سيد القمر الأسود 3

= (احدفها في البحر تلحق بامها وابوها اهي تستريح وتريح)

الفصل الخامس عشر
سيد_ القمر _الاسود
في نفس التوقيت..

خرج عمر من غرفته ابعد انتهائه من الاستحمام وارتداء ملابسه ثم توجه الى الخارج في طريقه لتناول طعام الغداء..
ليجد جيلان تجلس الى طاولة الطعام في كامل أناقتها..

عمر بهدوء وعينيه تبحث عن حبيبه

=هي حبيبه فين مش هتتغدى والا ايه

ابتسمت جيلان برقه وهي تقول بدهشه مصطنعه

=معرفش هي مش معاك..

عقد عمر حاجبيه بحيره ..

=لا مش معايا..

ثم ابتسم بمرح

=هروح أصالحها تلاقيها زعلانه ومش عاوزه تاكل ..

ثم تابع بهدوء وهو يتجه الى بركة السباحه
=خليهم يجهزوا الغدا وانا هاروح أجيبها..

ثم نظر الى المكان المفضل لها والذي كانت تقضي معظم وقتها به فوجده خالي منها
فعقد حاجبيه وهو يقول بحيره

= هي راحت فين..

ثم تابع بحيره

=تكون دخلت نامت في اوضه تانيه غير اوضتنا

فالتفت للبحث عنها الا انه لمح بطرف عينيه وجود شئ يطفوا داخل بركة السباحه
فضيق عينيه وهو يتجه اليه بتساؤل
ليشهق فجأه هو يقول بفزع

=حبيبه..

فلم يشعر بنفسه الا وهو يقفز برعب بداخل بركة السباح يرفعها بين زراعيه
يخرج بها من الماء ويضعها ارضا ..وقد هاله رؤية وجهها الذي تحول الى الابيضاض المشوب بالزرقه وقد توقفت عن التنفس
عمر برعب لم يشعر به من قبل وهو يتحسس نبضها الذي توقف عن العمل ..

=لاااا الي بيحصل ده مش حقيقي.
مش حقيقي..فوقي يا حبيبتي متسيبنيش انا ..انا اسف

ثم اغلق انفها بسرعه وبدء في النفخ في داخل فمها وهو يضغط على صدرها بقوه بغية انعاش قلبها مره اخرى واعادته للعمل..

وهو يقول بخوف حقيقي وقد بدأت دموعه بالنزول بالرغم عنه

=فوقي يا حبيبتي ..فوقي .. انا اسف .. متسيبنيش انا كنت غبي بس مش ده العقاب الي استحقه اعملي فيا اي حاجه الا كده

ثم اعاد عملية الانعاش القلبي التي يجريها مره تلو الاخرى

في حين وقفت جيلان تتابعه بشما.ته وقسوه ثم ابتسمت وهي تقترب منه تمثل الفزع

=في ايه يا عمر حبيبه هي مالها..

عمر بلهفه وهو يعيد عمل الانعاش القلبي لحبيبه بدون توقف ودون اي استجابه منها..

=اتصلي بنادر خليه يجيب الطياره ويجي بسرعه عرفيه ان حبيبه محتاجه تتنقل المستشفى..

ثم صرخ بها بغضب عندما وجدها لا تتحرك ..

=قلت بسرعه ايه مبتفهميش..

انتفضت جيلان واسرعت الى هاتفها تنفذ اوامره..