوليه .. ثم نهض فجأه يلملم الاوراق و يزيل جهاز الحاسب الخاص بها وهو يقول باهتمام.. =يلا بقى يا حبيبي خلصنا شغل يبقى تدخلي تاخدب دوش وتتغدي علشان ترتاحي شويه قبل حفلة بليل.. ابتسمت حبيبه وهي تقبل وجنته وتقول بطاعه .. = حاضر يا حبيبي .. ثم دخلت الى الحمام وهي تدندن بسعاده.. بعد قليل .. جلست حبيبه بجانب عمر الذي قال بجديه.. =مينفعش كده يا حبيبه ..انتي مكلتيش حاجه.. هزت حبيبه رأسها برفض.. =والله انا مش بتدلع ياعمر بس حقيقي انا مش قادره وشكل الاكل قلب معدتي مش عارفه ليه.. تنهد عمر بضيق ثم حملها بين زراعيه..وهو يقبل وجنتها بحنان.. = انا مصدقك يا حبيبتي..بس مينفعش تفضلي يوم كامل من غير اكل انتي كده ممكن تتعبي حبيبه بتردد طيب ممكن اكل اي حاجه حادقه جبنه او مخلل ..اي حاجه من دي يعني.. سحب عمر الهاتف واتصل سريعا على المطبخ وأمرهم باحضار بعض انواع الجبن و قد قاموا بتلبية طلبه سريعا ..ليعود اليها ويجلس بجانبها وهو يقول باسترضاء وهو يتناول قطعه من الجبن =بصي انا هأكلك بنفسي ومش عاوز اي اعتراض ثم تناول قطعه من اللحم بالشوكه وقربها من فمها وهو يقول باهتمام انتي هتكلي معلقه من الاكل ده ووراه تاكلي حتة جبنه علشان تضيعي طعم الاكل الي مش عاجبك.. حبيبه برفض .. بس… عمر بصرامه شديده يحاول بها ترهيبها حتى تستجيب وتأكل دون اعتراض.. مفيش بس..بطلي دلع وافتحي بوقك.. فتحت حبيبه فمها بطاعه وتناولت الطعام تحت ضغط خوفها منه في حين حرص عمر على وضع القليل من الجبن في فمها وراء كل ملعقة طعام حتى يزيل الطعم من فمها.. حتى انتهت من تناول الطعام .. وعمر يقول برضا وهو يمسح فمها بمنديل ثم يحملها للفراش.. = اهو كده كويس .. أدينا كالنا و محصلش حاجه ودلوقتي بقى حاولي تنامي وترتاحي ساعه والا اتنين قبل حفلة بليل.. ثم قبلها من وجنتها بحنان وهو يغلق الضوء ويضمها بحمايه اليه و رأسها يستريح على زراعه و اصابعها تمر في خصلات شعرها بحنان شديد.. ضمت حبيبه نفسها اقرب اليه وعمر يقول بهدوء وهو يدلك اكتافها برقه محاولا بعث الراحه في جسدها =مقولتليش ..عملتي ايه في الشغل النهارده.. في حاجه جديده غير موضوع المناقصه.. ابتسمت حبيبه براحه وهي تقص عليه احداث يومها كما عودها دائما..فمن اول يوم لها في العمل وحتى الان وهو يحرص وبشده على ان تعتاد على ان تقص له كل احداث يومها في العمل وبالتفصيل.. عمر بجمود =وهاتروحوا امتى تعاينوا النادي الصحي ده.. حبيبه بنعاس.. =هنروح بكره انا ومرام وياسر.. ضمها عمر اليه بشده وهو يقول بحمايه.. =ماشي يا حبيبتي ..نامي انتي دلوقتي علشان تقدري تقومي مرتاحه.. ابتسمت حبيبه وهي تد.فن وجهها في صدره وتستسلم لنوم مريح في حين ظل هو بدون نوم وعقله يعمل في كل الاتجاهات.. في المساء .. وقفت حبيبه امام المرٱه تتأمل نفسها برضا وقد ارتدت الفستان الذي اختارته بعد ان قام المصمم باجراء بعض التعديلات عليه ليناسب ارتدائها للحجاب.. ثم ابتسمت برقه وعمر يقترب منها ثم يقبلها وهو يقول بحنان.. =زي القمر يا حبيبتي بس ناقصه حاجه واحده.. شهقت حبيبه باعتراض وهي تتراجع للخلف وتقول برفض وهي تراه يفتح صندوق مجوهرات صغير ويخرج منه طقم من الماس المرصع بالياقوت .. =انا مش هلبس مجوهرات ..كفايه اخر مره والي حصل فيها.. اقترب عمر منها ثم قال بجديه.. =وايه الي حصل اخر مره ومخوفك اوي كده.. التمعت عيون حبيبه بالدموع وهي تقول باختناق.. =انت عارف ايه الي حصل والي جيلان عملته فحتى لو كنت مش مصدقني فأنا.. عمر بهدوء .. =ومين قال اني مش مصدقك.. حبيبه بدهشه وغضب =يعني ايه مش فاهمه ..ولما انت مصدقني كنت بتعمل فيا كده ليه اقترب عمر منها وهو يتجاهل حديثها ويقول بهدوء =البسي المجوهرات يا حبيبه وكفايه كلام في الموضوع ده لحد كده حبيبه بتحدي =مش لابسه يا عمر ولو عاجبينك اوي البسهم انت.. اقترب عمر منها وهو يقول بهدوء خطر.. =بتقولي ايه..لو مش عاجبني اعمل ايه.. حبيبه بارتباك وخوف.. =انا مقصدش..بس انا مش عاوزه البس مجوهرات ويتقطعوا زي الي قبلهم والا يضيعوا دا انا كان قلبي هيقف من كتر الرعب وانا بلم في في العقد من على الارض ثم تابعت باحتجاج وهي تراه ينظر لها ببرود =تقدر تقولي كنت هعمل ايه لو فص او حته منه ضاعت او ملاقيتهاش أدارها عمر و بدء في وضع القلاده الماسيه حول عنقها وهو يقول بصرامه مقصوده .. =البسي يا حبيبه ..