بعد جوازي بشهرين جوزي الم,يت ظهر
بعد سفر جوزي بسنة ونص عرفنا أنه ما.ت في حا.دثة ، وبعدها قعدت أربي العيال أربع سنين .
و يوم ما فكرت اتجوز ، أتفاجئت بجوزي الأول رجع بعد جوازي بست شهور .
حكايتي بدأت لما سعيد جوزي ضاق به الحال وفكر في السفر ، ورغم أني كنت رافضة لأني مش عاوزاه يبعد عني وعن أولاده الاتنين لكن الظروف أضطرتني أوافق .
قالي أنه هينزل أجازة شهر كل سنة ، عدت سنة وقالي أنه مش هيقدر ينزل أجازة قبل سنة كمان وانه كله لمصلحتنا أحنا والاولاد .
وافقت وكنت متضايقة لكن صبرت وقولت زي ما عدت السنة اللي فاتت هتعدي السنة اللي جاية .
لكن بعد شهور أتفاجئت بتليفون من أحد زمايله هناك بيتصل وبيقولي أنه أتعرض لحا.د،ث وما.ت .
طبعا كانت صد،مة شديدة ، حاولت أني أرجع ج،ثته عن طريق السفارة لكن عرفت انه أند،فن هناك .
الكل بما فيهم أخواته اتفقوا بعدم ضرورة أسترجاع ج،ثته خصوصاً أن نقلها هيتكلف مبلغ كبير .
أستخرجنا شهادة وفاة للمرحوم و الكل نصحني أني أتجوز لأني لسه صغيرة لكن أنا خو،فت عليهم و قولت أربي أولادي بالدنيا كلها ومش هفكر في جواز تاني .
وكل فترة كان يتقدملي عريس وكنت برفض و من اللي أتقدمولي أخو جوزي وابن عمي و رجالة تانيين من المعارف والجيران ، وكل مرة كنت برفض مهما كانت الأغر،اءات .
وعدت أربع سنين علي نفس الحال ، لغاية ما في يوم روحت أصرف المعاش وعرفت أن المعاش أتوقف .
روحت إدارة المعاشات وحصلت مشادة كلامية بيني وبين ” صبري ” الموظف اللي هناك ، لكن الغريب إن بعد إنتهاء المشكلة وحلها حصل إعجاب متبادل ، ولأول مرة أحس أني ممكن أفكر في الجواز بعد المرحوم .
صبري عرض عليا الجواز وأتعهد أنه هيراعي اولادي ويعاملهم بالظبط كأنه أبوهم وبصراحة أنا صدقته .
وفعلا أتجوزنا وفعلا كان طيب وحنون جدا علي الأولاد .
وحصل حمل و كنت خا،يفة أنه بعد ما اخلف منه معاملته تتغير مع الأولاد لكن قالي أنه مستحيل يفرق بين ابننا لما ييجي وبين أولادي خاصة أنه بيحبهم جدا .ارث
وبعد جوازنا بست شهور وكنت حامل في أربع شهور وأثناء وجود جوزي صبري في شغله جرس الباب رن ، روحت فتحت الباب شوفت سعيد جوزي الأول قدامي !!!!!!!!
كنت مش عارفة أنا صاحية ولا نايمة ، في حقيقة ولا بحلم !! مش قادرة أستوعب الموقف .
أول لما فتحت الباب شوفته بيضحك لكن لما بص علي بطني وشافني حامل وشه اتغير ومسكني من دراعي وكان هيضر،بني ، لولا أني قولتله أني أتجوزت ، ساعتها وقف مندهش مش عارف يتكلم ولا يقول أيه ، وأنا بعد ما أستوعبت الصد،مة قولتله علي اللي حصل من بداية ما عرفنا أنه ما.ت لغاية ما اتجوزت صبري .
