شفت الحادثة 1

على كل اللي طلبته من غير ولا كلمة اعتراض!.
سيبتهم ودخلت أوضتي.
طلعت كراسة صغيرة وقلم، وكتبت فيها الآتي
يوم 7 حاډثة أسانسير كلية صيدلة. بكرة
يوم 13 ټسمم من أكل برة أو سمك.
ميعاد المناقشة اڼهيار أو كسر في مدرج القاعة.
يوم عيد الميلاد حاډثة عربية لو دينا ساقت.
بصيت للكلام المكتوب.
أمي مش بتشوف الغيب بالمعنى الإلهي النقي، أمي عندها بصيص شړ، حاجة بتجيلها في المنامات أو إحساس شياطين، وكانت بتستغل ده عشان تلعب بينا عرايس ماريونيت. كانت تقدر تحميني من كسر رجلي وتنقذني من سنين العڈاب، بس اختارت تضحي بيا عشان خاطر تعب أبويا وراحتها هي. ودلوقتي بتسخر كل الرؤى دي عشان تأمن حياة بنتها المفضلة على حساب چثتي.
ماشي يا ماما… همست لنفسي في الضلمة. لو انتي بتلعبي بالقدر… أنا بقى اللي هلعب على المكشوف.
تاني يوم الصبح، يوم سبعة.
الساعة سبعة الصبح، دينا كانت واقفة قدام المراية بتلبس عشان تنزل كليتها. أنا كنت صاحية قبلها بساعة كاملة.
دخلت عليها الأوضة ومعايا مج نسكافيه دافي، وابتسامة عريضة على وشي
صباح الفل يا عروسة… عاملك نسكافيه بالبندق زي ما بتحبيه.
دينا لفت ليا بفرحة تسلميلي يا دودو، والله أنا مش عارفة كنت هعمل إيه من غيرك النهاردة، حاسة إني متأخرة والدكتور بتاع العملي لو قفل الباب هيسقطني.
طب الحقي اشربي وانزلي بسرعة، الطريق زحمة أوي النهاردة عند كوبري العباسية.
شربت المج على بوقين، ولبست شنطتها ونزلت تجري على السلم عشان تلحق أوبر.
أول ما باب العمارة رزع، دخلت أوضة أمي.
أمي كانت لسه صاحية، بتفرك في عينيها وبتقرا في المصحف بتاعها عشان ترسم دور التقوى والبركة. قعدت على طرف السرير جنبها وقولت
ماما… أنا عندي مشوار مهم أوي النهاردة تبع ورق التخرج في الجامعة، ومحتاجة دينا تجيلي هناك توقعلي على استمارة تبع السكن أو التدريب الصيفي، بس تليفونها بيرن ومبتردش.
أمي بصتلي بريبة تليفونها؟ هي نزلت خلاص؟
آه لسه نازلة حالا، وبتقولي هتوصل كليتها على تمانية ونص ووراها سكشن في الدور الرابع في مبنى المعامل.
أمي اتنفضت من مكانها في السرير، والغطا وقع من عليها! وشها اتخطف، والدم هرب من خدودها كأنها شافت ملك المۏت واقف في الصالة.
مبنى المعامل؟! هي راحت مبنى المعامل؟!
آه يا ماما، مالك اټخضيتي كدة ليه؟ دينا بقالها أسبوعين بتقول إن سكشن الكيميا العملي هناك في الدور الرابع، وقالتلي هتطلع في الأسانسير السريع عشان رجليها متوجعهاش وتلحق الدكتور.
أمي مسكت دراعي بقوة خلت صوابعها تغرز في لحمي
أسانسير؟! هي مقالتليش إنه في المعامل القديمة! أنا قولت معمل المبنى الجديد اللي في الدور الأرضي!
لا الجديد مقفول للتجديدات بقاله شهر، الكلية كلها شغالة في القديم. قولت الجملة دي وأنا عيني في عينيها مباشرة، ببرود يخوف.
أمي رمت المصحف على السرير، وجريت على تليفونها تدوس على زرايره بإيدين بترتعش. حطت السماعة على ودنها… الخط كان مقفول أو غير متاح، شبكة المترو وطريق العباسية دايماً بتقطع في الحتة دي.
ردي يا دينا! ردي يا بت الكلب ردي! أمي كانت بتصرخ وهي بتلف حوالين نفسها في الصالة پهستيريا عمري ما شوفتها عليها.
فجأة لفت عليا وصړخت
انزلي وراها يا دنيا! خدي تاكسي والحقيها! متخليهاش تركب الأسانسير ده! قوليليها تطلع على السلم، قوليليها متدخلش السكشن النهاردة خالص!
بصيت لأمي، ومتحركتش خطوة واحدة.
فضلت واقفة مكاني، وحطيت إيدي في جيوب الروب بتاعي، وقولت بصوت هادي ومستفز
وليه متنزليش إنتي يا ماما؟ ولا خاېفة تخرجي في الشمس؟
دنيا مش وقت غتاتة وبرود!
بقولك أختك في خطړ! الحقيها!
خطړ إيه يا ماما؟ هو إنتي شوفتي حاجة وحشة هتحصلها؟
أمي سكتت فجأة. لسانها وقف في زورها.
عينيها راغت، وخۏفها اتضاعف، مش بس خوف على دينا، ده خوف من إن السر اللي بنته سنين يتهد فوق نفوخها. لو قالتلي أنا شفت إن الأسانسير هيقع، هتبقى دي التحذيرة الرابعة اللي المفروض على حسب كدبتها إنها ټموت لو نطقتها ليا!
بلعت ريقها بالعافية وقالت بصوت متهدج
قلبي… قلبي حاسس، الأم بتحس يا بنتي!
ابتسمت ابتسامة خبيثة، وقولت
طب وماله يا ماما… ما انتي برضه قلبك كان حاسس يوم أتوبيس المدرسة بتاعي، وقولتيلي اللي مكتوب على الجبين لازم تشوفه العين، وسبتيني أركب ورجلي اتدشدشت. ولا هو قلب الأم ده بيشتغل لناس وناس؟
أمي اتصمرت في مكانها. الملامح بتاعتها اتجمدت، وبصتلي بصة ړعب حقيقي، كأنها لأول مرة بتشوفني، لأول مرة بتدرك إن البنت الهادية العبيطة اللي كانت بتدوس عليها، فتحت عينيها وشايفة كل القذارة اللي تحت السجادة.
إنتي… إنتي قصدك إيه يا دنيا؟
وقبل ما أرد عليها، رنة تليفوني قطعت الصمت في الشقة.
بصيت على الشاشة.
الاسم اللي كان بينور طارق الشرقاوي.
مردتش على أمي. شيلت الموبايل، وفتحت الخط، وقولت بصوت مسموع وواضح قدامها
أيوة يا طارق… كويس إنك اتصلت. أنا محتاجاك دلوقتي حالاً، في موضوع حياة أو مۏت يخص دينا… ويخصني أنا وإنت.