والي يتقطع يترمي واشتريلك الف غيره..ومش عاوز اسمع بعد.كده اي اعتراض على حاجه انا شريهالك ثم وضع الخاتم في يدها ثم السوار ثم رفع وجهها العابس اليه وهو يقول بهدوء.. =الي حصل ده ميتكررش تاني .. وحوار هتمو.تي من الرعب علشان عقد والا خاتم ضاع او اتكس.ر دا تمحيه من جواكي خالص.. انا بجيب المجوهرات دي لمجرد انك تتزيني بيها وهي والي اغلى منها كمان ميساووش عندي لحظة رعب بتحسيها عشان حاجه هايفه زي كده.. ثم اشار لها بغضب .. =اتفضلي قدامي علشان منتأخرش.. وقفت حبيبه بدون ان تتحرك.. ثم قالت باعتراض =عمر .. الا انه تجاهلها وخرج دون ان يلتفت اليها.. ضر.بت حبيبه قدمها في الارض وهي تقول بغضب.. = أوف .. كل حاجه لازم تتم زي ماهو عاوز وانا مش من حقي حتى اعترض .. ثم تنهدت بغضب وتبعته بسرعه الى الاسفل.. نزلت حبيبه الى الاسفل فوجدت جيلان تقف بجوار عمر وهي ترتدي فستان زهبي قصير جدا ومثير وترفع شعرها في قصه جميله عصريه وهي تنمسك بزراعه وتميل عليه باغراء.. لتشتعل حبيبه بالغيره الا انها كبحت جماح نفسها وهي تقول بغضب مكبوت =انا خلصت .. لسه قدامكم كتير.. نظرت جيلان لها بغضب وكره وهي تتأمل جمالها واناقتها الواضحه في حين قال عمر ببرود =اتفضلوا العربيه جاهزه.. توجهت حبيبه للسياره الا انها تفاجأت بجيلان تميل عليها وهي تقول بكراهيه واضحه =انا شايفه انك لبستي طقم مجوهرات جديد ايه محرمتيش من المره الي فاتت والا مش هامك و فكراه عقد من ابو تلاته جنيه.. من الي متعوده تلبسيه وعادي انه يتقطع او يضيع.. ثم تركتها واسرعت بالذهاب خلف عمر قبل ان يلاحظ تحدثها معها في حين وقفت حبيبه وهي تشعر بالغضب والتوتر يستولي عليها وهي تمرر يدها على العقد بتوتر و تفكر جديا في خلعه والذهاب بدونه..الا انها تراجعت وهي تلمح عمر يرمقها بغضب .. فأسرعت بالذهاب الى السياره التي وقف عمر بجوارها في انتظار مساعدتها للصعود للسياره.. بعد قليل .. وصلت حبيبه برفقة جيلان وعمر الى الحفل ووقفت بجانبه تستمع اليه وهو يتحدث مع بعض رجال الاعمال في حين تعرفت هي الى زوجاتهم وعقدت عدة صداقات معهم لتقول احداهم بمرح.. = بم انك مهندسة ديكور فلازم تعزمينا عندك ونشوف الديكورات والتغييرات الي نفذتيها في القصر يمكن نقلدك ونعمل زيها جيلان بحقد.. مين قالك ان القصر في حاجه هاتتغير انتي مش عارفه التحف والانتيكات الي فيه تساوي قد ايه ..علشان اي حد يغيره حبيبه برقه.. معلش ..اصل جيلان بتمو.ت في الانتيكات والتحف بس انا للاسف لاء بحب اعيش في بيت مبهج ومريح مش متحف..وعشان كده دايما انصحها انها تشتري تحف وتحطها في فيلتها علشان تحس انها مرتاحه ..اصل الناس ازواق وكل واحد بيحب يبقى بيته مناسب لزوقه ومرتاح فيه .. ابتسمت السيده وهي تنظر لجيلان التي امتقع وجهها من شدة الغضبوهي تقول برقه عندك حق وانا كمان زيك بحب البساطه ومبحبش التحف الكتير خصوصا لو فيه اولاد.. مالت جيلان على اذن حبيبه وهمست بتهكم .. اولاد ..اظن عمر مستحيل يسمح يكون له اطفال منك كده والا ايه يا حبيبه………….هانم صمتت حبيبه دون ان تجيب وقد امتقع وجهها وهي تتزكر فجأه انها قد توقفت منذ مده عن تناول حبوب منع الحمل التي كتبتها لها الطبيبه بناءٍ على طلب من عمر.. لتقضي الباقي من الوقت دون ان ترى او تسمع مايدور حولها وعقلها يدور في اتجاه واحد ماذا لو كانت قد حملت بالفعل دون ان تشعر…كيف ستتصرف وكيف ستواجه عمر وكيف ستكون ردة فعله خصوصا وهو قد اخبرها صراحة انه سيخيرها مابين الاجهاض وبين حرمانها من طفلها للابد ان اصرت على الاحتفاظ به.. لتهمس لنفسها بخوف وهي تجري حسابات معقده في رأسها.. اكيد…..اكيد انا مش حامل بلاش خوف يا حبيبه انا مش حامل لتتابع وهي تحاول طمأنة نفسها من بكره هشتري حبوب منع الحمل وهاخدها من تاني.. ثم همست بتأنيب وغضب من نفسها إزاي كنت غبيه ومعملتش حسابي .. ثم نظرت لعمر بخوف وهي تتخيل ردة فعله ان علم انها لا تتناول وسيله لمنع الحمل او ان اسوء كوابيسها قد حدث و انها قد حملت بالفعل… لتهمس برعب وهي تكاد ان تنهار =انا لازم اروح للدكتوره بكره.. لتلتقي عينيها الخائفه بعينيه المتسائله..وقد شعر بخوفها بدون ان تتحدث فاقترب منها وقد نسى غضبه منها وقال باهتمام =مالك يا حبيبه في حاجه يا حبيبتي ابتسمت حبيبه بارتعاش ثم قالت بخفوت وهي تنظر للارض ترفض النظر اليه =مفيش حاسه اني تعبانه شويه لف عمر يده حول خصرها وقربها منه وهو يقول بلهفه .. =تعبانه حاسه بايه.. حبيبه بهمس .. =مفيش بس حاسه اني دايخه شويه.. اشار عمر لجيلان للانصراف ثم قال باهتمام = طيب يلا بينا نروح ..يمكن محتاجه ترتاحي.. ثم غادر الحفل وتوجه بها الى السياره وهو يسندها ويلف خصرها بزراعه ..وسط نظرات جيلان الحاقده بعد قليل .. جلست حبيبه بجوار عمر وهي تشعر بانقباض وخوف الشديد فأغلقت عينيها وهي تسند رأسها على كتف عمر بتعب وكادت ان تستغرق في النوم الا انها فتحت عينيها فجأه وهي تقرر مصارحته بمخاوفها فهي لن تستطيع الصبر حتى تتأكد من عدم حملها او ان تعيش في دوامه من الخوف فيكفيها ما مرت به في السابق .. فهمست بخوف ورجاء =عمر انا كنت عاوزه اقولك على حاجه .. مال عمر يستمع اليها ثم قال باهتمام =في ايه يا حبيبه قلقتيني حبيبه بارتعاش وهي تنظر الى الجيلان التي تجلس وهي صامته تحاول الاستماع الى حديثهم الهامس.. = لما نوصل هبقى اقولك.. عمر بقلق.. =انا لسه هستنى لما نوصل اتكلمي يا في ايه .. حبيبه بهمس =مفيش بس..اقصد ..ان انا يعني نسيت اخد حبوب منع الحمل ضيق عمر عينيه ثم قال بهدوء حذر = قصدك انك نسيتي تاخديهم النهارده.. هزت حبيبه رأسها وهي تقول بشحوب =اقصد ..اني مخدتهمش من مده علشان احنا كنا .. انفصلنا وكنت فاكره انهم ملهمش لازمه اخدهم بعد كده عمر بغضب =يعني انتي تقصدي اننا من يوم مارجعنا لبعض وانتي مابتخديش حبوب منع الحمل..ولسه فاكره تقوليلي دلوقت والا بتحطيني قدام الامر الواقع ثم امر السائق بغضب فجأه = اطلع على مركز دكتوره ابتهال.. حبيبه بخوف =هنروح لدكتوره ابتهال في وقت متأخر زي ده ليه .. عمر بقسوه.. =هنروح للدكتوره وهتكشفي يا حبيبه ولو طلعتي حامل يبقى هتنزليه زي اتفاقي معاكي .. ثم تابع بقسوه شديده وسط نظرات جيلان الشامته وانهيار حبيبه في البكاء.. = مش عمر الرشيدي الي يتحط قدام الامر الواقع ويخلف من واحده غصب عنه خصوصا لو كانت الواحده دي مش من مستواه ومتنفعش تبقى ام ابنه.. الفصل الثاني والعشرون سيد _القمر_ الاسود عمر بقسوه شديده وسط نظرات جيلان الشامته وانهيار حبيبه في البكاء.. = مش عمر الرشيدي الي يتحط قدام الامر الواقع ويخلف من واحده غصب عنه خصوصا لو كانت الواحده دي مش من مستواه ومتنفعش تبقى ام ابنه.. انتفضت حبيبه فجأه وهي تفتح عينيها وتصرخ برعب ودموعها تسيل بدون توقف.. =لا يا عمر حرام عليك.. متعملش كده فيا مرر عمر يده بقلق مهدئآ على جسد حبيبه يحاول افاقتها من النوم وهو يقول .. =مالك يا حبيبه في ايه .. متخافيش دا مجرد كاب.وس .. ثم اضاف بخوف وهو يرى وجهها الشاحب شحوب المو.تى وهي تحاول التنفس بصعوبه .. =خدي نفسك يا حبيبتي..دا كاب.وس متخافيش فتنفست بعمق وهي تنظر حولها بدهشه وهي تدرك انها مازالت في السياره وان ماحدث كان مجرد كاب.وس وتجسيدا لمخافها.. فهمست بضعف وهي تقول ببكاء وأمل =انا كنت بحلم والي شفته دا كان كاب.وس مش كده.. ثم تمسكت بيد عمر وسط دهشته الشديده وهي تقول برجاء وضعف.. =انت استحاله تعمل كده فيا صح ..مش معقول بعد كل ده وتعمل كدا فيا.. ربت عمر على يدها مطمئنآ دون ان يدرك او يفهم ما تتحدث عنه ولكنه شعر بحاجتها للتطمين فأجاب بحنان وهو يمسح دموعها .. =لا ياحبيبتي انا استحاله اعمل اي حاجه تئذيكي.. ثم تابع بتأكيد وهو ينظر في عينيها .. =دا مجرد كاب.وس ياحبيبتي وانتي كنتي بتحلمي.. جيلان بغضب وتهكم.. =ما تفهموني ايه الالغاز الي بتتكلموا بيها دي .. انتم بتتكلموا عن ايه بالظبط.. ثم تابعت بسخط وهي تنظر لحبيبه بكراهيه.. =وبعدين انا مش فاهمه لازمته ايه الدلع دا كله ..ماقالك الي شفتيه دا حلم يعني مش مستاهله الدلع والعياط دا كله عمر بغضب.. =اخرسي ياجيلان ومتتدخليش في الي مالكيش فيه .. الا انه انتبه فجأه على حبيبه تقب.ض على يده بقوه وهي تضع يدها على فمها وتقول بضعف.. =عمر وقف العربيه بسرعه انا حاسه اني هاراجع.. امر عمر السائق بالتوقف ثم خرج مسرعآ بها الى جانب الطريق وهو يسندها من خصرها ويميل بها محاولا مساعدتها على التقيأ الا انها حاولت التخلص من يده وهي تقول بضعف وصوت متقطع بسبب نوبة التقيأ التي تهاجمها .. =معلش ابعد بعيد عشان خاطري.. ثم تابعت باحتجاج وهي تقاوم نوبة التقيأ بصعوبه بعد ان شعرت برفضه الابتعاد.. =ابعد يا عمر انت كده هتقرف.. عمر بجديه وهو يدعمها ويمرر يده على معدتها مهدئآ .. =يلا يا حبيبي انا معاكي ومتخافيش انا استحاله اقرف ..بس متقاوميش انتي كده بتتعبي نفسك اكتر.. شهقت حبيبه بارتعاش وحاولت الاعتراض الا ان مقاومتها قد انهارت وهي تتقيأ عدة مرات بقوه وعمر يدعمها بشده حتى انتهت وانهارت بضعف بين زراعيه .. فأشار لنادر الذي هرع اليه وهو يحمل زجاجه كبيره من الماء اعطاها لعمر الذي اخذها منه وبدء في غسل وجه حبيبه عدة مرات باهتمام حتى عادت لوعيها واستفاقت.. فبدء في وضع الزجاجه بالقرب من فمها لتغسل فمها بالماء عدة مرات وهو يمرر يده على ظهرها بتشجيع حتى انتهت .. جيلان بقرف و غيره وهي تتأمل اهتمام عمر الشديد بحبيبه.. =ايه القرف دا ..قلبتي معدتنا ..ولما انتي تعبانه جيتي الحفله ليه وقرفتينا معاكي.. نظر عمر بغضب شديد اليها ثم قال بصرامه وهو يشير لنادر.. =خلي حد من رجالتك يوصل جيلان للقصر.. جيلان باحتجاج .. =لاء طبعا مش ماشيه..انا معاكم لحد ما الست حبيبه ما تبقى كويسه.. عمر بغضب شدبد وصرامه اخافتها =جيلان لو فعلا خايفه على نفسك وعمرك تختفي دلوقتي من قدامي خالص والا متلوميش غير نفسك ثم اشار بغضب لنادر =ايه مسمعتنيش ..نفذ الي بقولك عليه.. ثم رفع وجه حبيبه اليه بحمايه وهو يتجاهل صوت صرخات جيلان الاحتجاجيه وهي تدخل الى السياره وتغادر بناءٍ على تعليما.ت عمر الذي مرر يده بحنان على وجه حبيبه وهو يهمس بتطمين وهو يشاهد وجهها الذي شحب بحرج وهي تستمع الى كلما.ت جيلان الجارحه.. =ها دلوقتي بقيتي احسن.. هزت حبيبه رأسها وهي تقول بتعب .. =بقيت احسن الحمد لله.. ابتسم عمر وهو يقول بحنان.. =طيب تحبي نقعد هنا على النيل شويه عشان تفوقي والا نراوح ترتاحي احسن.. حبيبه بتعب.. =لاء انا عاوزه اراوح .. حاسه اني تعبانه وعاوزه انام.. رفعها عمر بين زراعيه وحملها للسياره وهو يقول بحنان.. =خلاص يا حبيبتي الي انتي عاوزاه.. ثم دخل بها الى السياره يضمها اليه بحمايه وقلق وهو يشعر بها تندس بوهن بداخل احضانه وتغرق في النوم مره اخرى.. في الصباح.. إستيقظت حبيبه وفتحت عينيها بتعب لتجد عمر يجلس بجانبها وهو يبتسم لها و يقول بحنان.. =ها عامله ايه دلوقتي ياحبيبتي.. حبيبه بتعب وهي تتفادى النظر اليه.. =الحمد لله بقيت كويسه .. عمر بمرح.. =طيب يلا قومي فوقي كده و خدي دوش وتعالي علشان نفطر سوى.. حبيبه باختناق وهي تدير رأسها للجانب الاخر بتعب =معلش ياعمر انا مش قادره اكل اي حاجه دلوقتي انا بس حاسه اني لسه عاوزه انام.. مرر عمر يده في شعرها وهو يقول بقلق.. =حبيبه لو حاسه انك لسه تعبانه..اتصل حالا بالدكتور يجي يشوفك حبيبه بابتسامه مرتعشه.. =صدقني انا بقيت كويسه انا بس حاسه اني لسه عاوزه انام.. روح انت شغلك وانا هنام ساعه والا اتنين وهاقوم كويسه ابتسم عمر وهو يمرر اصابعه في شعرها بحنان.. =طيب براحتك يا حبيبتي بس مش ناويه تقوليلي حلمتي بايه خلاكي تنهاري بالشكل ده.. اغمضت حبيبه عينيها وهي تقول بارتعاش =دا كاب.وس وحش اوي ومش عاوزه افتكره تاني.. تأملها عمر بتفحص ثم قال بحسم =طيب انا مش هضغط عليكي دلوقتي ..بس بعدين اكيد هتحكهولي.. ثم تابع بهدوء =انا هاروح الشغل ساعه او اتنين بالكتير علشان عندي ميعاد مينفعش يتأجل وهارجع اقضي معاكي بقيت اليوم..تحبي اتصل بشغلك ابلغهم انك مش هتقدري تروحي النهارده.. حبيبه بارتباك =لا متتعبش نفسك انا هاتصل بيهم بنفسي.. تأملها عمر قليلا بصمت ثم ابتسم ومال عليها مقبلا جبينها بحنان.. =زي ما.تحبي يا حبيبتي..هاسيبك انا دلوقتي وانتي ارتاحي وكملي نومك ثم احاطها بالغطاء جيدا وغادر بعد ان اغلق انوار و باب الغرفه من خلفه بهدوء.. انتظرت حبيبه قليلا حتى تأكدت من مغادرته الغرفه ثم هبت واقفه بسرعه وهي تتجاهل الدوار الذي يلف رأسها و وقفت بجانب الشرفه تراقب بتوتر خروج عمر بسيارته من بوابة القصر تتبعه سيارات الحراسه.. فهرعت سريعا الى دولاب ملابسها تنتزع منه فستان وحجاب تابع له ثم توجهت الى الحمام وارتدتهم على عجل ودموعها تسيل بالرغم عنها.. فقالت وهي تحدث نفسها باصرار =لازم المره دي اتصرف صح ولو طلعت فعلا حامل يبقى لازم احميه من اي حد يحاول يئذيه او يحاول يحرمني منه حتى لو كان الحد ده هو عمر.. ثم اخرجت حقيبة يد كبيره وضعت بها كل أشيائها المهمه بطاقتها الشخصيه وعقد زواجها الرسمي من عمر و اوراق ملكية شقتها واوراق خاصه بحسابها في البنك.. ثم اخيرا البوم صور صغير يجمعها بعمر كذكرى اخيره منه في حالة ابتعادها و تأكدها من حملها … ثم نهضت وهي تحارب المها وتوجهت الى الاسفل وهي تحاول ان تتفادى رؤية جدة عمر او جيلان حتى نجحت في الوصول للسياره ووجدت السائق يجلس بانتظارها حبيبه بتوتر.. =صباح الخير يا عم متولي .. وقف السائق سريعا ثم فتح الباب لها وهو يقول ببشاشه =صباح الخير والهنا ياحبيبه هانم ..اتفضلي .. ثم اغلق الباب من خلفها وهو يقول بابتسامه هادئه.. =هانروح على شغل حضرتك .. حبيبه بتوتر.. =لاء واديني على وسط البلد اصل هقابل واحده صاحبتي هناك السائق باحترام وهو يبدء في القياده =حاضر يا افندم.. بعد قليل.. طلبت حبيبه من السائق ان يتوقف امام احد المطاعم وهي تقول بارتباك =بس هنا يا عم متولي واتفضل انت ارجع القصر وابقى ارجعلي كمان ساعتين.. السائق باحترام.. =حاضر ياهانم بس حضرتك عارفه ان عمر بيه مأكد عليا اني افضل مستنيكي في العربيه لحد ما تخلصي شغلك ..عشان يعني لو عوزتيني في اي حاجه حبيبه بابتسامه مرتعشه =ملوش لزوم تستناني انا هاقعد مع صاحبتي ساعتين وممكن اكتر فلو احتجتك هاتصل بيك.. السائق بطاعه .. =أوامرك ياهانم .. ثم قاد سيارته بتردد وانطلق بها في حين تنهدت حبيبه بتوتر وهي تنظر لاحدى العمارات التي تمتلئ بعيادات الاطباء لتختار احدى العيادات الخاصه بامراض النساء وتدخل اليها وهي تشعر بأطرافها تتثاقل من شدة الخوف.. بعد مرور نصف ساعه .. جلست حبيبه بشحوب تستمع للطبيبه التي قالت بدهشه.. =مالك يا مدام حبيبه حاسه بحاجه امتلئت عيون حبيبه بالدموع وهي تقول بوهن =لا ابدا انا كويسه الطبيبه باتهام بعد رؤية وجه حبيبه الممتقع والخائف بشده =انا شيفاكي ..يعني جايه لواحدك من غير جوزك ولا حد وكمان حاسه انك مصدومه وخايفه انك حامل هو انتي مش متجوزه والا ايه مسحت حبيبه دموعها وقالت باندفاع وهي تخرج قسيمة زواجها تعطيها لها.. =لا طبعا متجوزه وأدي قسيمة جوازي كمان .. نظرت الطبيبه لقسيمة الزواج ثم قالت باعتذار.. =معلش سامحيني بس انتي شكلك مش شكل واحده فرحانه بأول حمل ليها.. حاولت حبيبه النهوض و هي تقول بتعب.. =معلش اصل الحمل جه مفاجأه وانا وجوزي كنا متفقين نأجل شويه.. ابتسمت الطبيبه وهي تنظر الى شاشه مراقبه صغيره موجوده على مكتبها تراقب بها مايحدث بالخارج .. =ولا يهمك يا مدام حبيبه كلهم في الاول بيقولوا مش عاوزين اطفال بس بيغيروا رئيهم اول مايشيلوا النونو على ايديهم وتلاقيهم طايرين بيه من الفرحه.. ثم عقدت حاجبها وقالت بدهشه.. =في ايه بيحصل بره مين الناس دول.. سقط قلب حبيبه وشعرت بالفزع يتملكها وعقلها يخبرها ان عمر قد علم بمكانها فتحركت من مكانها وانضمت للطبيبه خلف المكتب ونظرت بفزع لاحد الحراس المسئولين عن مراقبتها وحمايتها يتحدث بصحبة حارس اخر مع الممرضه التي تجلس في الخارج بغضب تمسكت حبيبه بيد الطبيبه وقالت برجاء وهي تدرك ان عمر عما قريب سيصل هو الاخر =ارجوكي ساعديني ومشيني من هنا قبل ما يشوفوني .. الطبيبه وهي تنظر للشاشه امامها بقلق وحيره .. =انا مش فاهمه حاجه دول مين وانتي خايفه منهم كده ليه حبيبه بخوف وهي تبكي =دول شغالين عند جوزي الي لو عرف اني حامل هيجبرني اني انزله..ارجوكي ساعديني وخرجيني من هنا قبل مايشوفوني.. الطبيبه بغضب.. =ينزل ايه هي سايبه طيب انا هتصل بالبوليس و…. ثم قطعت حديثها وهي تشاهد بدهشه شديده غرفة الاستقبال تمتلئ باجساد عضليه ضخمه ترتدي بدل سوداء وهم يتحدثون بغضب مع العاملين الموجودين بالخارج .. فنظرت لحبيبه بتعاطف ثم قالت =بقى كل دول بيشتغلوا عند جوزك وبيدوروا عليكي ..عموما انا مش عارفه هتقدري تهربي منه إزاي..بس انا هساعدك تخرجي من هنا ..تعالي.. تبعتها حبيبه سريعا وبخوف الى باب جانبي مخفي باحترافيه مرسوم باحترافيه بصور اطفال صغيره يظهر وكأنه لوحه كبيره معلقه يقود الى غرفة تعقيم صغيره .. ثم الى باب خاص بالعمليات الجراحيه النسائيه الصغيره والذي قادها لباب اخر لغرفة انتظار مرضى العمليات ومنه الى باب خلفي للعماره.. واشارت الطبيبه الى الدرج وهي تقول بعمليه .. =انزلي على السلم بلاش تستخدمي الاسانسير..وعموما احنا في الدور التاني يعني مش هتتعبي.. مسحت حبيبه دموعها و هي تشكر الطبيبه …وتنزل على الدرج بسرعه وهي تتلفت حولها بخوف حتى وصلت الى باب العقار والذي قادها الى شارع جانبي خالي فأسرعت تغادر المكان وهي تكاد تركض.. وهي تشير بخوف ولهفه الى العديد من سيارات الاجره حتى استاجابت احدهم فدخلت اليها وهي تقول بخوف وهي تتلفت خلفها خو.فا من ان يكون هناك ان يتعقبها.. =محطة القطر يا اسطى .. في نفس التوقيت .. وقف نادر امام الطبيبه وهو يقول بغضب وصرامه.. =بصي بقى يا ست انتي انا بكلمك بعقل وهدوء من الصبح.. مدام حبيبه كانت هنا ودا انا متأكد منه ومخرجتش من عندك يبقى راحت فين الطبيبه ببرود =انا معرفش انت بتتكلم عن ايه حبيبه مين ..وانت مين اصلا وبتسأل عنها ليه ولكن قبل ان بجيب دخل عمر الى الغرفه واتجه اليها فورا وهو يقول بغضب شديد.. =اسمعي هما كلمتين وتردي عليهم فورا ومن غير كدب والا انت الي هتبقي مسئوله عن الي هيحصلك.. .. نظرت الطبيبه اليه بتوجس وهو يكمل بغضب =حبيبه مراتي كانت عندك وده انا متأكد منه لاني راجعت الكاميرات الي انتي حطاها هنا.. سؤالي هو …هي عرفت انها حامل وعشان كده هربت..والا انتي مقدرتيش تقرري هي حامل والا لاء علشان لسه في اوله وهي لسه احد دلوقتي متعرفش انها حامل.. الطبيبه بدهشه.. =هو انت عارف انها حامل ..طب ليه هي كانت منهاره وخايفه بالشكل ده وطلبت مني اهربها اغمض عمر عيونه بألم بعد ان تأكد من حديث الطبيبه ان حبيبه علمت بالحمل وانها قد هربت خو.فا منه وخو.فا من ان يجبرها على اجهاض طفلهم كما كان يهددها في السابق.. ثم اشار لنادر وقال بصرامه وهو يحاول السيطره على مشاعره.. =عاوزك تقلبلي مصر حته..حته عليها لحد ما.تلاقيها .. ثم تابع بتوتر وتحذير.. =و اوعى حد بعرف انها هربت او اننا مش لاقينها..وانها دلوقتي من غير حراسه ربت نادر على كتف عمر وقال بثقه .. =متقلقش يا عمر بيه ان شاء الله حبيبه هانم هتنام في ببتها النهارده.. ثم جمع رجاله وبدء في تقسيمهم والتحدث في الهاتف مع بعض مصادره في حين نزل عمر سريعا وتوجه الى سيارته وهو يتوجه الى مقر عمل حبيبه .. في نفس التوقيت… جلست حبيبه الى مقعد في محطة القطار وهي تشعر باليأس يستولي عليها.. تنظر الى شباك التزاكر بوجع وهي تفكر بألم لا يوجد مكان ممكن ان تذهب اليه او احد ممكن ان تلجأ له..فهي وحيده ..وحيده جدا .. فأغمضت عينيها بتعب شديد وهي ترجع رأسها للخلف والدوار يشتد بها فهي تركض من الصباح من دون اي طعام او شراب وتشعر بأنها على وشك التعرض الى الاغماء فحاولت فتح عينيها الا انها فشلت وهي تشعر بوعيها يتسرب منها وتغرق في نوم اشبه بالغيبوبه .. في نفس التوقيت.. وصل عمر الى مقر عمل حبيبه وتوجه فورا الى المكتب الذي يضم مكاتبهم جميعا … وقال بلهفه .. =انسه مرام لو تسمحي كنت عاوز اتكلم معاكي.. عقد ياسر حاجبيه وغضب ثم قال بجديه .. =اهلا وسهلا ياعمر بيه بس لو كنت عاوز تناقش حاجه في الشغل فممكن تناقشها معايا.. تجاهله عمر وهو يسحب مرام التي اصابهاالدهشه من زراعها وهو يقول بسرعه.. =تعالي معايا وانا افهمك… الا ان ياسر حاول سحب يده من حول زراع مرام وهو يقول بغضب.. =انت اتجننت والا ايه ..شيل ايديك بعيد عنها.. تجاهله عمر وهو يحاول التحدث الى مرام التي وقفت تنظر اليهم بحيره الا انها تفاجأت بياسر يزيحها جانبا وهو يقول بغيره وغضب شديد =قلتلك متلمسهاش ايه مبتسمعش واتفضل من غير مطرود من هنا وشغلك شوف مكتب ديكور تاني يعمله التفت عمر اليه فجأه لكمه في وجهه بقوه شديده.. لكمه اودعها كل غضبه وتوتره فتسببت في وقوع ياسر ارضا ونزيف انفه وفمه بغزاره ..وسط صرخات ساره و مرام التي اندفعتا الى ياسر تحاولان مساعدته على النهوض.. ومرام تصرخ بغضب =ايه الي انت عملته ده انت مجنون اتفضل من هنا والا هطلبلك البوليس.. عمر بيأس وخوفه من ان يصل اعدائه لحبيبه قبل ان يصل اليها مسيطر عليه =انسه مرام..حبيبه في خطر وانتي الوحيده الي تقدري تساعديني اني اوصل ليها… وقف ياسر وهو يترنح ويمسح الد.ماء عن فمه ووجهه ويقول بتساؤل… =وانت ايه دخلك بحبيبه وعرفت منين انها في خطر… عمر بفروغ صبر.. =حبيبه تبقى مراتي..وحصل بيني وبينها سوء تفاهم خلاها تسيب البيت وللاسف انا ليا اعداء لو وصلوا ليها قبلي ممكن يئذوها.. ياسر بصدمه .. =مراته…وانتي كنتي عارفه يا مرام وكنتم بتكدبوا عليا.. مرام بغضب .. =مش وقت الكلام ده دلوقتي يا ياسر.. ثم نظرت لعمر بخوف.. =انا ممكن اساعدك ازاي ياعمر بيه.. عمر بلهفه .. =عاوزك تتصلي بيها بالتليفون وتحاولي تتكلمي معاها و تعرضي عليها مساعدتك وتعرفي هي فين ولو رفضت تقولك يبقى على الاقل طولي في المكالمه على قد ما تقدري وانا هعرف اوصلها بطريقتي .. مرام بارتباك.. =حاضر .. عمر بجديه =طيب ممكن تديني التليفون بتاعك اخرجت مرام هاتفها واعطته لعمر الذي قام بادخال كود معقد عليه ثم اجرى منه مكالمه وقال باهتمام.. =ها يا نادر ..كله تمام ..طيب كويس ثم انتظر قليلا واغلق المكالمه واعطى الهاتف لمرام وهو يقول باهتمام .. =اتصلي بيها ولو ردت عليكي متحاوليش تبيني انك عارفه اي حاجه وانا هكون في عربيتي وسامع مكالمتكم وهحاول احدد مكانها واوصل لها بسرعه هزت مرام رأسها موافقه وهي تقول باصرار = بس انا هاجي معاك مش هقدر اقعد هنا من غبر ماعمل حاجه وانا عارفه انها متعرضه للخطر.. في حين قال ياسر بجديه =وانا كمان جاي معاكم علشان اطمن على مدام حبيبه واطمن انها رجعت بيتها بالسلامه… هز عمر رأسه موافقا ودخل الى سيارته وتبعته مرام وياسر..ثم بدئت في الاتصال بحبيبه والتوتر يسود المكان حتى اتاها صوت حبيبه المتعب وهي تقول بضعف.. =ايوه يا مرام انا اسفه ان مقدرتش اجي الشغل النهارده بس انا كان عندي ظروف والظاهر مش هقدر اكمل معاكم اشار عمر لها بالاستمرار بالحديث وهو يستمع الى مكالمتهم عن طريق هاتفه.. مرام بتوتر .. =ليه كده بس يا حبيبه هو احنا زعلناكي في حاجه…والا لقيتي شغل في مكان احسن من عندنا… مسحت حبيبه عينيها بألم وهي تتأمل المكان حولها بخوف بعد ان اقترب الليل من الحلول.. =ابدا والله يا مرام انتي عارفه انا بحبكم وبحب شغلي معاكم قد ايه .. بس غصب عني في ظروف اجبرتني اني اسيب المكان وامشي.. ضغط عمر على شفته بغضب من نفسه الا انه تفاجأ بهاتفه الاخر يرن ونادر يمليه عنوان المكان المتواجده به حبيبه ثم يقول بجديه =انا اتحركت فعلا على هناك با عمر بيه لان جاتلي معلوما.ت ان صادق عرف ان مدام حبيبه هربت ومن غير حراسه وهو بيخطط لأزيتها.. استدار عمر بسيارته بقوه وسرعه وهو يقطع الطريق بطريقه متهوره عكس اتجاه السيارات ..حتى استطاع الوصول الى طريق مختصر للمكان المتواجده به حبيبه وهو يقول لنادر بغضب.. =هو قدر يعرف مكانها ..والا عرف انها من غير حراسه بس .. نادر بضيق .. =للاسف قدر يعرف مكانها من الفيزا كارد الظاهر سحبت فلوس من الفيزا الي في محطة القطر وهو قدر يحدد مكانها عن طريقها ..بس متقلقش كلها دقيقتين تلاته بالكتير وهنكون عندها.. عمر بغضب شديد .. =والله لاخليك عبره لمصر كلها يا صادق بس اطمن على حبيبه الاول.. ثم اغلق هاتفه ثم قاد السياره بجنون وهو يعود للاستماع لحديث مرام مع حبيبه..وهو يشتعل من شدة الغضب فلاش باك.. وقف سائق حبيبه يتحدث بتوتر في هاتفه.. دون ان ينتبه لجيلان التي وقفت بالقرب من سيارتها تستمع اليه وقد لفت نظرها حديثه الغامض =الحمد لله يا نجيبه انا اول ماسيبتها بلغت عمر بيه علطول..بس ادعي انه يلاقيها ..دي طيبه اوي و بتعاملني احسن معامله.. ثم تابع بعد ان صمت قليلا =انا قاعد اهوه مستني اي اخبار عنها ولما اعرف حاجه هطمنك مع السلامه انتي وخدي بالك من العيال.. ثم اغلق الهاتف وجيلان تبتسم بقسوه وهي تدخل الى سيارتها وتعيد الاتصال بصادق.. صادق بترحيب مبالغ فيه.. =جيلان هانم دا ايه المكالمه السعيده دي.. جيلان بغضب .. =اسمع يا صادق انت عارف ان المناقصه إتأجلت وهتتعمل كمان اسبوعين فلو عاوزني اكمل اتفاقنا فانت كمان تنفذ الي هطلبه منك.. صادق ببرود… =إئمريني ياهانم… جيلان بقسوه.. =ت.. البت الي اسمها حبيبه وتخلصني منها.. صادق بسخريه =وده اعمله ازاي وهو حاطط عليها حراسه ولا حراسة ملكة بريطانيا.. جيلان بشما.ته .. =لا ماهي هربت من الحراسه وهو نفسه لسه بيدور عليها. .. صادق بغضب =وان كان عمر الرشيدي بجلالة قدره مش قادر يلاقيها يبقى انا الي هاقدر الاقيها.. جيلان بغضب =ايوه هتلاقيها وتخلصني منها دا لو عاوز اتفاقنا يكمل… ثم اغلقت الهاتف في وجهه بغضب وصادق ينظر للهاتف باحتقار ثم بثق عليه وهو يقول بتأفف =اصلها كانت ناقصه بنت المجنونه دي هي كمان.. ثم تنهد بضيق وهو يجري اتصالاته محاولا العثور على حبيبه ..حتى جائه اخيرا اتصال هاتفي من احد رجاله الفنيين يخبره بقيام حبيبه باجراء سحب نقدي من احد ماكينات الصرف باحدى محطات مصر .. ليجري على الفور اتصالا برجاله أمرهم فيه بضرورة التخلص من حبيبه… ثم اغلق الهاتف بتوتر وهو يخشى تبعات فعلته ورد فعل عمر عليها.. عوده للحاضر .. قاد عمر سيارته بسرعه مجنونه وهو يستمع الى حبيبه وهي تتحدث مع مرام بتعب وصوت واهي ضعيف =انا اسفه يا مرام بس انا هضطر اقفل معاكي علشان القطر بتاعي خلاص وصل مرام برجاء =بلاش يا حبيبه علشان خاطري عمر بيحبك والله … ليتحدث عمر اخيرا وهو يقول بتوتر شديد..في حين توقفت هي عن الحركه وهي تستمع اليه يقول برجاء شديد =حبيبه اسمعيني كويس يا حبيبتي انا اسف ..اسف على كل حاجه عملتها بجبروتي وقسوتي واتسببت في أذيتك وخلتك مش واثقه فيا بس دا مش المهم دلوقتي يا حبيبتي انا عاوزك تروحي نقطة الشرطه الي عندك وتقعدي فيها لحد ما اجيلك.. وقفت حبيبه تنظر للقطار بضعف وهي تستمع لعمر يصرخ فيها برجاء =اعملي الي بقولك عليه ..صادق عرف مكانك وانتي مش في امان دلوقتي ارتعبت حبيبه وهي تتلفت حولها وعمر مازال يصرخ فيها.. =انتي سمعاني يا حبيبه ردي عليا.. حبيبه بهمس ودموعها تسيل وهي تتلفت حولها =سمعاك يا عمر.. عمر محاولا بث الطمئنينه فيها. . =طيب اعملي الي بقولك عليه ومتخافيش يا حبيبتي انا قربت اوصلك بس منقفيش لواحدك روحي لنقطة الشرطه الي عندك وانا ثواني وهكون جنبك.. تلفت حبيبه حولها بخوف وهي تدرك ان المكان هادئ اكثر من المعتاد..فقالت بألم .. =عمر انت مبتضحكش عليا وبتعمل كده علشان توصلي وتعمل الي هددتني بيه زمان .. هتنزل البيبي زي ماشفتك عملت في الحلم عمر بعش.ق وندم =وحياتك عندي يا حبيبه انا مبكدبش عليكي بس اسمعي الكلام واعملي الي بقولك عليه . حبيبه بعناد وهي تضع يدها على بطنها بحمايه =لاء احلف بحياة جدتك وانا اصدقك. عمر بغضب =اسمعي الكلام ونفذيه يا حبيبه ده مش وقت الكلام ده خالص.. صمتت حبيبه دون ان تجيب ليصرخ بها عمر بنفاذ صبر =وحياة جدتي انا مبكدبش عليكي ولا هئذيكي ولا هئذي ابننا.. ولا حتى هبعده عنك بس اتحركي.. شعرت حبيبه بصدق حديثه فقالت وهي تبحث بعينيها عن مكان اقرب نقطة شرطه اليها لتصطدم عينيها بثلاثة رجال اشداء يحملون سلاح تحت ملابسهم ويبحثون عنها بأعينهم ارتمت حبيبه ارضا وزحفت بخوف نحو حمام الرجال الاقرب اليها وهي تهمس لعمر بخوف شديد… =هما هنا ..هنا يا عمر وبيدورو عليا… عمر بغضب مجنون =انتي فين دلوقتي ياحبيبه همست حبيبه برعب كاد ان يوقف قلبها وهي تستمع لخطواتهم تقترب منها.. =انا في حمام الرجاله الي قصاد محطة قطر الصعيد .. ثم همست برعب وهي تستمع في الهاتف الى صوت اطارات سيارة عمر وهي تحتك بقوه شديده بالاسفلت من شدة سرعتها =بلاش تسوق بالشكل ده يا عمر العرببه ممكن تتقلب بيك عمر بهمس غاضب =اسكتي يا حبيبه وحاولي متعمليش اي صوت لحد ما أوصلك.. حبيبه وهي تصغي جيدا فلا تسمع اي صوت =مفيش صوت الظاهر مشيوا وبعدوا عن هنا الا انها صرخت برعب والباب يفتح عليها فجأه بعد ان ركله احدهم بقوه وهو يوجه سلاحه النا.ري نحو رأسها ويقول بانتصار… =اخيرا لاقيناكي … ثم انطلقت منه رصا,صه موجهه نحو هدفها بدقه شديده ..
